Kunsill Trasport, Telekomunikazzjoni u Enerġija (Trasport), 07/06/2018, 7 ta' Ġunju 2018

Riżultati ewlenin

Il-Kunsill adotta approċċ ġenerali dwar regolament propost dwar is-salvagwardja tal-kompetizzjoni fit-trasport bl-ajru. Il-proposta għandha l-għan li tiżgura kompetizzjoni ġusta bejn il-linji tal-ajru tal-UE u t-trasportaturi ta’ pajjiżi terzi filwaqt li jinżammu kundizzjonijiet li jwasslu għal livell għoli ta’ konnettività.

It-trasport bl-ajru huwa xprun kruċjali tal-ekonomija tal-UE, li jippermetti innovazzjonijiet teknoloġiċi avvanzati, aktar impjiegi u konnettività aħjar għaċ-ċittadini, kemm ġewwa l-Unjoni kif ukoll mal-bqija tad-dinja. Ladarba jiġi adottat, dan l-istrument ser jipprovdi lis-settur Ewropew tal-avjazzjoni b'għodod simili għal dawk eżistenti fil-livell internazzjonali f'oqsma oħra ta' attività kummerċjali. Ivaylo Moskovski, il-Ministru għat-Trasport, it-Teknoloġija tal-Informazzjoni u l-Komunikazzjoni tal-Bulgarija

• Is-salvagwardja tal-kompetizzjoni fit-trasport bl-ajru - il-Kunsill jadotta l-pożizzjoni tiegħu (stqarrija għall-istampa, 07/06/2018)

Il-Kunsill adotta approċċ ġenerali dwar abbozz ta’ direttiva dwar il-faċilitajiet tal-akkoljenza fil-portijiet li għandha l-għan li tipprevjeni r-rimi tal-iskart fil-baħar.

• L-indirizzar tal-iskart tal-baħar: il-Kunsill jaqbel dwar il-pożizzjoni tiegħu rigward faċilitajiet tal-akkoljenza fil-portijiet (stqarrija għall-istampa, 07/06/2018)

Il-Kunsill qabel ukoll dwar approċċ ġenerali dwar regoli aġġornati dwar pedaġġ elettroniku stradali u l-iskambju ta’ informazzjoni.

• L-UE qed tagħmel l-irkupru ta' pedaġġi stradali mhux imħallsa aktar faċli - il-Kunsill jaqbel dwar il-pożizzjoni tiegħu (stqarrija għall-istampa, 07/06/2018)

Il-ministri ddiskutew il-proposti ewlenin marbuta mas-settur tat-trasport bit-triq, bil-għan li jiġu żgurati kundizzjonijiet soċjali adegwati għas-sewwieqa kif ukoll suq uniku ġust u li jaħdem sew. Dawn il-proposti jinkludu regoli dwar il-ħinijiet ta' sewqan u mistrieħ tat-trasportaturi bit-triq, il-pożizzjonament permezz ta’ takografi, l-istazzjonament ta' sewwieqa li joperaw fi stati membri oħra, il-kabotaġġ u regoli dwar l-istabbiliment għall-operaturi tat-trasport bit-triq.

Barra minn hekk, il-ministri vvalutaw il-progress li sar fuq proposti għall-promozzjoni ta' trasport ikkombinat u vetturi tat-trasport bit-triq nodfa. Il-ministri ser jevalwaw ukoll il-progress li sar fuq proposta biex jiġu aġġornati d-drittijiet tal-passiġġieri ferrovjarji.