Cad é staid an dúlra san Aontas?

Tuigeann an tAontas le fada an lá a thábhachtaí atá sé an nádúr agus an bhithéagsúlacht a chosaint; glacadh an chéad dlí in 1979 - an Treoir maidir le hÉin - mar aon le dlíthe agus cláir chistiúcháin eile ina dhiaidh sin. In ainneoin na n-iarrachtaí sin, tá meath mór ar staid an nádúir san Aontas.

Ghlac an Chomhairle an dlí maidir le hathbhunú an dúlra chun dea-bhail a chur ar an dúlra agus ar speicis arís. Leagtar síos leis an dlí, spriocanna ceangailteacha do na príomhéiceachórais, gnáthóga agus do na speicis a bhfuil cónaí acu iontu.

Ábhar imní don nádúr

Is ábhar mór imní do staid an dúlra san Aontas é an t-athbhreithniú is déanaí a rinne an Ghníomhaireacht Eorpach Chomhshaoil in 2025, go háirithe ó thaobh na ngnáthóg a bhfuil cónaí ar gach cineál ainmhí agus planda iontu.

Is iad na tailte portaigh agus na dumhcha na tailte is mó a buaileadh

Tá meath ag teacht ar líon na speiceas chomh maith, de dheasca an mheatha ar na gnáthóga - a bhfuil gach cineál ainmhí agus planda ina gcónaí ann - agus de dheasca cúinsí agus bagairtí eile chomh maith.

Tá 38% de líon na n-éisc i ndrochriocht

Is in olcas atá cúrsaí ag dul. I measc na ngnáthóg agus na speiceas a bhfuil drochbhail orthu, tá cúrsaí ag dul in olcas d’os cionn aon trian acu. Níl treocht in airde ach do 9% de ghnáthóga agus 6 % de na speicis a bhfuil drochbhail orthu.

I measc na speiceas atá i mbaol agus faoi bhagairt san Aontas, tá an méid a leanas:

Bradán danóbach

Turtar droimleathair

Hamstar rómánach

Bagairt ar an tslándáil bia

Ní féidir déanamh d’éagmais an nádúir sa táirgeadh bia. Is a bhuí leis na feithidí a phailníonn go ndéantar beagnach €5 bhilliún d’aschur bliantúil talmhaíochta san Aontas. Níl ann do na dálaí oiriúnacha, cuir i gcás áit ar bhféadfaí nead a thógáil, do na pailneoirí i gcothrom is 50% de na limistéir san Aontas ina bhfástar barra (crainn torthaí, mar shampla) atá spleách ar phailneoirí.

Dá dheasca seo, tá drochbhail ar na beacha agus ar na féileacáin, arb iad cinn de na pailneoirí is coitianta iad, san Aontas.

Tá os cionn 50% de líon na bhféileacán féaraigh caillte ó bhí 1991 ann

Táscaire maidir le féileacáin féarthalaimh atá sa chairt, ar ceann de na táscairí stádais um an bhithéagsúlacht san Eoraip é. Tá sé bunaithe ar an daonra de 17 speiceas féileacán a ndéantar faireachán orthu ar fud an Aontais agus atá ina saintréith d’fhéarthailte Eorpacha.

Laghdú 42% ar líon na n-éan talaimh feirme ó bhí 1990 ann

Is pailneoirí iad na héin freisin. Cuireann athruithe comhshaoil isteach go mór orthu, agus dá bharr sin is léiriú maith iad ar shláinte an éiceachórais. Tháinig meath tubaisteach ar líon na n-éan feirme san Aontas idir 1990 agus 2023.

I measc na n-éan talaimh feirme a bhfuil laghdú ag teacht ar a líon, tá an méid a leanas:

Bustard beag

Guilbneach earrdhubh

Fearán eorpach

Féach freisin