"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Affarijiet Ekonomiċi u Finanzjarji, 21 ta' Ġunju 2024
Riżultati ewlenin
L-aggressjoni tar-Russja kontra l-Ukrajna
Il-Kunsill kellu skambju ta' fehmiet dwar is-sitwazzjoni attwali tal-impatt ekonomiku u finanzjarju tal-aggressjoni tar-Russja kontra l-Ukrajna.
Il-ministri ġew infurmati dwar is-sitwazzjoni ekonomika u baġitarja fl-Ukrajna u dwar l-implimentazzjoni tal-Faċilità għall-Ukrajna. B'kapaċità ta' €50 biljun, il-Faċilità għall-Ukrajna bħalissa hija l-mezz ewlieni għall-għoti ta' finanzjament għall-Ukrajna. Serhiy Marchenko, il-ministru għall-finanzi Ukren ingħaqad mad-diskussjoni permezz ta' vidjokonferenza.
Il-ministri ddiskutew ukoll l-aħħar deċiżjoni tal-G7 li mill-2025 'il quddiem isiru disponibbli madwar $50 biljun billi jiġi ingranat id-dħul straordinarju li jirriżulta mill-immobilizzazzjoni tal-assi sovrani Russi.
Il-ministri ħadu nota tal-ħtieġa li din id-deċiżjoni tiġi operazzjonalizzata bil-ħsieb li l-iżborżi jkunu jistgħu jsiru qabel tmiem is-sena. Il-presidenza tat mandat lill-Kumitat Ekonomiku u Finanzjarju biex javvanza l-ħidma fuq il-kunċett, filwaqt li jistenna proposti mill-Kummissjoni.
L-UE tkompli tappoġġa lill-Ukrajna. Il-mexxejja tal-G7 ħadu d-deċiżjoni importanti li jużaw id-dħul li jirriżulta mill-immobilizzazzjoni tal-assi Russi biex jappoġġaw lill-Ukrajna. Illum kellna l-ewwel diskussjoni dwar kif l-UE ser toperazzjonalizza dan il-kompitu importanti. Din ser tiġi segwita minn diskussjoni oħra fil-livell tal-mexxejja fil-Kunsill Ewropew il-ġimgħa d-dieħla u abbażi ta' dik l-ewwel gwida, ser issegwi malajr il-ħidma teknika. L-UE hija impenjata bis-sħiħ f'dan il-proċess.
Vincent Van Peteghem, Viċi Prim Ministru u Ministru għall-Finanzi tal-Belġju
Il-Kummissjoni ppreżentat lill-Kunsill il-Pakkett tar-Rebbiegħa tas-Semestru Ewropew 2024. Il-pakkett jinkludi rakkomandazzjonijiet speċifiċi għall-pajjiż, li jipprovdu gwida lill-istati membri dwar il-politiki ekonomiċi, soċjali, tal-impjiegi, strutturali u makroekonomiċi tagħhom, u valutazzjoni tal-iżbilanċi makroekonomiċi tal-istati membri.
Il-Kummissjoni identifikat ukoll stati membri li kellhom defiċit eċċessiv tal-gvern estiż fl-2023. Il-ministri ħadu nota tal-elementi tal-Pakkett tar-Rebbiegħa u qasmu l-fehmiet inizjali tagħhom, sakemm issir analiżi aktar dettaljata fil-Kunsill ECOFIN ta' Lulju.
Il-Kunsill kellu skambju ta' fehmiet, filwaqt li għamel progress lejn qbil, dwar it-taxxa fuq il-valur miżjud (VAT) fil-pakkett tal-era diġitali, li għandu l-għan li jindirizza l-frodi tal-VAT, jappoġġa lin-negozji u jippromwovi d-diġitalizzazzjoni.
Il-Kunsill approva abbozz ta' rapport dwar kwistjonijiet ta' taxxa indirizzat lill-Kunsill Ewropew. Ir-rapport ipprovda ħarsa ġenerali tal-progress miksub fil-Kunsill matul il-mandat tal-Presidenza Belġjana (Jannar sa Ġunju 2024), kif ukoll ħarsa ġenerali lejn is-sitwazzjoni attwali tal-aktar affarijiet importanti li qed jiġu nnegozjati fil-qasam tat-tassazzjoni.
Konvenzjoni Qafas tan-NU dwar il-Kooperazzjoni Internazzjonali fil-Qasam tat-Taxxa
Taħt punti oħra, il-presidenza infurmat lill-ministri dwar il-ħidma mwettqa fil-kumitat ad hoc biex jiġu abbozzati termini ta' referenza għal Konvenzjoni Qafas tan-NU dwar il-Kooperazzjoni Internazzjonali fil-Qasam tat-Taxxa.
L-Assemblea Ġenerali tan-NU stabbiliet, skont ir-riżoluzzjoni 78/230 tat-22 ta' Diċembru 2023, kumitat ad hoc biex sa Awwissu 2024 jabbozza t-termini ta' referenza għal Konvenzjoni Qafas tan-NU dwar il-Kooperazzjoni Internazzjonali fil-Qasam tat-Taxxa.
Il-Kunsill ħa nota ta' nota ta' informazzjoni tal-presidenza dwar is-sitwazzjoni attwali tad-diskussjonijiet dwar ir-riforma tal-unjoni doganali u attivitajiet leġiżlattivi u mhux leġiżlattivi oħra fil-qasam tal-unjoni doganali tal-UE.
Ir-riforma doganali tistabbilixxi viżjoni moderna għad-dwana tal-UE sabiex l-awtoritajiet doganali fl-UE jkunu mgħammra kif xieraq biex iwaqqfu merkanzija mhux konformi, jiġbru aktar dazji doganali u jwettqu kontrolli adegwati mingħajr ma jitfgħu piż eċċessiv fuq l-awtoritajiet u n-negozjanti.
Il-presidenza ppreżentat is-sitwazzjoni attwali tal-proposti leġiżlattivi fil-qasam tas-servizzi finanzjarji. Dan huwa punt rikorrenti fuq l-aġenda tal-ECOFIN.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-Kunsill approva wkoll mingħajr diskussjoni l-pożizzjonijiet ġenerali tal-UE, li jinkludu Oqfsa ta' Negozjar, għan-negozjati mal-Ukrajna u l-Moldova dwar l-adeżjoni.
Dan iwitti t-triq għall-ewwel Konferenzi ta' Adeżjoni ma' dawn iż-żewġ pajjiżi kandidati fil-25 ta' Ġunju 2024.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
