"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Affarijiet Ekonomiċi u Finanzjarji, 14/06/2019, 14 ta' Ġunju 2019
Riżultati ewlenin
Patt ta' stabbiltà u tkabbir
Il-Kunsill għalaq il-proċedura ta' defiċit eċċessiv għal Spanja, li jikkonferma li d-defiċit tagħha niżel taħt il-valur ta' referenza tal-UE ta' 3% tal-PDG.
Bħala konsegwenza, il-proċeduri kollha li kienu miftuħa fl-eqqel tal-kriżi tal-euro issa ngħalqu.
Minn issa 'l quddiem, Spanja ser tkun soġġetta għall-parti preventiva tal-ġabra tar-regoli fiskali tal-UE.
Il-Kunsill ħareġ ukoll deċiżjonijiet dwar l-Ungerija u r-Rumanija, li diġà huma soġġetti għal proċedura ta' devjazzjoni sinifikanti, li jikkonfermaw li ma ttieħdux azzjonijiet effettivi, u rakkomandazzjonijiet ġodda dwar miżuri li għandhom jittieħdu biex jiġu kkoreġuti d-devjazzjonijiet.
Il-ministri ddiskutew ukoll dwar kwistjonijiet rilevanti indirizzati fir-rakkomandazzjonijiet speċifiċi għall-pajjiżi ppreżentati mill-Kummissjoni fil-5 ta' Ġunju, qabel id-diskussjoni tal-Kunsill Ewropew tal-20 u l-21 ta' Ġunju.
Pjaneta nadifa għal kulħadd
Il-ministri ddiskutew dwar il-komunikazzjoni tal-Kummissjoni dwar viżjoni fit-tul strateġika għal ekonomija newtrali għall-klima.
It-transizzjoni lejn ekonomija newtrali għall-klima sal-2050 ser teħtieġ investimenti importanti, inkluż fis-sistemi tal-enerġija, l-infrastruttura u l-bini. Bla dubju, il-flus pubbliċi waħedhom mhux ser ikunu biżżejjed biex jiffinanzjaw il-ħtiġijiet kollha ta' investiment. Huwa għalhekk għaliex għandna bżonn inħeġġu strateġiji ta' investiment li jgħinuna nilħqu l-objettivi tal-ftehim ta' Pariġi.
Eugen Teodorovici, ministru għall-finanzi tar-Rumanija
Id-dibattitu ffoka fuq l-investiment u l-aspetti relatati mal-finanzi tal-komunikazzjoni tal-Kummissjoni, billi rrikonoxxa li t-transizzjoni ser teħtieġ investimenti importanti. L-istimi jissuġġerixxu li l-volum ta' investiment annwali attwali ta' madwar 2% tal-PDG ser ikollu jiżdied għal kważi 3%, jew aktar minn 500 biljun euro, kull sena matul il-perjodu 2031-2050.
Filmat tal-punti ewlenin tal-Kunsill Affarijiet Ekonomiċi u Finanzjarji, li sar fl-14 ta' Ġunju 2019, fil-Lussemburgu
Taxxa fuq it-transazzjonijiet finanzjarji
Il-Kunsill ġie aġġornat mill-istati membri li qed jipparteċipaw fil-kooperazzjoni msaħħa dwar is-sitwazzjoni attwali rigward it-taxxa fuq it-transazzjonijiet finanzjarji (TTF), abbażi ta' nota mill-Ġermanja.
L-istati membri parteċipanti indikaw li qed jiddiskutu dwar opzjoni ta' TTF bbażata fuq il-mudell Franċiż tat-taxxa u dwar il-mutwalizzazzjoni possibbli tad-dħul fost l-istati membri parteċipanti bħala kontribuzzjoni għall-baġit tal-UE.
Filwaqt li l-istati membri kollha jipparteċipaw fid-deliberazzjonijiet, l-adozzjoni tad-direttiva ser teħtieġ qbil unanimu tal-pajjiżi parteċipanti fi ħdan il-Kunsill, wara konsultazzjoni mal-Parlament Ewropew.
Il-Kunsill adotta wkoll rapport għall-Kunsill Ewropew dwar kwistjonijiet ta' taxxa, kif ukoll rapport u konklużjonijiet dwar il-ħidma mwettqa mill-grupp dwar l-Kodiċi tal-Kondotta dwar it-tassazzjoni tal-intrapriżi.
Il-Kunsill approva rapport ta' progress imħejji mill-presidenza Rumena dwar is-sitwazzjoni attwali tal-unjoni bankarja. Il-Kummissjoni ppreżentat ukoll ir-rapport tagħha dwar l-implimentazzjoni tal-pjan ta' azzjoni dwar self improduttiv.
Mingħajr diskussjoni, il-Kunsill adotta wkoll regolament li jistabbilixxi "prodott tal-pensjoni personali pan-Ewropew" u regoli ġodda li jiffaċilitaw id-distribuzzjoni transkonfinali tal-fondi ta' investiment.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
It-transizzjoni lejn ekonomija newtrali għall-klima sal-2050 ser teħtieġ investimenti importanti, inkluż fis-sistemi tal-enerġija, l-infrastruttura u l-bini. Bla dubju, il-flus pubbliċi waħedhom mhux ser ikunu biżżejjed biex jiffinanzjaw il-ħtiġijiet kollha ta' investiment. Huwa għalhekk għaliex għandna bżonn inħeġġu strateġiji ta' investiment li jgħinuna nilħqu l-objettivi tal-ftehim ta' Pariġi.