"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Affarijiet Ekonomiċi u Finanzjarji, 10/10/2019, 10 ta' Ottubru 2019
Riżultati ewlenin
Ħasil tal-flus
Pjan ta' azzjoni dwar il-ġlieda kontra l-ħasil tal-flus
Il-Kunsill iddiskuta l-progress fl-implimentazzjoni tal-pjan ta' azzjoni dwar il-ġlieda kontra l-ħasil tal-flus stabbilit f'Diċembru 2018, kif ukoll prijoritajiet strateġiċi li ser jiggwidaw l-azzjonijiet fit-tul tal-Kummissjoni. Il-Kunsill mistenni jadotta konklużjonijiet dwar il-kwistjoni f'Diċembru 2019.
L-indirizzar effettiv tal-korruzzjoni, it-traffikar, l-evażjoni tat-taxxa jew it-terroriżmu jfisser l-indirizzar effettiv tal-flussi illegali tal-flus li jiffinanzjaw dawn l-attivitajiet. Hekk kif il-kriminalità ssir dejjem aktar transkonfinali, jeħtieġ li l-UE tadatta l-qafas regolatorju tagħha biex tiżgura s-sigurtà taċ-ċittadini tagħha u l-integrità tas-sistema finanzjarja tagħha.
Mika Lintilä, ministru għall-finanzi tal-Finlandja li bħalissa għandu l-presidenza tal-Kunsill
Il-ministri evalwaw in-nuqqasijiet identifikati mill-Kummissjoni fil-pakkett tagħha ta' rapporti ta' Lulju 2019, inkluż rieżami "post-mortem" ta' każijiet reċenti allegati ta' ħasil ta' flus li jinvolvu banek tal-UE. Huma enfasizzaw l-importanza li jiġu implimentati r-riformi maqbulin dan l-aħħar, b'mod partikolari l-ħames reviżjoni tad-direttiva dwar il-ġlieda kontra l-ħasil tal-flus (AML), ir-rekwiżiti ġodda ta' kapital għall-banek (CRD5) u s-sistema Ewropea riveduta ta' superviżjoni finanzjarja, u li jissaħħu l-kooperazzjoni u l-iskambji ta' informazzjoni fost l-awtoritajiet kompetenti. Il-ministri qiesu wkoll il-possibbiltà li jkomplu jiġu armonizzati r-regoli dwar l-AML, b'mod partikolari billi d-direttiva AML tinbidel f'regolament u jiġu kkonferiti kompiti superviżorji speċifiċi tal-AML lil korp tal-UE.
Il-ministri kellhom skambji ta' fehmiet dwar l-elementi ewlenin tal-metodoloġija riveduta tal-Kummissjoni għat-tħejjija ta' lista ta' "pajjiżi terzi b'riskju għoli" fil-qasam tal-ħasil tal-flus u l-finanzjament tat-terroriżmu. Ladarba jintlaħaq qbil dwar il-metodoloġija, il-Kummissjoni ser tressaq abbozz ġdid ta' lista ta' pajjiżi f'forma ta' att delegat.
Il-ħames direttiva dwar il-ġlieda kontra l-ħasil tal-flus u l-finanzjament tat-terroriżmu, adottata f'Mejju 2018, tistipula obbligu li jiġu identifikati ġurisdizzjonijiet ta' pajjiżi terzi li għandhom nuqqasijiet strateġiċi fis-sistemi tagħhom ta' kontra l-ħasil tal-flus u l-finanzjament tat-terroriżmu li huma ta' theddid sinifikanti għas-sistema finanzjarja tal-UE.
Il-President tal-Grupp ta' Persuni Għorrief dwar l-arkitettura finanzjarja Ewropea għall-iżvilupp ippreżenta r-rapport finali dwar kif jiġi mmassimizzat il-valur miżjud tal-arkitettura finanzjarja Ewropea għall-iżvilupp, b'kont meħud tal-korpi nazzjonali u internazzjonali eżistenti involuti.
Ir-rapport jargumenta b'appoġġ għall-konsolidazzjoni u s-simplifikazzjoni tal-finanzjament għall-iżvilupp u l-attivitajiet klimatiċi barra mill-UE f'entità waħda, "Bank Ewropew dwar il-Klima u l-Iżvilupp Sostenibbli", sabiex jiġu evitati duplikazzjonijiet u biex tissaħħaħ il-preżenza, ir-rwol u l-kapaċità fit-tul tal-UE li twettaq il-prijoritajiet ta' żvilupp tagħha. Huwa jiddeskrivi wkoll diversi għażliet dwar kif dan jista' jinkiseb. Barra minn hekk, ir-rapport jargumenta favur it-teħid ta' passi aktar immedjati biex jinħoloq ċentru ta' politika b'saħħtu fl-UE u biex il-baġit tal-UE għall-iżvilupp jintuża fil-QFP li jmiss bħala katalist għar-riforma tas-sistema eżistenti.
Matul id-diskussjoni, il-ministri enfasizzaw l-importanza ta' ħidma lejn viżjoni komuni u li jittieħed vantaġġ miċ-ċiklu istituzzjonali l-ġdid tal-UE u min-negozjati li għaddejjin dwar il-qafas finanzjarju pluriennali. Sadanittant, il-ħidma dwar miżuri fuq perijodu qasir għandha tiġi avvanzata kemm jista' jkun malajr. Il-presidenza Finlandiża ser tittratta din il-kwistjoni b'mod prijoritarju u għandha l-għan li tadotta l-konklużjonijiet tal-Kunsill dwar ir-rapport sa Diċembru 2019.
Il-Kunsill ħareġ rakkomandazzjoni lill-Kunsill Ewropew dwar in-nomina ta' Fabio Panetta, Direttur Ġenerali attwali tal-Bank tal-Italja, bħala l-kandidat tiegħu biex jissostitwixxi Benoit Coeuré fuq il-bord eżekuttiv tal-Bank Ċentrali Ewropew.
Il-Kunsill Ewropew huwa mistenni jieħu deċiżjoni formali dwar il-ħatra sal-aħħar tas-sena, wara li jkun ikkonsulta lill-Parlament Ewropew u l-Kunsill Governattiv tal-BĊE.
Barra minn hekk, il-ministri ffinalizzaw it-tħejjijiet għal qabel il-laqgħat internazzjonali (il-laqgħa dwar il-finanzi tal-G20 tas-17-18 ta' Ottubru u l-laqgħat annwali tal-FMI fl-14-20 ta' Ottubru f’Washington DC) u evalwaw l-aħħar attivitajiet tal-koalizzjoni tal-ministri għall-finanzi għall-azzjoni klimatika. Iddiskutew ukoll il-proċess ta' monitoraġġ tal-politika tas-"Semestru Ewropew" fid-dawl tat-tagħlimiet miksuba mill-eżerċizzju tal-2019.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
L-indirizzar effettiv tal-korruzzjoni, it-traffikar, l-evażjoni tat-taxxa jew it-terroriżmu jfisser l-indirizzar effettiv tal-flussi illegali tal-flus li jiffinanzjaw dawn l-attivitajiet. Hekk kif il-kriminalità ssir dejjem aktar transkonfinali, jeħtieġ li l-UE tadatta l-qafas regolatorju tagħha biex tiżgura s-sigurtà taċ-ċittadini tagħha u l-integrità tas-sistema finanzjarja tagħha.
