"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Kunsill Affarijiet Ekonomiċi u Finanzjarji, 8 ta' Novembru 2022
Riżultati prinċipali
Basel III
Il-Kunsill qabel dwar il-pożizzjoni tiegħu (approċċ ġenerali) rigward iż-żewġ atti leġiżlattivi li fadal għall-implimentazzjoni tal-ftehim ta' Basel III, miżuri ta' riforma maħsuba biex jgħinu fit-tisħiħ tar-reżiljenza tas-settur bankarju tal-UE u biex isaħħu s-superviżjoni u l-ġestjoni tar-riskju tiegħu.
Qed nagħtu spinta lis-saħħa u r-reżiljenza tal-banek li joperaw fl-Unjoni. Hekk kif qed niffinalizzaw l-implimentazzjoni tar-riformi internazzjonali ta' Basel III, huwa importanti li nqisu l-ispeċifiċitajiet tas-settur bankarju tal-UE, u s-sitwazzjoni speċifika fl-istati membri tagħna. Ninsab fiduċjuż li t-testi aġġornati li qbilna dwarhom illum ser jimmiraw li jiksbu dawn l-objettivi.
Zbyněk Stanjura, Ministru għall-Finanzi taċ-Ċekja
Il-Kunsill iddiskuta dawk il-partijiet tad-direttiva Eurovignette li jikkonċernaw it-tassazzjoni ta' vetturi tqal tal-merkanzija għall-użu tal-infrastrutturi tat-toroq.
Kellna diskussjoni tajba dwar kif nemendaw ir-regoli attwali ta' tassazzjoni sabiex niksbu bl-aħjar mod l-objettivi kondiviżi tagħna: ninkoraġġixxu trasport bit-triq aktar nadif u nnaqqsu l-konġestjoni. Huwa mportanti li nneħħu kwalunkwe ostaklu li jibqa' biex l-istati membri japplikaw bis-sħiħ il-prinċipji ta' "min iniġġes iħallas" u "l-utent iħallas" għat-trakkijiet. Filwaqt li għamilna progress tajjeb, din il-kwistjoni hija kumplessa u ser teħtieġ aktar ħidma.
Zbyněk Stanjura, Ministru għall-Finanzi taċ-Ċekja
Il-ministri ddiskutew l-impatt ekonomiku u finanzjarju tal-aggressjoni Russa kontra l-Ukrajna. Sa mill-bidu tal-gwerra, dan huwa punt regolari fuq l-aġenda tal-laqgħat tal-Kunsill Affarijiet Ekonomiċi u Finanzjarji.
Il-ministri taw gwida politika rigward it-triq 'il quddiem dwar soluzzjoni aktar strutturali għall-assistenza finanzjarja tal-UE għall-Ukrajna fl-2023. Huma ssottolinjaw b'mod qawwi l-urġenza ta' din il-kwistjoni u kienu favur qafas li jipprovdi l-prevedibbiltà u l-flessibbiltà li jippermettu lill-Kummissjoni timmobilizza r-riżorsi permezz tal-ħruġ ta' bonds fi ħdan il-limiti baġitarji miftiehma. L-għan huwa li jibdew l-iżborżi ta' kull xahar lill-Ukrajna f'Jannar 2023.
Aħna ser nappoġġaw lill-Ukrajna sakemm ikun hemm bżonn, anke finanzjarjament. Bħala l-President tal-Kunsill, qsamt mal-kollegi tiegħi l-esperjenza personali tiegħi miż-żjara tiegħi fi Kiev il-ġimgħa li għaddiet. L-għan tiegħi huwa li jiġu stabbiliti żborżi regolari lill-Ukrajna minn Jannar 2023. Jekk irridu nilħqu din il-mira, irridu naġixxu malajr ħafna. Illum, il-ministri taw gwida politika lill-Kummissjoni sabiex tkun tista' tipproponi l-pakkett leġiżlattiv meħtieġ mingħajr dewmien. Ser nagħmlu kull sforz biex nilħqu qbil dwar dawn il-proposti fil-laqgħa ta' Diċembru tal-Kunsill Affarijiet Ekonomiċi u Finanzjarji.
Zbyněk Stanjura, Ministru għall-Finanzi taċ-Ċekja
Il-Faċilità għall-Irkupru u r-Reżiljenza
Il-ministri għall-ekonomija u l-finanzi evalwaw l-implimentazzjoni tal-Faċilità għall-Irkupru u r-Reżiljenza (RRF).
Il-presidenza informat lill-ministri dwar is-sitwazzjoni attwali fir-rigward tal-proposti leġiżlattivi li għaddejjin bħalissa fil-qasam tas-servizzi finanzjarji.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-Kunsill approva konklużjonijiet dwar l-istatistika tal-UE, li jilqgħu r-rispons tas-Sistema Ewropea tal-Istatistika (ESS) għall-ħtieġa ta' statistika ġdida u aktar tempestiva, ikkawżata mill-gwerra ta' aggressjoni Russa kontra l-Ukrajna, b'mod partikolari fir-rigward tal-istatistika dwar l-enerġija, il-ktajjen tal-provvista, il-migrazzjoni u s-suq tax-xogħol.
Att tal-Istati Uniti dwar it-Tnaqqis tal-Inflazzjoni
Il-Kummissjoni informat lill-ministri dwar l-att dwar it-tnaqqis tal-inflazzjoni u l-konsegwenzi ta' din il-leġiżlazzjoni l-ġdida tal-Istati Uniti għall-UE.
Laqgħat internazzjonali
Il-Presidenza u l-Kummissjoni infurmat lill-ministri dwar ir-riżultati tal-laqgħa tal-G20 tal-Ministri għall-Finanzi u l-Gvernaturi tal-Banek Ċentrali fit-12 u t-13 ta' Ottubru 2022 u l-laqgħat annwali tal-FMI.
Tassazzjoni: kodiċi ta' kondotta rivedut
Bħala punt mingħajr diskussjoni, illum il-ministri għall-finanzi tal-UE qablu dwar kodiċi ta' kondotta rivedut għat-tassazzjoni tal-intrapriżi: impenn politiku u intergovernattiv mill-istati membri biex japplikaw regoli ta' skrinjar imsaħħa meta jfittxu u jirrimedjaw miżuri ta' tassazzjoni li jistgħu jkunu dannużi għall-bażijiet għat-taxxa ta' stati membri oħra.
Illum, aħna kkonfermajna l-impenn tagħna għal ambjent tat-taxxa aktar ġust fl-UE billi saħħejna r-regoli li napplikaw meta nindirizzaw prattiki dannużi ta' tassazzjoni f'ekonomija li qed tevolvi. L-esperti tagħna fit-tassazzjoni kontinwament ifittxu prattiki dannużi ta' tassazzjoni. Sa mill-bidu tal-ħidma tiegħu fl-1997, il-grupp dwar il-kodiċi tal-kondotta rnexxielu jelimina madwar 140 prattika dannuża ta' tassazzjoni fl-UE. Il-kodiċi ta' kondotta tat-tassazzjoni tal-intrapriżi ilu ma jiġi emendat mill-1997 u l-ftehim tal-lum ikompli jtejjeb l-effettività tiegħu anke fid-dawl tar-riforma fiskali internazzjonali reċenti.
Zbyněk Stanjura, Ministru għall-Finanzi taċ-Ċekja
Bħala punt mingħajr diskussjoni, illum il-Kunsill iddeċieda li jissospendi kompletament il-ftehim ta' eżenzjoni mill-viża mal-Vanuatu minħabba r-riskji li jirriżultaw mill-iskemi tiegħu ta' ċittadinanza b'investiment (skemi ta' "passaport tad-deheb").
Fil-marġini tal-Ecofin, saret laqgħa ta' djalogu makroekonomikumas-sħab soċjali, li ffokat fuq il-prezzijiet tal-enerġija.
Waqt djalogu annwali bejn il-ministri għall-finanzi u l-ekonomija tal-UE u tal-EFTA, il-parteċipanti qasmu l-fehmiet tagħhom dwar il-prezzijiet tal-enerġija u l-inflazzjoni fil-kuntest tas-sitwazzjoni ġeopolitika attwali.
Il-Kunsill adotta wkoll mingħajr diskussjoni l-punti li jidhru fil-listi ta' punti A leġiżlattivi u mhux leġiżlattivi.
Il-ministri tal-UE u tal-EFTA għall-finanzi u l-ekonomija ltaqgħu fit-8 ta' Novembru 2022 fi Brussell
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Qed nagħtu spinta lis-saħħa u r-reżiljenza tal-banek li joperaw fl-Unjoni. Hekk kif qed niffinalizzaw l-implimentazzjoni tar-riformi internazzjonali ta' Basel III, huwa importanti li nqisu l-ispeċifiċitajiet tas-settur bankarju tal-UE, u s-sitwazzjoni speċifika fl-istati membri tagħna. Ninsab fiduċjuż li t-testi aġġornati li qbilna dwarhom illum ser jimmiraw li jiksbu dawn l-objettivi.
Aħna ser nappoġġaw lill-Ukrajna sakemm ikun hemm bżonn, anke finanzjarjament. Bħala l-President tal-Kunsill, qsamt mal-kollegi tiegħi l-esperjenza personali tiegħi miż-żjara tiegħi fi Kiev il-ġimgħa li għaddiet. L-għan tiegħi huwa li jiġu stabbiliti żborżi regolari lill-Ukrajna minn Jannar 2023. Jekk irridu nilħqu din il-mira, irridu naġixxu malajr ħafna. Illum, il-ministri taw gwida politika lill-Kummissjoni sabiex tkun tista' tipproponi l-pakkett leġiżlattiv meħtieġ mingħajr dewmien. Ser nagħmlu kull sforz biex nilħqu qbil dwar dawn il-proposti fil-laqgħa ta' Diċembru tal-Kunsill Affarijiet Ekonomiċi u Finanzjarji.
