It-trasparenza u l-immirar tar-reklamar politiku
It-trasparenza u l-immirar tar-reklamar politiku
X'inhu r-reklamar politiku online?
Ir-reklamar politiku huwa ċentrali biex jinforma lin-nies u jinfluwenza kif jivvutaw.
Mhux dejjem faċli li tagħraf reklam politiku. It-trasparenza hija importanti sabiex l-udjenzi jkunu jafu x'qed jaraw.
Ammonti kbar ta' data personali ġġenerata mill-apparat diġitali jintużaw biex messaġġi politiċi mfassla apposta jiġu mmirati lejn votanti potenzjali.
It-tekniki tar-reklamar politiku online jistgħu:
- jaffettwaw id-dritt taċ-ċittadini għall-privatezza
- ixerrdu informazzjoni falza malajr
- jifframmentaw id-dibattitu politiku
- jimmanipulaw lill-votanti.
It-tliet saffi ta' profil online
Dak li tikkondividi: isem reali, ġeneru, ħbieb, likes u reazzjonijiet oħra, ritratti li ttella', aġġornamenti tal-istatus, avvenimenti li tattendi, professjoni (dikjarata), sitwazzjoni sentimentali (dikjarat), postijiet li żort.
X'tgħidilhom l-imġiba tiegħek: siti web li żort, reklami li kklikkjajt fuqhom, għadd ta' interazzjonijiet/posts kuljum, rendikont tax-xiri online, movimenti traċċati tal-mouse, veloċità tal-ittajpjar, distanza minn apparat ieħor, rendikont tat-telefonati, statistika tas-siti web li żort.
X'taħseb dwarek il-magna: taqta' drawwa, relazzjoni ġdida, 'il bogħod mill-familja, ġenituri jistennew tarbija, mort tgħix f'post ġdid, vjaġġaturi internazzjonali frekwenti, stil ta' ħajja suburban, ikel tajjeb għas-saħħa, logħob li lgħabt fl-aħħar 14.7 jew 3 ijiem, tatwaġġi jew piercing, drawwiet ġodda tal-ikel.
Sors: Fondazzjoni Panoptykon.
Ir-regolamenti tal-istati membri f'ċifri
Is-27 stat membru kollha għandhom regoli dwar ir-reklamar politiku iżda:
- 17 biss għandhom regoli li japplikaw għall-ambjent online
- 3 mis-17-il stat membru biss għandhom regoli li huma speċifiċi għar-reklamar politiku online
- l-14-il stat membru l-oħra sempliċiment japplikaw ir-regoli għar-reklamar politiku offline għall-ambjent online.
Sors: Parlament Ewropew.
Aktar regoli għall-UE kollha għall-prevenzjoni tal-manipulazzjoni
Ir-regoli tal-UE:
- jiffaċilitaw il-forniment transkonfinali u s-sorveljanza tas-servizzi tar-reklamar politiku
- jiġġieldu kontra l-manipulazzjoni tal-informazzjoni u l-indħil barrani fl-elezzjonijiet
- iħarsu dibattitu demokratiku miftuħ fl-istati membri tal-UE.
Biex tiġi żgurata t-trasparenza:
- ser ikun hemm obbligi fuq l-atturi ekonomiċi kollha involuti fit-tħejjija, il-pubblikazzjoni u t-tixrid tar-reklamar politiku
- ir-reklami jrid ikollhom marka ċara ta' x'inhuma u jinkludu informazzjoni dwar min ħallas għar-reklam.
Biex jiġi limitat l-immirar:
- ser ikun hemm projbizzjoni fuq tekniki ta' mmirar u twassil ta' reklami bbażati fuq it-tfassil ta' profili li joperaw permezz ta' data personali sensittiva bħal dwar l-oriġini razzjali jew etnika, l-orjentazzjoni sesswali jew l-opinjonijiet politiċi
- l-użu ta' data personali oħra huwa soġġett għal kunsens espliċitu u separat u għandu jinġabar direttament mis-suġġett tad-data.
Ir-reklamar politiku f'ċifri
L-evoluzzjoni tar-reklamar politiku tirrifletti fil-biċċa l-kbira l-bidliet li jaffettwaw is-suq tar-reklamar.
Fl-2021, madwar id-dinja ntefqu $522,5 biljun fuq ir-reklamar politiku diġitali.
Sat-2026 l-infiq mistenni jilħaq $836 biljun.
€43 miljun intefqu f'reklamar diġitali politiku fl-Ewropa fuq Facebook, Instagram, Google u YouTube fl-20 ġimgħa ta' qabel l-elezzjonijiet għall-Parlament Ewropew tal-2019.
Iċ-ċifri tal-UE
Ir-reklamar online huwa l-akbar mezz ta' reklamar fiż-Żona Ekonomika Ewropea, u jiġġenera aktar dħul mill-mezzi l-oħra kollha ta' reklamar magħduda flimkien.
Ir-reklamar politiku li ntefaq fuq Google fl-Ewropa bejn Marzu 2019 u Jannar 2022:
- Ġermanja: €5 350 000
- Ungerija: €2 960 000
- Netherlands: €2 430 000
- Rumanija: €1 930 000
- Żvezja: €1 530 000
- Awstrija: €1 220 000
- Italja: €1 090 000
- Ċekja: €749 000
- Bulgarija: €743 000
- Belġju: €727 000
- Greċja: €686 000
- Spanja: €681 000
- Finlandja: €674 000
- Malta: €533 000
- Polonja: €512 000
- Kroazja: €398 000
- Franza: €321 000
- Slovakkja: €275 000
- Litwanja: €265 000
- Ċipru: €234 000
- Estonja: €154 000
- Latvja: €140 000
- Slovenja: €109 000
- Portugall: €41 300
- Irlanda: €35 500
- Lussemburgu: €19 800
*Ma kien ebda data disponibbli dwar il-fondi minfuqa fuq ir-reklamar fid-Danimarka.
Sorsi: Kummissjoni Ewropea, Parlament Ewropew, Fondazzjoni Panoptykon, Statista.