"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-ministri ffukaw fuq id-dimensjoni ambjentali tal-patt għal industrija nadifa, li ġie ppreżentat mill-Kummissjoni fis-26 ta' Frar 2025 bħala pjan direzzjonali konġunt għall-kompetittività u d-dekarbonizzazzjoni.
Il-ministri ddiskutew modi kif jgħinu lill-industriji tal-UE jibqgħu kompetittivi waqt it-tranżizzjoni lejn emissjonijiet żero netti u rrikonoxxew il-patt għal industrija nadifa bħala bażi tajba għad-diskussjoni. Diversi ministri rrikonoxxew ir-rabta bejn il-patt għal industrija nadifa u l-istabbiliment ta' mira klimatika għall-2040 biex ikun hemm prevedibbiltà. Il-ministri rrikonoxxew il-ħtieġa għal finanzjament adegwat iżda qamu għadd ta' mistoqsijiet dwar il-bank għad-dekarbonizzazzjoni industrijali previst. Xi ministri enfasizzaw il-ħtieġa li tiġi żgurata l-effettività tal-mekkaniżmu ta' aġġustament tal-karbonju fil-fruntieri. Il-biċċa l-kbira tal-ministri laqgħu r-rwol ewlieni mogħti lill-ekonomija ċirkolari biex tixpruna d-dekarbonizzazzjoni.
Ilkoll naqblu li l-Ewropa teħtieġ għodod effettivi biex tappoġġa d-dekarbonizzazzjoni tal-industrija Ewropea. Il-Patt għal Industrija Nadifa jista' jsaħħaħ il-kompetittività tal-UE, filwaqt li jippromwovi t-teknoloġija nadifa u l-ekonomija ċirkolari. Id-diskussjoni tal-lum kienet kruċjali biex nidentifikaw inizjattivi li jistgħu jibdlu d-dekarbonizzazzjoni f'mutur b'saħħtu tat-tkabbir għan-negozji madwar l-Ewropa.
Paulina Hennig-Kloska, Ministru għall-Klima u l-Ambjent tal-Polonja
Il-ministri kellhom skambju ta' fehmiet dwar il-politiki ambjentali dinjija fil-preżenza tas-Sotto-Segretarju Ġenerali tan-Nazzjonijiet Uniti u d-Direttur Eżekuttiv tal-Programm tan-Nazzjonijiet Uniti għall-Ambjent, Inger Andersen.
Huma ddiskutew modi kif tiġi appoġġata kooperazzjoni ambjentali effettiva għal implimentazzjoni aħjar ta' ftehimiet multilaterali. Huma qasmu wkoll il-fehmiet tagħhom dwar kif l-aħjar jikkontribwixxu għas-suċċess tan-negozjati li għaddejjin dwar trattat globali dwar il-plastik.
Il-presidenza u l-Kummissjoni rrappurtaw dwar is-sessjoni li ssoktat u l-eżitu tal-konferenza tal-partijiet tal-konvenzjoni dwar id-diversità bijoloġika (COP16), li saret f'Ruma fi Frar 2025. Il-kisbiet ewlenin tal-COP16 kienu jinkludu deċiżjonijiet dwar il-mobilizzazzjoni tal-finanzjament mis-sorsi kollha biex jitnaqqas id-distakk globali fil-finanzjament tal-bijodiversità sal-2030, u dwar miżuri għall-monitoraġġ tal-implimentazzjoni tal-Qafas Globali tal-Bijodiversità u l-għanijiet u l-miri tiegħu.
Il-Ministru għall-Protezzjoni Ambjentali u r-Riżorsi Naturali tal-Ukrajna, Svitlana Hrynchuk, infurmat lill-ministri tal-UE dwar l-impatti ambjentali tal-aggressjoni Russa kontra l-Ukrajna. Il-ministri għall-ambjent irrikonoxxew is-sitwazzjoni devastanti għall-poplu Ukren u għan-natura u impenjaw ruħhom li jaħdmu b'mod kollettiv lejn id-dekontaminazzjoni u r-restawr ta' ambjent f'saħħtu fl-Ukrajna fis-snin li ġejjin.
Franza qasmet informazzjoni dwar il-mekkaniżmi biex jiġu stabbilizzati l-prezzijiet tal-kwoti fl-iskemi għall-iskambju ta' kwoti tal-emissjonijiet.
L-Italja, Franza u s-Slovakkja ġibdu l-attenzjoni għall-bżonn ta' mekkaniżmu ta' aġġustament tal-karbonju fil-fruntieri aktar effettiv għal industrija tal-UE kompetittiva u dekarbonizzata.
Iċ-Ċekja, flimkien ma' Franza, il-Kroazja, l-Ungerija, il-Latvja, il-Litwanja, ir-Rumanija, is-Slovenja u s-Slovakkja, indirizzat il-vjeġġi transfruntieri tal-iskart u modi kif tittejjeb l-aċċessibbiltà tal-informazzjoni għall-awtoritajiet kompetenti u għall-korpi ta' kontroll, inkluż f'każijiet ta' vjeġġi illegali ta' skart.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Is-Slovenja qajmet punt dwar l-isforzi ta' governanza reġjonali tal-oċeani u tal-ibħra u l-iżviluppi reċenti fir-rigward tal-konvenzjoni ta' Barċellona għall-protezzjoni tal-ambjent tal-baħar u tar-reġjun kostali tal-Mediterran.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Waqt l-ikla ta' nofsinhar, il-ministri għall-ambjent iddiskutew b'mod informali d-dimensjoni ambjentali tal-komunikazzjoni reċenti tal-Kummissjoni dwar viżjoni għall-agrikoltura u l-ikel. Huma skambjaw fehmiet dwar modi kif jappoġġaw lill-bdiewa u jinċentivawhom biex jipproteġu l-ħamrija, l-ilma, l-arja, kif ukoll in-natura u l-bijodiversità. Huma ttrattaw ukoll ir-rwol tal-agrikoltura u l-forestrija fil-bijoekonomija.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
