"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-Kunsill imbagħad kellu diskussjoni dwar is-sitwazzjoni fil-Lvant Nofsani, b'enfasi fuq is-sitwazzjoni umanitarja. L-istati membri ddiskutew il-kwistjoni ta' pawża umanitarja immedjata, u ta' operazzjoni militari Iżraeljana ppjanata f'Rafah. Iddiskutew ukoll il-ħtieġa li Iżrael jagħmel aktar biex jiffaċilita l-għajnuna u jipproteġi l-popolazzjoni ċivili.
F'dan il-kuntest, il-ministri kellhom skambju ta' fehmiet mal-Koordinatur Għoli tan-Nazzjonijiet Uniti għall-Għajnuna Umanitarja u r-Rikostruzzjoni għal Gaża, Sigrid Kaag. Il-parteċipanti ddiskutew magħha l-appoġġ għall-UNRWA, l-Aġenzija ta' Fondi u tax-Xogħol tan-Nazzjonijiet Uniti għar-Refuġjati tal-Palestina, u ġie enfasizzat li t-twaqqif tal-appoġġ ikun ifisser l-interruzzjoni tas-servizzi vitali pprovduti mill-aġenzija lill-popolazzjoni ċivili Palestinjana mhux biss f'Gaża, iżda wkoll fix-Xatt tal-Punent, il-Libanu u l-Ġordan.
Il-gwerra ta' aggressjoni tar-Russja kontra l-Ukrajna
Il-Ministri għall-Affarijiet Barranin tal-UE laqgħu l-intervent ta' Yulia Navalnaya, u taw ġieħ lill-memorja ta' Alexei Navalny. Is-Sa Navalnaya qasmet l-għarfien tagħha dwar il-livell ta' repressjoni tar-reġim ta' Putin u l-istat tal-oppożizzjoni politika fil-pajjiż.
Ipproponejt lill-ministri biex iżidu isem Alexei Navalny mal-isem tar-reġim Globali tagħna ta' Sanzjonijiet b'rabta mad-Drittijiet tal-Bniedem. Jekk jaqblu, dan ser jissejjaħ ir-"reġim Navalny dwar sanzjonijiet Globali b'rabta mad-Drittijiet tal-Bniedem". Dan ser ikun mod kif il-memorja tiegħu tinżamm ħajja.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Il-Kunsill Affarijiet Barranin imbagħad iddiskuta l-aggressjoni Russa kontra l-Ukrajna, wara intervent b'vidjokonferenza mill-Ministru għall-Affarijiet Barranin tal-Ukrajna Dmytro Kuleba, li informa lill-kontropartijiet tiegħu tal-UE dwar l-aħħar żviluppi fuq il-post ftit jiem qabel l-għeluq is-sentejn koroh mill-bidu tal-gwerra ta' aggressjoni ta' Putin kontra l-Ukrajna.
Ir-Rappreżentant Għoli ssottolinja kif Putin qed ikompli jpoġġi fil-mira objettivi ċivili u infrastruttura ċivili sabiex joħloq tbatija umana fost il-popolazzjoni u jisfida r-reżiljenza tagħha, u li l-UE ser tkompli tappoġġa lill-Ukrajna.
Id-diskussjoni tal-Kunsill imbagħad iffokat fuq l-impenji ta' sigurtà tal-UE u l-appoġġ militari lill-Ukrajna, u fuq il-mod kif l-UE tista' żżid il-forniment tagħha ta' munizzjon permezz ta' oqfsa bilaterali u Ewropej.
Il-ministri kellhom ukoll skambju ta' fehmiet dwar it-13-il pakkett ta' sanzjonijiet li għandu jiġi adottat qabel l-24 ta' Frar, u l-użu ta’ dħul imprevist iġġenerat mill-investiment ta’ assi Russi immobilizzati fl-UE.
Esprimejna s-solidarjetà tagħna mal-Prim Ministru tal-Estonja, u ma' politiċi u ċittadini oħra mill-istati membri tagħna li l-awtoritajiet Russi elenkaw bħala “mfittxija” u nedew psewdoinvestigazzjonijiet kriminali fir-rigward tagħhom.
Din hija deċiżjoni terribbli u żżid il-lista twila ta' miżuri li r-Russja ħadet biex tipprova tintimida lil dawk li jiddenunzjaw il-ksur tad-dritt internazzjonali, tad-drittijiet tal-bniedem u tal-prinċipji demokratiċi, min-naħa tar-Russja.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Is-Saħel
Il-Kunsill Affarijiet Barranin kellu skambju ta' fehmiet dwar is-sitwazzjoni fis-Saħel u ddiskuta l-prinċipji gwida ta' approċċ tal-UE adattat għar-reġjun f'konformità mal-approċċ "Soluzzjonijiet Afrikani għall-problemi Afrikani":
it-tisħiħ tal-kooperazzjoni maċ-Chad, il-Mauritania u l-pajjiżi tal-Golf tal-Guinea
it-tkomplija tal-appoġġ għall-ECOWAS u l-atturi reġjonali
il-kisba ta' approċċ aktar tranżazzjonali
it-tisħiħ tal-komunikazzjonijiet strateġiċi tal-UE għall-ġlieda kontra n-narrattivi foloz kontra l-Punent
Il-Belarussja
Taħt ġrajjiet kurrenti, il-Kunsill Affarijiet Barranin semma' 'l-Belarussja u approva konklużjonijiet li jikkonfermaw l-appoġġ sod tal-UE għas-soċjetà ċivili, u li jikkundannaw ir-reġim attwali għar-repressjoni tiegħu tad-demokrazija, in-nuqqas ta' rispett għad-drittijiet tal-bniedem, u l-kompliċità fil-gwerra tar-Russja kontra l-Ukrajna.
Qabel il-bidu tal-Kunsill Affarijiet Barranin, il-ministri għall-affarijiet barranin tal-UE kellhom skambju informali ta' fehmiet ma' Rafael Grossi, Direttur Ġenerali tal-IAEA, li informa lill-ministri dwar iż-żjara reċenti tiegħu fl-Ukrajna u l-Impjant tal-Enerġija Nukleari ta' Zaporizhzhya kif ukoll dwar linji ta' ħidma aktar ġenerali tal-IAEA. Il-ministri rreferew ukoll għall-prospetti għal kollaborazzjoni aktar mill-qrib bejn l-UE u l-IAEA qabel l-ewwel Summit dwar l-Enerġija Nukleari li għandu jiġi organizzat fi Brussell fil-21 ta' Marzu 2024.
Il-Kunsill adotta wkoll, mingħajr diskussjoni, il-punti fuq il-lista ta' punti A mhux leġiżlattivi.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Ipproponejt lill-ministri biex iżidu isem Alexei Navalny mal-isem tar-reġim Globali tagħna ta' Sanzjonijiet b'rabta mad-Drittijiet tal-Bniedem. Jekk jaqblu, dan ser jissejjaħ ir-"reġim Navalny dwar sanzjonijiet Globali b'rabta mad-Drittijiet tal-Bniedem". Dan ser ikun mod kif il-memorja tiegħu tinżamm ħajja.
