Mobbiltà ġusta għall-ħaddiema fl-UE
The EU aims to increase labour mobility through initiatives such as 'matchmaking' between job-seekers and employers, and fighting undeclared work.
L-UE qed taħdem biex iżżid il-mobbiltà ġusta tal-ħaddiema fl-Ewropa billi tneħħi l-ostakli li jxekkluha.
L-UE tappoġġa l-mobbiltà billi tgħin lil dawk li qed ifittxu x-xogħol u dawk li jħaddmu fl-Ewropa jsibu lil xulxin, ikunu fejn ikunu. Tieħu ħsieb ukoll li l-ħaddiema mobbli tal-UE ma jiġux abbużati u tgħin fil-koordinazzjoni tal-ġlieda kontra x-xogħol mhux iddikjarat.
Infurzar aħjar tar-regoli tal-UE dwar l-istazzjonament ta' ħaddiema
Id-direttiva għall-infurzar tal-leġislazzjoni dwar l-istazzjonament ta' ħaddiema għandha l-għan li ssaħħaħ id-drittijiet tal-ħaddiema stazzjonati, tiffaċilita l-forniment ta' servizzi transkonfinali u tiġġieled kontra d-dumping soċjali. L-għan tagħha hu li ttejjeb l-applikazzjoni tar-regoli eżistenti, mingħajr ma tibdilhom.
Il-Kunsill adotta r-reviżjoni tad-direttiva dwar l-istazzjonament ta' ħaddiema fil-21 ta' Ġunju 2018.
Awtorità Ewropea tax-Xogħol ġdida biex tittejjeb il-mobbiltà transkonfinali tal-ħaddiema
L-UE qed tipprova twaqqaf Awtorità Ewropea tax-Xogħol ġdida biex tittejjeb il-kooperazzjoni transkonfinali. Il-funzjonijiet ewlenin ta' dan il-korp ġdid huma:
- il-faċilitazzjoni tal-aċċess għal informazzjoni dwar drittijiet u obbligi f'każijiet ta' mobbiltà transkonfinali għall-impjegati, għal min iħaddem u għall-amministrazzjonijiet nazzjonali
- appoġġ għall-koordinazzjoni bejn l-istati membri fl-infurzar transkonfinali tal-liġi tal-Unjoni rilevanti
- medjazzjoni bejn l-istati membri sabiex jissolva tilwim transkonfinali bejniethom
- il-faċilitazzjoni ta' soluzzjonijiet f'każ ta' tfixkil fis-suq tax-xogħol.