"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-ministri għall-ambjent tal-UE approvaw konklużjonijiet dwar "L-Ambjent tal-Ewropa 2030 - Nibnu Ewropa aktar ċirkolari u reżiljenti".
Bi tkomplija fuq ir-rieżami ta' nofs it-terminu tal-2024 tat-tmien programm ta' azzjoni ambjentali (8EAP) u l-aħħar rapport dwar l-istat tal-ambjent Ewropew, ippubblikat mill-Aġenzija Ewropea għall-Ambjent, il-ministri enfasizzaw l-urġenza li jiġu avvanzati kemm ir-reżiljenza għall-klima kif ukoll it-tranżizzjoni lejn ekonomija ċirkolari, filwaqt li tiġi rikonoxxuta l-interkonnettività taż-żewġ kwistjonijiet biex jiġu indirizzati l-isfidi klimatiċi u ambjentali bħat-tniġġis, it-telf tal-bijodiversità u l-iskarsezza tar-riżorsi.
Fi żmien ikkaratterizzat minn aġendi urġenti tas-sigurtà u d-difiża jeħtieġ li l-ħtieġa għall-protezzjoni tal-ambjent u l-kontribut tagħha għal reżiljenza akbar fl-UE jiġu affermati mill-ġdid. Ma hemm l-ebda dubju li r-reżiljenza għall-klima hija waħda mill-isfidi l-kbar ta' żminijietna. Miljuni ta' ċittadini Ewropej huma affettwati b'mod dirett mill-għargħar u/jew l-erożjoni kostali, u dan jitlob azzjoni kollettiva fl-UE kollha. It-tranżizzjoni lejn ekonomija ċirkolari hija waħda mill-isfidi ewlenin li qed tiffaċċa l-UE. Hemm bżonn ta' suq imsaħħaħ għall-materjali sekondarji, sorveljanza akbar tal-pjattaformi online, u jeħtieġ nipproteġu lill-UE minn kompetizzjoni inġusta minn pajjiżi terzi.
Magnus Heunicke, ministru għall-ambjent tad-Danimarka
Il-ministri qasmu wkoll il-fehmiet tagħhom dwar l-istrateġija tal-UE dwar il-bijoekonomija, kif ippreżentata reċentement mill-Kummissjoni Ewropea. "Bijoekonomija" tirreferi għall-użu ta' riżorsi bijoloġiċi rinnovabbli (bijomassa) mill-art u mill-baħar, bħal għelejjel, prodotti tal-foresti, ħut, annimali u mikroorganiżmi, għall-produzzjoni tal-ikel, il-materjali u l-enerġija.
Il-bijoekonomija, li għandha valur li tela' sa €2.7 triljun fl-2023 u li timpjega aktar minn 17-il miljun persuna fl-UE, hija kruċjali għat-tranżizzjoni tal-Ewropa lejn ekonomija nadifa u kompetittiva u l-awtonomija strateġika tagħha. L-istrateġija għandha l-għan li tisfrutta l-potenzjal tal-bijoekonomija billi timmobilizza r-riżorsi bijoloġiċi rinnovabbli mill-art u mill-baħar, iżżid l-innovazzjoni b'bażi bijoloġika u tnaqqas id-dipendenza fuq l-importazzjonijiet fossili.
Bi sfidi dejjem akbar bħat-tibdil fil-klima, it-tnaqqis tar-riżorsi, u ż-żieda fil-kompetizzjoni dinjija, hemm ħtieġa urġenti li l-UE taċċellera t-tranżizzjoni tagħha lejn bijoekonomija sostenibbli, innovattiva, u ċirkolari. Issa huwa estremament importanti li l-istrateġija tal-Kummissjoni dwar il-bijoekonomija tinbidel f'azzjoni reali fil-prattika biex titwettaq il-viżjoni li fl-UE tinbena bijoekonomija kompetittiva, reżiljenti u sostenibbli sal-2040.
Jeppe Bruus, ministru għat-tranżizzjoni ekoloġika tad-Danimarka
Il-ministri laqgħu l-istrateġija bħala qafas f'waqtu u komprensiv biex tissaħħaħ l-effiċjenza fir-riżorsi tal-UE, jiġu appoġġati l-aċċelerazzjoni u t-tranżizzjoni lejn bijoekonomija sostenibbli, filwaqt li tikkontribwixxi għan-newtralità klimatika, it-tkabbir, il-kompetittività u l-ħolqien tal-impjiegi, inkluż fiż-żoni rurali u kostali.
Il-ministri enfasizzaw il-ħtieġa li jiġu żgurati il-forniment sostenibbli u d-disponibbiltà tal-bijomassa fit-tul, b'kunsiderazzjoni tas-saħħa tal-ekosistema, il-bijodiversità u l-użi kompetittivi, kif ukoll l-importanza li tinżamm l-awtonomija strateġika tal-UE. Il-ministri enfasizzaw ukoll l-importanza li jiġu mobilizzati l-ktajjen tal-valur lokali u li jiġi żgurat li l-bijoekonomija twassal għal benefiċċji tanġibbli għall-komunitajiet lokali, filwaqt li appellaw għal koordinazzjoni aktar b'saħħitha bejn il-politiki u l-livelli ta' governanza u għal sħubijiet dinjija.
Issemma wkoll l-aċċess ekwu u suffiċjenti għall-għażliet ta' finanzjament u l-innovazzjonijiet teknoloġiċi fl-istati membri kollha tal-UE. Barra minn hekk, il-ministri ffukaw fuq il-ħtieġa li jkun hemm implimentazzjoni effettiva li tirrispetta l-ambizzjoni tal-istrateġija filwaqt li fl-istess ħin tevita ostakli amministrattivi eċċessivi, speċjalment għall-operaturi żgħar u ta' daqs medju.
it-30 konferenza tal-partijiet (COP 30) għall-konvenzjoni qafas tan-NU dwar it-tibdil fil-klima (UNFCCC) (Belém, il-Brażil, 10–21 ta' Novembru)
it-tmien laqgħa tal-partijiet (MOP 8) għall-Konvenzjoni ta' Aarhus dwar l-aċċess għall-informazzjoni, il-parteċipazzjoni tal-pubbliku fit-teħid ta' deċiżjonijiet u l-aċċess għall-ġustizzja fi kwistjonijiet ambjentali (Ġinevra, l-Iżvizzera, 17–21 ta' Novembru)
Din ir-riżorsa bħalissa hi disponibbli biss bil-lingwa jew il-lingwi li ġejjin:
l-20 konferenza tal-partijiet (CITES CoP 20) għall-konvenzjoni dwar il-kummerċ internazzjonali fl-ispeċijiet ta' fawna u flora selvaġġi fil-periklu (Samarkand, l-Użbekistan, 24 ta' Novembru – 5 ta' Diċembru)
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-ministri semgħu wkoll mill-Kummissjoni dwar il-progress li sar fil-missjonijiet tal-UE dwar bliet newtrali għall-klima u intelliġenti u dwar l-adattament għat-tibdil fil-klima fil-qafas ta' Orizzont Ewropa.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-Kummissjoni infurmat lill-ministri dwar il-proposti tagħha ppubblikati reċentement biex tiżdied il-prevedibbiltà tal-prezzijiet u jiġi antiċipat id-dħul mill-ETS2.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-Kummissarju għall-ambjent, Jessika Roswall, ippreżentat ir-rapport annwali tagħha dwar is-simplifikazzjoni, l-implimentazzjoni u l-infurzar. F'dak il-kuntest, il-Kummissjoni ppreżentat ukoll il-pakkett reċenti ta' simplifikazzjoni ambjentali.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-Polonja infurmat lill-ministri dwar il-mekkaniżmu ta' aġġustament tal-karbonju fil-fruntieri (CBAM) u kif dan jista' jaffettwa l-importazzjonijiet tekniċi u mhux kummerċjali tal-elettriku mill-Ukrajna lejn l-istati membri tal-UE.
Din ir-riżorsa bħalissa hi disponibbli biss bil-lingwa jew il-lingwi li ġejjin:
L-Awstrija pprovdiet informazzjoni dwar il-perikli maħluqa mill-batteriji tal-litju u l-fattibbiltà u l-benefiċċji potenzjali li tiġi introdotta sistema ta' depożitu tal-batteriji mal-UE kollha.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-ministri semgħu wkoll minn Franza u minn stati membri oħra dwar il-ħtieġa urġenti li jkun hemm azzjoni fil-livell Ewropew dwar l-effetti ambjentali u ekonomiċi tal-moda ultraveloċi.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
