"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
D’fhormheas airí comhshaoil an Aontais conclúidí maidir le ‘Comhshaol na hEorpa 2030 – Eoraip níos ciorclaí agus níos athléimní a thógáil’.
Ag tógáil ar athbhreithniú meántéarma 2024 ar an 8ú clár gníomhaíochta don chomhshaol (8CGC) agus ar an tuarascáil is déanaí maidir le staid chomhshaol na hEorpa, a d’fhoilsigh an Ghníomhaireacht Eorpach Comhshaoil, leag na hairí béim ar a phráinní atá sé athléimneacht in aghaidh an athraithe aeráide agus an t-aistriú chuig geilleagar ciorclach a chur chun cinn, agus aitheantas á thabhairt d’idirnascacht an dá shaincheist maidir le haghaidh a thabhairt ar dhúshláin aeráide agus comhshaoil, mar shampla truailliú, cailliúint na bithéagsúlachta agus ganntanas acmhainní.
Tráth a bhfuil cláir oibre phráinneacha slándála agus cosanta ann, ní mór a athdhearbhú gur gá an comhshaol a chosaint agus a mhéid a chuireann an chosaint sin le hathléimneacht níos fearr san Aontas. Níl aon amhras ach go bhfuil athléimneacht in aghaidh an athraithe aeráide ar cheann de dhúshláin mhóra ár linne. Bíonn tionchar díreach ag tuilte agus/nó ag creimeadh cósta ar na milliúin saoránach san Eoraip, rud a fhágann gur gá gníomhaíocht chomhchoiteann a dhéanamh ar fud an Aontais. Tá an t-aistriú chuig geilleagar ciorclach ar cheann de na dúshláin mhóra atá roimh an Aontas. Tá gá le margadh neartaithe d’ábhair thánaisteacha, le níos mó maoirseachta ar ardáin ar líne, agus ní mór dúinn an tAontas a chosaint ar iomaíocht éagórach ó thríú tíortha.
Straitéis an Aontais i dtaobh an bhithgheilleagair
Bhí seisiún tuairimíochta ag na hairí freisin maidir le straitéis bhithgheilleagair an Aontais, mar a thíolaic an Coimisiún Eorpach le déanaí. Tagraíonn ‘bithgheilleagar’ d’úsáid acmhainní bitheolaíocha in-athnuaite (bithmhais) ón talamh agus ón bhfarraige, mar shampla barra, táirgí foraoise, éisc, ainmhithe agus miocrorgánaigh, chun bia, ábhair agus fuinneamh a tháirgeadh.
Agus luach suas le €2.7 trilliún air in 2023 agus os cionn 17 milliún duine fostaithe ann ar fud an Aontais, tá an bithgheilleagar ríthábhachtach d’aistriú na hEorpa chuig geilleagar glan iomaíoch agus dá neamhspleáchas straitéiseach. Is é is aidhm don straitéis leas a bhaint as acmhainneacht an bhithgheilleagair trí acmhainní bitheolaíocha in-athnuaite ón talamh agus ón bhfarraige a ghiaráil, nuálaíocht bhithbhunaithe a mhéadú agus spleáchas ar allmhairí iontaise a laghdú.
Agus na dúshláin atá roimhe ag méadú, mar atá an t-athrú aeráide, ídiú acmhainní, agus níos mó iomaíochta ar bhonn domhanda, ní mór don Aontas, mar ábhar práinne, dlús a chur lena aistriú i dtreo bithgheilleagar inbhuanaithe, nuálach agus ciorclach. Tá sé thar a bheith tábhachtach fíorghníomhaíocht ar an láthair a dhéanamh anois, bunaithe ar straitéis bhithgheilleagair an Choimisiúin, chun go bhfíorófar an fhís maidir le bithgheilleagar iomaíoch, athléimneach agus inbhuanaithe a thógáil san Aontas faoi 2040.
Jeppe Bruus, Aire Aistrithe Ghlais na Danmhairge
Ba dhíol sásaimh do na hairí an straitéis mar chreat cuimsitheach tráthúil chun feabhas a chur ar úsáid éifeachtúil acmhainní an Aontais, chun tacú leis an dlús agus leis an aistriú chuig bithgheilleagar inbhuanaithe, agus rannchuidiú ag an am céanna le haeráidneodracht, fás, iomaíochas agus cruthú post, i gceantair thuaithe agus chósta san áireamh.
Leag na hairí béim ar an ngá atá le foinsiú inbhuanaithe agus infhaighteacht bithmhaise a chinntiú san fhadtéarma, agus sláinte éiceachórais, bithéagsúlacht agus úsáidí iomaíocha á gcur san áireamh, chomh maith leis an tábhacht a bhaineann le huathriail straitéiseach an Aontais a choinneáil ar bun. Leag na hairí béim freisin ar a thábhachtaí atá sé slabhraí luacha áitiúla a shlógadh agus a chinntiú go gcuirfidh an bithgheilleagar tairbhí nithiúla ar fáil do phobail áitiúla, agus comhordú níos láidre á iarraidh ag an am céanna ar fud na mbeartas agus na leibhéal rialachais agus mar aon le comhpháirtíochtaí domhanda.
Ardaíodh rochtain chothrom leordhóthanach ar roghanna maoiniúcháin agus ar nuálaíochtaí teicneolaíochta ar fud Bhallstáit an Aontais le linn an phlé freisin. Ina theannta sin, dhírigh na hairí ar a riachtanaí atá cur chun feidhme éifeachtach lena gcloífí leis an uaillmhian atá sa straitéis agus bacainní iomarcacha riaracháin á seachaint ag an am céanna, go háirithe d’oibreoirí beaga agus meánmhéide.
an 30ú comhdháil de na páirtithe (COP 30) i gCreat-Choinbhinsiún na Náisiún Aontaithe ar an Athrú Aeráide (UNFCCC) (Belém, an Bhrasaíl, an 10 go dtí an 21 Samhain)
an 8ú cruinniú de na páirtithe (MOP 8) i gCoinbhinsiún Aarhus maidir le rochtain ar fhaisnéis, rannpháirtíocht phoiblí i gcinnteoireacht agus rochtain ar cheartas i gcúrsaí comhshaoil (an Ghinéiv, an Eilvéis, an 17 go dtí an 21 Samhain)
Níl an acmhainn seo ar fáil faoi láthair ach amháin sa teanga (sna teangacha) seo a leanas:
an 20ú comhdháil de na páirtithe (CITES COP 20) sa Choinbhinsiún maidir le trádáil idirnáisiúnta i speicis fána agus flóra fiáine i mbaol (Samarkand, an Úisbéiceastáin, an 24 Samhain go dtí an 5 Nollaig)
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Chuala na hairí ón gCoimisiún freisin faoin dul chun cinn atá déanta ag misin an Aontais maidir le cathracha aeráidneodracha cliste agus maidir le hoiriúnú don athrú aeráide faoin gclár Fís Eorpach.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Chuir an Coimisiún na hairí ar an eolas faoi na tograí uaidh a foilsíodh le déanaí chun intuarthacht praghsanna a mhéadú agus chun tús áite a thabhairt d’ioncam CTA2.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Chuir an Coimisinéir um an gComhshaol, Jessika Roswall, a tuarascáil bhliantúil maidir le simpliú, cur chun feidhme agus forfheidhmiú i láthair. Sa chomhthéacs sin, chuir an Coimisiún an pacáiste maidir le simpliú na mbeartas comhshaoil a tíolacadh le déanaí i láthair freisin.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Chuir an Pholainn na hairí ar an eolas faoin sásra coigeartaithe carbóin ar theorainneacha (SCCT) agus faoin gcaoi ar féidir leis difear a dhéanamh d’allmhairí leictreachais teicniúla neamhthráchtála ón Úcráin chuig Ballstáit an Aontais.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Chuir an Ostair faisnéis ar fáil maidir leis na contúirtí a bhaineann le ceallraí litiam agus an fhéidearthacht agus na tairbhí a d’fhéadfadh a bheith ag baint le córas taisce ceallraí uile-Aontais a thabhairt isteach.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Chuala na hairí ón bhFrainc agus ó Bhallstáit eile freisin faoin ngéarghá atá le gníomhaíocht ar an leibhéal Eorpach maidir leis na héifeachtaí comhshaoil agus eacnamaíocha a bhaineann le faisean fíorthapa.
Níl an acmhainn seo ar fáil faoi láthair ach amháin sa teanga (sna teangacha) seo a leanas:
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
