An Chomhairle Iompair, Teileachumarsáide agus Fuinnimh, 03/12/2014, 3 Nollaig 2014

Cuir chuige ginearálta maidir leis an bpacáiste SES II+ a comhaontaíodh sa Chomhairle

Ghlac airí iompair an Aontais Eorpaigh cur chuige ginearálta maidir le dhá thogra sa phacáiste Aerspás Eorpach Aonair II. Phléigh siad freisin an 4ú pacáiste iarnróid agus ghlac siad cur chuige ginearálta maidir le haisghairm rialacháin a bhaineann leis atá imithe i léig.

SES II+

Is é is aidhm don dá togra den phacáiste SES II+ dlús a chur le cur chun feidhme an Aerspáis Eorpaigh Aonair (SES) agus rialacha a leasú don Ghníomhaireacht Eorpach um Shábháilteacht Eitlíochta (EASA).

Is togra 'athmhúnlaithe' é an dréacht-Rialachán maidir le cur chun feidhme an SES, a thugann le chéile na ceithre rialachán SES atá ann cheana faoi ghníomh reachtach amháin agus a dhéanann athbhreithniú orthu.

Faoin téacs comhaontaithe ón gComhairle, cuimseoidh an tAerspás Eorpach Aonair gréasán comhleanúnach pan-Eorpach bealaí. Déanfar aerspás Eorpach, córais bhainistithe gréasáin agus bhainistithe aerthráchta a chomhtháthú air de réir a chéile.

Ceapadh na leasuithe atá molta don EASA chun raon feidhme reatha an Rialacháin EASA a thabhairt i gcomhréir leis an reachtaíocht SES agus chun coincheapa idir-inoibritheachta SES a chur san áireamh. 

An 4ú pacáiste iarnróid

Ghlac an Chomhairle cur chuige ginearálta maidir le togra chun an rialachán maidir le cuntais na ngnóthas iarnróid a normalú a aisghairm. Tá an rialachán imithe i léig agus neamhréir le reachtaíocht an Aontais Eorpaigh.

Bhreathnaigh na hairí ar dhul chun cinn ar dhá thogra eile chun seirbhísí iarnróid san Aontas Eorpach a fheabhsú faoi cholún an rialachais agus oscailt an mhargaidh den 4ú pacáiste.

Ábhair eile ar an gclár oibre

Ghlac an Chomhairle freisin conclúidí maidir le bonneagar iompair agus leis an ngréasán tras-Eorpach (GTE). Cuideoidh na conclúidí leis an athbhreithniú meántéarmach ar straitéis fáis Eoraip 2020.

Phléigh na hairí roinnt ábhar eile freisin, lena n-áirítear:

• an Coinbhinsiún Idirnáisiúnta maidir le Caighdeáin Oiliúna, Deimhniúcháin agus Faire do Phearsanra Soithí Iascaireachta (STCW-F)
• Comhdháil sábháilteachta bhliantúil EASA, go háirithe maidir le haerárthaí gan foireann
• an tionchar atá ag trádbhac na Rúise ar earnáil tarlaithe de bhóthar na Liotuáine

Thíolaic Uachtaránacht nua na Laitvia a chuid oibre maidir le saincheisteanna iompair.