"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Affarijiet Ekonomiċi u Finanzjarji, 18 ta' Frar 2025
Riżultati ewlenin
Kompetittività u titjib tal-ambjent tan-negozju tal-UE
Il-Kummissjoni ppreżentat l-inizjattivaBoxxla għall-Kompetittività li għandha l-għan li tmexxi l-ħidma tagħha fil-qasam tal-kompetittività.
Il-ministri komplew jaqsmu l-fehmiet tagħhom dwar il-kompetittività, is-simplifikazzjoni u t-titjib tal-ambjent tan-negozju fl-Ewropa. Huma kkondividew l-impenn li jieħdu passi li tista' tittieħed azzjoni dwarhom lejn is-simplifikazzjoni bl-għan li tingħata informazzjoni intuwittiva lill-Kummissjoni meta tkun qed tfassal azzjoni ulterjuri.
Nilqa' tassew il-fatt li l-prijorità tagħna ta' simplifikazzjoni diġà ġabet riżultati prattiċi. Ser naħdmu bla heda mal-Kummissjoni u mal-istati membri biex inneħħu l-ostakli u nisfruttaw il-potenzjal intraprenditorjali tal-Ewropej.
Bħala ministri għall-finanzi tal-UE nisimgħu wkoll b'mod ċar li hemm qbil dejjem akbar biex in-nefqa fuq id-difiża u s-sigurtà tiżdied. Xogħolna huwa li nsibu mod effettiv u kredibbli biex nagħmlu dan.
Andrzej Domanski, ministru għall-finanzi tal-Polonja
Il-ministri qasmu l-fehmiet tagħhom dwar l-impatt ekonomiku u finanzjarju tal-aggressjoni tar-Russja kontra l-Ukrajna, abbażi ta' aġġornament mill-Kummissjoni, inkluż dwar l-implimentazzjoni tal-miżuri restrittivi u s-sanzjonijiet tal-UE.
Il-Kunsill approva l-linji gwida tiegħu għall-baġit annwali tal-UE għall-2026. Dawn ser iservu bħala referenza għall-Kummissjoni meta tkun qed tħejji l-baġit tas-sena d-dieħla.
Il-Kunsill adotta wkoll rakkomandazzjoni dwar il-kwittanza li għandha tingħata lill-Kummissjoni għall-implimentazzjoni tal-baġit ġenerali tal-UE għall-2023. Il-Kunsill jirrakkomanda li l-Parlament Ewropew jagħti l-kwittanza lill-Kummissjoni kif ukoll lill-aġenziji eżekuttivi, l-impriżi konġunti u korpi oħra.
Filwaqt li avvanza l-ħidma fuq is-Semestru Ewropew 2025, il-Kunsill approva konklużjonijiet dwar ir-Rapport dwar il-Mekkaniżmu ta' Twissija 2025 u qabel dwar ir-rakkomandazzjoni tal-2025 dwar il-politika ekonomika taż-żona tal-euro.
Fil-kuntest tal-implimentazzjoni tar-regoli l-ġodda tal-UE dwar il-governanza ekonomika, il-Kunsill approva l-pjan fiskali strutturali fuq terminu medju tal-Ungerija u stabbilixxa l-perkors tan-nefqa netta tagħha.
Fil-qafas tal-proċedura ta' defiċit eċċessiv, il-Kunsill jirrakkomanda li l-Ungerija għandha ttemm is-sitwazzjoni ta' defiċit eċċessiv tagħha sal-2026.
L-Ungerija għandha tiżgura li r-rata ta' tkabbir nominali tan-nefqa netta ma taqbiżx l-4.3% fl-2025 u l-4.0% fl-2026.
Il-Kunsill eżamina mill-ġdid il-lista tal-UE ta' ġuriżdizzjonijiet li ma jikkooperawx għal finijiet ta' taxxa u adotta l-lista mingħajr bidliet. Il-lista tikkonsisti mill-istess 11-il ġuriżdizzjoni bħal qabel:
Il-pajjiżi elenkati jaqgħu fil-kamp ta' applikazzjoni tal-proċess ta' skrinjar tal-UE.
Il-lista aġġornata tal-UE ta' ġuriżdizzjonijiet tat-taxxa li ma jikkooperawx tinkludi pajjiżi li jew ma ħadux sehem fi djalogu kostruttiv mal-UE dwar il-governanza tat-taxxa jew inkella naqsu milli jwettqu l-impenji tagħhom biex jimplimentaw ir-riformi meħtieġa.
Il-Kunsill adotta wkoll formalment regoli ġodda mmirati biex jissostitwixxu ċ-ċertifikati stampati attwali użati biex jiġu ddikjarati eżenzjonijiet mit-taxxa fuq il-valur miżjud (VAT) tal-UE b'formola elettronika ġdida, li ser tidħol fis-seħħ fl-2031. Matul perjodu tranżitorju ta' sena, l-istati membri ser ikunu jistgħu jużaw kemm il-verżjoni elettronika kif ukoll dik stampata.
Il-Kunsill approva t-termini ta' referenza tal-UE bil-ħsieb tal-laqgħa tal-ministri għall-finanzi u l-gvernaturi tal-banek ċentrali tal-G20 li ser issir fis-26 u s-27 ta' Frar 2025.
Il-Kunsill adotta deċiżjonijiet ta' implimentazzjoni li japprovaw pjanijiet modifikati għall-irkupru u r-reżiljenza, ippreżentati mil-Latvja u mill-Belġju.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
