"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Impjiegi, Politika Soċjali, Saħħa u Affarijiet tal-Konsumatur
Kunsill Impjiegi, Politika Soċjali, Saħħa u Affarijiet tal-Konsumatur (Impjiegi u politika soċjali), 8 ta' Diċembru 2022
Riżultati prinċipali
Xogħol fuq il-pjattaformi: Il-ministri ddiskutew kif jistgħu jittejbu l-kundizzjonijiet tax-xogħol
Il-ministri għall-impjiegi tal-UE ddiskutew proposta tal-presidenza għal pożizzjoni komuni tal-istati membri dwar abbozz ta' liġi tal-UE biex jittejbu l-kondizzjonijiet tax-xogħol tal-persuni li jaħdmu permezz tal-pjattaformi. Ir-regoli proposti għandhom l-għan li jiffaċilitaw id-determinazzjoni korretta tal-istatus ta' impjieg tal-persuni li jagħmlu xogħol fuq il-pjattaformi.
Il-qofol tad-direttiva proposta huwa li jiġi żgurat li l-persuni li jaħdmu permezz ta' pjattaformi tax-xogħol diġitalijingħataw l-istatus ta' impjieg legali li jikkorrispondi għall-arranġamenti tax-xogħol reali tagħhom. Hija tipproponi lista ta' verifika biex jiġi vvalutat jekk il-pjattaforma hijiex "impjegatur" jew jekk persuna ġenwinament taħdimx għal rasha.
Minkejja n-negozjati li komplew matul il-jum u diversi tentattivi tal-presidenza biex tippreżenta kompromess ma kien hemm ebda maġġoranza kwalifikata li tappoġġa approċċ ġenerali.
Kundizzjonijiet tax-xogħol aħjar għall-ħaddiema tal-konsenja tal-ikel, ix-xufiera tar-ride-hailing u dawk kollha li jaħdmu permezz ta' pjattaforma diġitali huma essenzjali. L-ekonomija tal-pjattaformi hija settur li qed jagħmel suċċess kbir u jeħtieġ li niżguraw li l-persuni li jwettqu xogħol fuq il-pjattaformi jkollhom il-pożizzjoni ta' impjieg li jistħoqqilhom.
Marian Jurečka, viċi prim ministru u ministru għax-xogħol u l-affarijiet soċjali
L-istati membri jilħqu pożizzjoni komuni biex itejbu l-protezzjoni tal-ħaddiema mir-riskji tal-asbestos
Il-ministri stabbilew il-pożizzjoni tagħhom dwar proposta biex il-leġiżlazzjoni tal-UE li tipproteġi lill-ħaddiema mir-riskji tal-asbestos issir aktar stretta. Il-Kunsill irid li jitnaqqas il-livelli attwali ta' esponiment u li l-għadd ta' fibri tal-asbestos isir fuq il-bażi ta' metodu aktar modern. Jekk ikun hemm qbil, ir-regoli l-ġodda jiżguraw li l-ebda ħaddiem ma jkun espost għal konċentrazzjoni ta' aktar minn 0.01 fibra ta' asbestos għal kull cm³. Dan huwa tnaqqis ta' għaxar darbiet meta mqabbel mal-valur attwalment fis-seħħ. L-istati membri ddeċidew ukoll li jużaw metodu aktar modern u sensittiv għall-għadd tal-fibri tal-asbestos, jiġifieri l-mikroskopija tal-elettroni(EM).
Qabel ma ssir liġi, il-Kunsill u l-Parlament Ewropew iridu jaqblu dwar pożizzjoni konġunta dwar ir-reviżjoni proposta.
Protezzjoni aktar b'saħħitha tal-ħaddiema mir-riskji tal-asbestos ser issalva l-ħajjiet. L-istati membri tal-UE jeħtieġ li jillimitaw drastikament l-esponiment tal-ħaddiema għall-periklu tal-asbestos u ninsab kuntent li huma lesti li jagħmlu dan.
Marian Jurečka, viċi prim ministru u ministru għax-xogħol u l-affarijiet soċjali
Rakkomandazzjonijiet ġodda: Kura fit-tul u kura u edukazzjoni tat-tfal
Il-Kunsill adotta rakkomandazzjoni dwar l-edukazzjoni u l-kura bikrija tat-tfal. Din tirrakkomanda li:
mill-inqas 45% tat-tfal taħt it-tliet snin jipparteċipaw fl-edukazzjoni u l-kura bikrija tat-tfal (Japplikaw miri speċifiċi għall-istati membri li għad iridu jilħqu l-għanijiet tal-2002.)
mill-anqas 96% tat-tfal bejn l-età ta' tliet snin u l-età meta tibda l-edukazzjoni primarja obbligatorja għandhom jipparteċipaw fl-edukazzjoni u l-kura bikrija tat-tfal
Illum ġiet adottata wkoll it-tieni rakkomandazzjoni dwar kura fit-tul ta' kwalità għolja affordabbli. Tipproponi azzjonijiet biex il-kura ssir aktar aċċessibbli, affordabbli u ta' kwalità aħjar.
Fl-aħħar nett, il-ministri kellhom dibattitu ta' orjentazzjoni dwar l-Istrateġija Ewropea għall-Kura fejn indirizzaw b'mod partikolari modi biex jittejbu d-disponibbiltà, il-kwalità, l-aċċessibbiltà u l-affordabbiltà tas-servizzi tal-kura fil-kuntest politiku u ekonomiku attwali.
Il-presidenza ppreżentat rapport ta' progress dwar proposta għal direttiva dwar l-Ugwaljanza, proposta biex il-protezzjoni mid-diskriminazzjoni abbażi ta' reliġjon jew twemmin, diżabilità, età jew orjentazzjoni sesswali tiġi estiża għal oqsma lil hinn mix-xogħol. Il-preżentazzjoni mill-Kummissjoni tal-pakkett tal-ħarifa tas-Semestru Ewropew, ġiet segwita minn skambju ta' fehmiet tal-ministri u rieżami tar-rakkomandazzjoni tal-Kunsill dwar l-integrazzjoni fis-suq tax-xogħol ta' persuni li ilhom żmien twil qiegħda.
Il-ministri approvaw ukoll żewġ ġabriet ta' konklużjonijiet: dwar l-inklużjoni ta' persuni b'diżabilità fis-suq tax-xogħol u dwar l-ugwaljanza bejn il-ġeneri f'ekonomiji mfixkla.
L-istati membri fl-aħħar laħqu qbil politiku fuq rakkomandazzjoni tal-Kunsill dwar introjtu minimu adegwat.
Il-presidenza għarrfet lid-delegazzjonijiet dwar is-sitwazzjoni attwali tad-deċiżjoni dwar is-Sena Ewropea tal-Ħiliet 2023, dwar il-konferenzi li saru matul il-mandat tagħha u dwar il-laqgħat tal-gvern Ċek fl-Ukrajna.
Il-Kummissjoni tat informazzjoni dwar id-direttivi li ġejjin dwar it-tisħiħ tar-rwol u l-indipendenza tal-korpi tal-ugwaljanza u dwar is-sitwazzjoni attwali tal-pjattaforma Ewropea għall-ġlieda kontra l-kondizzjoni ta' persuni mingħajr dar.
Il-presidenza Żvediża li jmiss finalment ippreżentat il-programm ta' ħidma tagħha.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Kundizzjonijiet tax-xogħol aħjar għall-ħaddiema tal-konsenja tal-ikel, ix-xufiera tar-ride-hailing u dawk kollha li jaħdmu permezz ta' pjattaforma diġitali huma essenzjali. L-ekonomija tal-pjattaformi hija settur li qed jagħmel suċċess kbir u jeħtieġ li niżguraw li l-persuni li jwettqu xogħol fuq il-pjattaformi jkollhom il-pożizzjoni ta' impjieg li jistħoqqilhom.