"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
An Chomhairle Gnóthaí Eachtracha, 23 Deireadh Fómhair 2023
Na príomhthorthaí
An staid in Iosrael agus sa réigiún
Phléigh an Chomhairle Gnóthaí Eachtracha an staid in Iosrael agus sa réigiún, ag tógáil ar fhíschomhdháil neamhfhoirmiúil na n-airí gnóthaí eachtracha an 10 Deireadh Fómhair, agus ar fhíschomhdháil chomhaltaí na Comhairle Eorpaí an 17 Deireadh Fómhair.
Cháin an Chomhairle arís ionsaí sceimhlitheoireachta Hamas agus d’iarr sí go scaoilfí saor láithreach na gialla atá i seilbh Hamas. Dhearbhaigh airí an Aontais go bhfuil sé de cheart ag Iosrael é féin a chosaint, i gcomhréir leis an dlí daonnúil idirnáisiúnta.
Ní mór dúinn na hionsaithe sceimhlitheoireachta a cháineadh agus ní mór dúinn géarchéim dhaonnúil in Gaza a sheachaint a mhéid is féidir. Chun é sin a bhaint amach, tá sé fíor-riachtanach go soláthróimid cabhair dhaonnúil agus go mbeidh rochtain ag na daoine a bhfuil gá acu léi ar an gcabhair sin.
Bhí roinnt conbhuanna againn le tosú, ach ní go leor. Roimh an gcogadh, bhí thart ar 100 leoraithe in aghaidh an lae ag trasnú go Gaza, anois tá sé thart ar 20 in aghaidh an lae agus tá na riachtanais níos mó anois ná riamh.
Is comhartha dearfach iad na chéad chonbhuanna sin, ach ní mór dúinn líon agus luas na gconbhuanna ag dul isteach a mhéadú. Ní mór dúinn leigheas agus bia a chur ar fáil, agus d’aontaigh na hairí gur gá dúinn freisin an breosla riachtanach a chur ar fáil chun na gléasraí díshalannaithe a chur ag obair.
Josep Borrell, an tArdionadaí do Ghnóthaí Eachtracha agus don Bheartas Slándála
Leanfaidh an tAontas agus a chuid Ballstát dá bhfor-rochtain dhian ar chomhpháirtithe réigiúnacha agus ar ghníomhaithe idirnáisiúnta chun géarú réigiúnach níos leithne a chosc. Ba cheart cur i gcoinne cur isteach eachtrach agus feachtais bhréagaisnéise.
Ar deireadh, sheas an Chomhairle lena bunchuspóir réiteach dhá stát a bhaint amach. Phléigh na hAirí an pheirspictíocht fhadtéarmach don tsíocháin sa réigiún agus chomhaontaigh siad go mbeidh sé ríthábhachtach borradh a chur faoin bpróiseas polaitiúil an athuair.
Cogadh foghach na Rúise ar an Úcráin
Mar obair leantach ar an gcuairt chomhpháirteach stairiúil a thug siad ar Chív an 2 Deireadh Fómhair 2023, phléigh Airí Gnóthaí Eachtracha an Aontais fogha na Rúise faoin Úcráin, inar díríodh ar thacaíocht ghearrthéarmach agus fhadtéarmach.
Phléigh an Chomhairle an bealach is fearr chun freastal ar na riachtanais is práinní atá ag an Úcráin - lena n-áirítear trí níos mó cosanta aeir agus armlóin. Bhí seisiún tuairimíochta acu ansin maidir le tograí nithiúla le haghaidh gealltanais slándála an Aontais amach anseo.
Le gealltanais slándála - ina gcomhcheanglaítear cúnamh míleata traidisiúnta, agus gnéithe eile atá dírithe ar an gcibearshlándáil, ar an dímhianú agus ar athléimneacht na hÚcráine a neartú ar an iomlán - ní hamháin go gcuideoidh siad leis an Úcráin í féin a chosaint, ach cuirfidh siad bac freisin ar ghníomhartha foghacha a d’fhéadfadh a bheith ann amach anseo agus ar iarrachtaí díchobhsaithe a chomhrac.
Leag an tArdionadaí béim ansin ar an ngá atá le tionscal cosanta an Aontais a neartú trí dhlús a chur le táirgeadh armlóin, chun freastal ar riachtanais na hÚcráine, agus trí stoic an Aontais a athshlánú. Ba cheart an comhar idir tionscail chosanta na hEorpa agus na hÚcráine a neartú freisin, agus lánurraim á tabhairt do bheartas slándála agus cosanta na mBallstát agus dá srianta bunreachtúla.
Ar deireadh, phléigh na hairí freisin an chaoi is fearr chun tacú le Foirmle Síochána na hÚcráine, agus é mar aidhm an tacaíocht is leithne is féidir a áirithiú sna Náisiúin Aontaithe.
Cinntí eile
Ghlac an Chomhairle creat le haghaidh smachtbhannaí atá dírithe ar dhaoine a bhaineann an bonn den chobhsaíocht, den daonlathas agus den smacht reachta sa Nígir.
Ghlac an Chomhairle freisin, gan phlé, na míreanna ar liosta na míreanna neamhreachtacha ‘A’.
19ú cruinniú aireachta idir an tAontas agus an Áise Láir
Ar imeall na Comhairle Gnóthaí Eachtracha, ghlac na hairí páirt sa 19ú cruinniú aireachta idir an tAontas agus an Áise Láir, in éineacht le hairí gnóthaí eachtracha na Casacstáine, na Cirgeastáine, na Táidsíceastáin, na Tuircméanastáine agus na hÚisbéiceastáine.
D’fhormhuinigh na páirtithe i gcomhpháirt le chéile Treochlár na hÁise Láir chun Ceangail a Dhoimhniú idir an tAontas agus an Áise Láir agus phléigh siad conas comhar idir-réigiúnach a chur chun cinn maidir le dúshláin choiteanna slándála, nascacht, eacnamaíocht agus trádáil, an comhshaol, uisce agus aeráid, saincheisteanna oideachais, eolaíochta agus nuálaíochta, agus teagmhálacha duine le duine, agus naisc níos doimhne a chur chun cinn idir an tAontas agus an Áise Láir.
Chuir na hairí in iúl tiomantas láidir an Aontais don Áise Láir, i gcomhthéacs na ndúshlán a eascraíonn as dinimic réigiúnach, agus béim á leagan acu ar na hiarmhairtí a bhí ag cogadh foghach na Rúise faoin Úcráin agus ar an staid san Afganastáin.
Dearbhaíonn cruinniú na nAirí Gnóthaí Eachtracha inniu leibhéal nua comhair idir ár réigiúin. I ndomhan atá ag tabhairt aghaidh ar dhúshláin dhiana, ach ar dheiseanna nua freisin, tá a fhios againn gur féidir linn níos mó a bhaint amach nuair a oibrímid le chéile.
Josep Borrell, an tArdionadaí do Ghnóthaí Eachtracha agus don Bheartas Slándála
D’athdhearbhaigh na páirtithe go bhfuil rún daingean ag a réigiúin cloí le Cairt na Náisiún Aontaithe agus le bunphrionsabail an dlí idirnáisiúnta. Leag na hAirí béim ar an ngá atá le comhoibriú go héifeachtach chun cosc a chur ar dhul timpeall ar smachtbhannaí an Aontais i gcoinne na Rúise ar fud chríocha na hÁise Láir.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Ní mór dúinn na hionsaithe sceimhlitheoireachta a cháineadh agus ní mór dúinn géarchéim dhaonnúil in Gaza a sheachaint a mhéid is féidir. Chun é sin a bhaint amach, tá sé fíor-riachtanach go soláthróimid cabhair dhaonnúil agus go mbeidh rochtain ag na daoine a bhfuil gá acu léi ar an gcabhair sin. Bhí roinnt conbhuanna againn le tosú, ach ní go leor. Roimh an gcogadh, bhí thart ar 100 leoraithe in aghaidh an lae ag trasnú go Gaza, anois tá sé thart ar 20 in aghaidh an lae agus tá na riachtanais níos mó anois ná riamh. Is comhartha dearfach iad na chéad chonbhuanna sin, ach ní mór dúinn líon agus luas na gconbhuanna ag dul isteach a mhéadú. Ní mór dúinn leigheas agus bia a chur ar fáil, agus d’aontaigh na hairí gur gá dúinn freisin an breosla riachtanach a chur ar fáil chun na gléasraí díshalannaithe a chur ag obair.
