"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.

Żur il-paġna tal-politika tal-cookies tagħna għal aktar informazzjoni u biex tibdel is-settings tiegħek.

български español čeština dansk Deutsch eesti Ελληνικά English français Gaeilge hrvatski italiano latviešu lietuvių magyar Malti Nederlands polski português română slovenčina slovenščina suomi svenska
Skip to content

Kunsill Affarijiet Barranin

Kunsill Affarijiet Barranin, 7 ta' Diċembru 2020

Riżultati ewlenin

Ftit jiem qabel il-Jum Internazzjonali tad-Drittijiet tal-Bniedem fl-10 ta' Diċembru, il-Kunsill adotta deċiżjoni u regolament li jistabbilixxu reġim ta' sanzjonijiet globali b'rabta mad-drittijiet tal-bniedem li ser jippermetti lill-UE tolqot individwi, entitajiet u korpi responsabbli għal ksur serju u abbużi tad-drittijiet tal-bniedem madwar id-dinja jew li jkunu involuti fihom jew assoċjati magħhom, irrispettivament minn fejn ikunu seħħew.

Dan huwa ftehim storiku, l-ewwel wieħed tat-tip tiegħu, li ser jippermetti lill-Unjoni Ewropea tindirizza abbużi u ksur serji tad-drittijiet tal-bniedem madwar id-dinja. Ser jibgħat sinjal ċar lil dawk responsabbli: se jkun hemm konsegwenzi. Josep Borrell, Rappreżentant Għoli għall-Affarijiet Barranin u l-Politika ta' Sigurtà

Ġrajjiet Kurrenti

Ir-Rappreżentant Għoli Borrell informa lill-ministri dwar l-elezzjonijiet leġiżlattivi li saru fis-6 ta' Diċembru 2020 fil-Venezwela, u li l-UE qieset li ma kinux ħielsa, ġusti jew demokratiċi. Ir-Rappreżentant Għoli enfasizza li l-UE, is-sħab tal-Amerka Latina fil-Grupp ta' Kuntatt Internazzjonali u partijiet ikkonċernati oħra għandhom jingħaqdu flimkien biex jgħinu lill-Venezwelani jippruvaw isibu soluzzjoni demokratika u paċifika.

Il-ministri mbagħad ġew infurmati dwar is-sitwazzjoni fil-Georgia, fejn il-partiti fil-maġġoranza u tal-oppożizzjoni jridu jkomplu bl-isforzi biex isibu triq 'il quddiem wara l-elezzjonijiet parlamentari.

Il-Kunsill imbagħad ġie aġġornat bl-aħħar żviluppi rigward it-Turkija qabel il-Kunsill Ewropew tal-10 u l-11 ta' Diċembru. F'dan il-kuntest ir-Rappreżentant Għoli rrapporta li t-Turkija ma kinitx uriet bidla fundamentali fid-direzzjoni, u l-Kunsill Ewropew ser ikun qed jivvaluta kif it-Turkija kienet wieġbet għall-offerta tal-UE għal aġenda u djalogu kostruttivi.

Il-ministri eżaminaw is-sitwazzjoni fil-Belarussja, fejn għadha għaddejja ir-repressjoni tal-poplu mill-awtoritajiet. Huma ddiskutew ukoll is-sitwazzjoni fl-Etjopja, li dwarha r-Rappreżentant Għoli enfasizza li ritorn għad-djalogu u għal soluzzjoni paċifika u sostenibbli tal-konflitt kienu essenzjali, u li l-UE appoġġat bil-qawwa l-inizjattiva tal-Unjoni Afrikana f'dan is-sens.

Relazzjonijiet tranżatlantiċi

Wara skambju inizjali ta' fehmiet li sar matul il-vidjokonferenza tal-ministri għall-affarijiet barranin fid-19 ta' Novembru u l-Komunikazzjoni Konġunta tal-Kummissjoni u r-Rappreżentant Għoli adottata fit-2 ta' Diċembru, il-Kunsill iddiskuta kif is-sħubija strateġika mal-Istati Uniti tista' tissaħħaħ mill-ġdid u l-involviment li jista' jkun hemm mal-amministrazzjoni l-ġdida li ser tieħu l-kariga f'Jannar 2021. Il-ministri enfasizzaw li sħubija b'saħħitha, reċiproka u li tħares 'il bogħod għandha ssir is-sinsla ta' alleanza globali mġedda bejn l-UE u l-Istati Uniti.

F'dan il-kuntest il-Kunsill adotta konklużjonijiet dwar ir-relazzjonijiet bejn l-UE u l-Istati Uniti.

Awtonomija strateġika

Il-Kunsill kellu skambju ta' fehmiet dwar kif tista' tissaħħaħ u topera l-awtonomija strateġika tal-UE mil-lat tal-politika estera u ta' sigurtà. Il-ministri ġew mistiedna b'mod partikolari biex jidentifikaw inizjattivi u proġetti politiċi konkreti li jistgħu jgħinu biex tissaħħaħ il-kapaċità tal-UE li taġixxi u li jkollha impatt globali.

Matul id-dibattitu ġie enfasizzat li d-diskussjoni dwar l-awtonomija strateġika timxi id f'id mal-isforzi biex tiżdied ir-reżiljenza tal-UE u jissaħħaħ l-impenn multilaterali, u tikkumplementahom.

Affarijiet oħra

Taħt Affarijiet oħra, il-Kunsill irrieżamina l-implimentazzjoni tal-Liġi tas-Sigurtà Nazzjonali imposta fuq Hong Kong fit-30 ta' Ġunju 2020, filwaqt li enfasizza li s-sitwazzjoni politika ddeterjorat, bil-pluraliżmu politiku u l-libertà tal-opinjoni milquta sew. L-UE ser tkompli timplimenta l-konklużjonijiet tal-Kunsill li jesprimu appoġġ politiku għall-awtonomija ta' Hong Kong skont il-prinċipju ta' “Pajjiż Wieħed, Żewġ Sistemi”, u, jekk meħtieġ, jistgħu jitqiesu aktar miżuri fi stadju aktar tard.

Il-Kunsill adotta konklużjonijiet dwar il-Libanu, il-Patt dwar id-Dimensjoni Ċivili tal-PSDK 2021, u l-Medjazzjoni tal-UE għall-Paċi.

Punti ewlenin mill-Kunsill Affarijiet Barranin tal-7 ta' Diċembru 2020, li sar fi Brussell

Dokumenti tal-laqgħat

Dokumenti ta' eżitu

Stqarrijiet għall-istampa

Tagħrif għall-istampa

Kuntatti għall-istampa

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.

Kompli segwina

Laqgħat oħra: Kunsill Affarijiet Barranin

Ara laqgħat oħrajn

L-aħħar reviżjoni: 5 ta' Frar 2025