Kunsill Affarijiet Ġenerali, 25/04/2017, 25 ta' April 2017

Riżultati ewlenin

Għaliex il-politika ta’ koeżjoni hija importanti

Il-Kunsill laqa’ r-riżultati pożittivi tal-programmi tal-politika ta’ koeżjoni għall-2007-2013 għall-kumpaniji u ċ-ċittadini fl-UE kollha. Il-ministri adottaw konklużjonijiet li jindikaw li dawn il-programmi għenu biex jinħolqu miljun impjieg billi pprovdew appoġġ finanzjarju lil aktar minn 120 000 negozju ġdid u lil madwar 400 000 SME. Huma kkontribwew għall-kostruzzjoni ta’ 4 900 km ta’ toroq ġodda u għat-titjib ta’ 1 500 km ta’ linji ferrovjarji. Ikkollegaw ukoll 6 miljun persuna ma’networks tal-ilma tax-xorb ġodda jew imtejba u 7 miljun persuna ma’ faċilitajiet ġodda jew imtejba tat-trattament tal-ilma mormi.

"Huwa ċar li l-koeżjoni tal-UE hija storja ta’ suċċess. Tgħin biex jinħolqu l-impjiegi, tistimula t-tkabbir u tagħmel il-ħajja ta’ miljuni ta’ ċittadini Ewropej aktar faċli. Dak li l-politika ta’ koeżjoni tal-UE jonqosha hija l-viżibbiltà. Din hija r-raġuni għaliex illum, il-Kunsill qabel dwar kif nistgħu nuru b’mod aktar ċar kif il-politika ta’ koeżjoni għandha impatt pożittiv dirett fuq il-ħajja taċ-ċittadini Ewropej."

Ian Borg, Segretarju parlamentari ta’ Malta għall-fondi tal-UE u President tal-Kunsill

Aktar appoġġ tal-UE għall-istati membri milquta minn diżastri naturali

Il-ministri laqgħu l-qbil tal-Kunsill tad-29 ta’ Marzu 2017 biex jiżdied l-appoġġ tal-UE għal reġjuni milquta minn għargħar, terremoti, nixfa u diżastri naturali oħra. Taħt l-iskema l-ġdida, is-sehem tal-UE fl-ispejjeż ta’ rikostruzzjoni ser jiżdied sa 90 %. Dan kważi jirdoppja l-kontribuzzjoni finanzjarja tal-UE għal xi reġjuni. In-negozjati bejn il-Kunsill u l-Parlament Ewropew mistennija jibdew kmieni f’Mejju. "Iż-żieda ppjanata tal-appoġġ tal-UE għal reġjuni milquta minn diżastri naturali hija espressjoni konkreta tas-solidarjetà tagħna ma’ dawk li huma fil-bżonn. Dan ser ifisser aktar għajnuna għar-reġjuni fil-kompitu tagħhom li jippermettu lin-nies jirritornaw għal kundizzjonijiet normali ta’ għajxien", qal Ian Borg.

It-tmiem tat-tariffi tar-roaming u banda ta’ frekwenzi ta’ 700 MHz għall-broadband mobbli

Il-Kunsill adotta wkoll żewġ atti legali ewlenin fil-qasam tat-telekomunikazzjonijiet.

L-approvazzjoni tal-Kunsill għar-riforma tar-roaming bl-ingrossa huwa l-aħħar pass biex fil-15 ta’ Ġunju 2017 jintemmu t-tariffi tar-roaming bil-mowbajl fl-UE.

"Il-vot finali tal-lum fil-Kunsill iwitti t-triq għal roaming b’xejn. Meta l-Ewropej imorru fuq btala s-sajf li ġej, huma jistgħu jgawdu l-libertà li jibqgħu f’kuntatt u jużaw l-internet daqslikieku kienu f’pajjiżhom."

Emmanuel Mallia, il-Ministru Malti għall-Kompetittività u l-Ekonomija Diġitali, Marittima u tas-Servizzi

Il-Kunsill adotta wkoll deċiżjoni dwar il-ftuħ tal-banda ta’ frekwenzi ta’ 700 MHz għal servizzi broadband bla fili fil-pajjiżi kollha tal-UE. L-użu kkoordinat ta’ din il-medda ta’ spettru ta’ kwalità għolja ser jagħti spinta lill-konnettività mobbli u jixpruna t-tnedija tat-teknoloġija 5G.

• Aktar solidarjetà mar-reġjuni milquta minn diżastri naturali (stqarrija għall-istampa tad-29 ta' Marzu 2017)

Kontroll tal-armi tan-nar

Il-Kunsill adotta direttiva li tissikka r-regoli dwar l-akkwist u l-pussess tal-armi. Id-direttiva l-ġdida ssaħħaħ it-traċċabbiltà tal-armi tan-nar, tipprojbixxi l-użu ċivili tal-armi tan-nar semi-awtomatiċi l-aktar perikolużi u ttejjeb l-iskambju ta’ informazzjoni fost il-pajjiżi tal-UE.

Control of firearms

The Council adopted a directive tightening the rules on the acquisition and possession of weapons. The new directive enhances the traceability of firearms, bans the civilian use of the most dangerous semi-automatic firearms and improves information sharing between EU countries.