"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Vidjokonferenza tal-ministri responsabbli għall-politika ta' koeżjoni, 15 ta' Ġunju 2020
Riżultati ewlenin
Il-ministri tal-UE kellhom dibattitu ta’ orjentazzjoni dwar ir-rwol tal-politika ta’ koeżjoni fl-irkupru ekonomiku wara l-pandemija tal-COVID-19.
Il-ministri ġew mistiedna jaqsmu l-fehmiet tagħhom dwar l-aħjar mod kif jiġi żgurat il-bilanċ it-tajjeb bejn
miżuri immedjati ta’ rispons f’każ ta’ kriżi u għanijiet ta’ koeżjoni dejjiema
flessibbiltà fil-livell nazzjonali u appoġġ immirat għar-reġjuni l-inqas żviluppati u s-setturi l-aktar milquta
Il-konsegwenzi ekonomiċi tal-pandemija tal-COVID-19 ipoġġu l-politika ta’ koeżjoni fuq quddiem nett tal-miżuri ta’ rkupru bħala l-aħjar politika ewlenija tal-UE li tista' tevita li jikbru l-inugwaljanzi. It-tifqigħa tal-coronavirus tista’ twassal għal żieda fid-differenzi reġjonali li, jekk ma jiġux indirizzati b’mod urġenti, jistgħu jxekklu l-funzjonament tas-suq uniku. Il-politika ta’ koeżjoni hija mfassla b’mod ġenerali biex tipprovdi appoġġ addizzjonali lill-istati membri u r-reġjuni kollha, speċjalment dawk li l-ekonomiji tagħhom intlaqtu partikolarment ħażin mill-pandemija u li għandhom l-inqas kapaċità li jirpiljaw.
Marko Pavić, Ministru għall-Iżvilupp Reġjonali u l-Fondi tal-UE tal-Kroazja
Fid-diskussjoni tagħhom, il-ministri enfasizzaw l-importanza ta’ appoġġ aktar qawwi għas-settur tas-saħħa, kif ukoll il-ħtieġa li jiġi sfruttat bis-sħiħ il-potenzjal ekonomiku tas-setturi l-aktar milquta ħażin, bħat-turiżmu u l-kultura.
Minħabba l-kriżi, l-istati membri kkunsidraw il-possibbiltà li jżidu l-flessibbiltà tat-trasferimenti bejn il-fondi strutturali u ta’ investiment. L-għan ikun li jittejjeb il-livell ta’ tħejjija għall-emerġenzi u li jiġi promoss aktar il-ħolqien ta’ impjiegi f’intrapriżi żgħar u ta’ daqs medju.
Xi stati membri esprimew il-fehma li kienet meħtieġa aktar riflessjoni dwar il-possibbiltà li jiġu inklużi miżuri ta’ rispons rapidu, li jistgħu jiġu skattati f’ċirkostanzi eċċezzjonali u mhux tas-soltu, fil-qafas tal-politika ta’ koeżjoni.
Fl-aħħar nett, il-ministri qablu li jaħdmu għat-tisħiħ tal-għodod tal-politika ta’ koeżjoni sabiex jgħinu lis-soċjetajiet jieħdu ħsieb is-sitwazzjoni preżenti u jistabbilixxu l-bażi għall-irkupru rapidu u sostenibbli tal-ekonomiji tagħhom.
Il-vidjokonferenza kienet ippreseduta minn Marko Pavić, Ministru Kroat għall-Iżvilupp Reġjonali u l-Fondi tal-UE. Il-Kummissjoni Ewropea kienet irrappreżentata mill-Kummissarju Elisa Ferreira.
Fl-aħħar nett, il-Presidenza Kroata ħarġet stqarrija għall-istampa.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Il-konsegwenzi ekonomiċi tal-pandemija tal-COVID-19 ipoġġu l-politika ta’ koeżjoni fuq quddiem nett tal-miżuri ta’ rkupru bħala l-aħjar politika ewlenija tal-UE li tista' tevita li jikbru l-inugwaljanzi. It-tifqigħa tal-coronavirus tista’ twassal għal żieda fid-differenzi reġjonali li, jekk ma jiġux indirizzati b’mod urġenti, jistgħu jxekklu l-funzjonament tas-suq uniku. Il-politika ta’ koeżjoni hija mfassla b’mod ġenerali biex tipprovdi appoġġ addizzjonali lill-istati membri u r-reġjuni kollha, speċjalment dawk li l-ekonomiji tagħhom intlaqtu partikolarment ħażin mill-pandemija u li għandhom l-inqas kapaċità li jirpiljaw.
