Léargas ar oibrithe ar ardáin dhigiteacha san Aontas
Tá rialacha glactha ag an Aontas chun feabhas a chur ar dhálaí oibre d’oibrithe ardáin trí aghaidh a thabhairt ar mhí-aicmiú, an trédhearcacht a fheabhsú, agus trí shonraí pearsanta a chosaint.
Feabhas a chur ar dhálaí oibre sa gheilleagar digiteach
Bealach measartha nua oibre é an obair ardáin digiteach ina ndéanann ardán ar líne, mar shampla suíomh gréasáin nó aip, iarraidh ar sheirbhís ó chliant agus obair ar íocaíocht atá á soláthar ag duine aonair a mheaitseáil.
Is é is aidhm don treoir nua cabhrú le feabhas a chur ar dhálaí oibre na ndaoine a oibríonn trí na hardáin dhigiteacha, ach na deiseanna agus na tairbhí a ghabhann le geilleagar na n-ardán a chaomhnú.
An 13 Nollaig 2023, tháinig an Chomhairle agus Parlaimint na hEorpa ar chomhaontú sealadach maidir leis an treoir atá beartaithe. Ghlac an Chomhairle na rialacha nua an 14 Deireadh Fómhair 2024.
Leis an treoir nua seo, tugtar aghaidh ar chásanna mí-aicmithe oibrithe ardáin agus éascaítear an bealach chun na hoibrithe sin a athaicmiú mar fhostaithe, rud a ráthaíonn rochtain níos éasca ar a gcearta mar fhostaithe faoi dhlí an Aontais. Leis na rialacha nua seo, tabharfar cosaint níos fearr do shonraí pearsanta oibrithe ardáin agus méadófar trédhearcacht maidir leis an gcaoi a n-úsáidtear córais algartaim chun cinntí a dhéanamh san ionad oibre.
Céard é ról na n-oibrithe ar ardáin dhigiteacha?
Déanann daoine a oibríonn trí ardáin saothair dhigitigh cúraimí do chustaiméirí mar mhalairt ar airgead. Meaitseálann na hardáin dhigiteacha le chéile iad agus eagraíonn siad an obair.
Cé mhéad acu atá ann agus cén phróifíl atá acu?
Tá 28.3 milliún oibrí ardáin dhigitigh san Aontas, arb ionann iad agus lucht saothair suntasach atá cosúil le líon na ndaoine atá fostaithe sa mhonaraíocht (29 milliún oibrí). Agus meastar go ngabhfaidh an figiúr sin i méid go tapa.
An fás a mheastar a thiocfaidh ar oibrithe ardáin dhigitigh (2022-2025)
An fás a mheastar a thiocfaidh ar oibrithe ardáin dhigitigh (2022-2025)
2022 – 28.3 milliún
2025 – 43 mhilliún
(fás + 52%)
Is mór an seans gur óg agus fireann a bheidh oibrithe ardáin, tá a bhformhór rócháilithe don obair atá ar bun acu (tá cáilíocht iar-mheánscoile ag a bhformhór) agus is iondúil gurb í an obair ardáin a bhfoinse thánaisteach ioncaim, chomh maith lena ngnáthobair.
An leibhéal scileanna atá riachtanach chun na seirbhísí a sholáthar
An leibhéal scileanna atá riachtanach chun na seirbhísí a sholáthar
- 70% íseal
- 20%íseal-meán agus meán
- 6% ard
- 4% ar fad
Cén cineál cúraimí a bhíonn orthu agus cé dóibh a ndéanann siad iad?
San Eoraip, is í an tiomáint tacsaí an tasc is mó tóir a dhéanann oibrithe ardáin.
Tuilleamh na ndaoine a oibríonn trí ardáin de réir chineál na seirbhíse a chuirtear ar fáil:
Tuilleamh na ndaoine a oibríonn trí ardáin de réir chineál na seirbhíse a chuirtear ar fáil:
– tacsaí 39%
– seachadadh: seachadadh bia, seirbhísí aistrithe, bailiúcháin ón siopa grósaera 24%
– seirbhísí baile: glanadh, ceardaíocht 19%
– seirbhísí gairmiúla: cuntasaíocht 7%
– féinfhostaithe: dearadh grafach, eagarthóireacht grianghraf 6%
– obair tí: cúram leanaí, cúram sláinte 3%
– micreachúraimí: aicmiú réada, clibeáil 2%
Cineálacha cliant
Soláthraítear formhór na seirbhísí do chliaint aonair, agus tagann níos mó ná 80% de chliaint faoin gcatagóir sin.
An fostaithe nó oibrithe féinfhostaithe iad?
San Aontas, tá thart ar 5 mhilliún oibrí ardáin aicmithe go mícheart.
Tá stádas ceart fostaíochta ríthábhachtach d’oibrithe ardáin chun a chinntiú go mbeidh na cearta saothair a bhfuil siad ina dteideal acu. Níl oibrithe a aicmítear go mícheart mar oibrithe féinfhostaithe i dteideal na gceart agus na gcosaintí céanna a bhíonn ag daoine fostaithe.
Tuilleann isteach agus amach le 55% d’oibrithe ardáin níos lú ná an glanphá íosta in aghaidh na huaire sa tír ina n-oibríonn siad, i gcás inarb ann dó.
Agus, is am gan phá é 41% den am a thugann siad d’obair ardáin (e.g. taighde ar chúraimí, feitheamh ar obair, athbhreithniú fógraí, etc.).
Stádas fostaíochta na 28.3 milliún oibrí ardáin
Stádas fostaíochta na 28.3 milliún oibrí ardáin:
- 93 % (= 26.3 milliún) atá féinfhostaithe (nóta mínithe: Astu seo, d’fhéadfadh timpeall 19% (=5 mhilliún) díobh a bheith aicmithe go mícheart)
- 7% (=2 mhilliún) fostaithe
An t-athbhreithniú deireanach: an 8 Bealtaine 2025