"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
L-istandards tal-emissjonijiet ta' CO2 għall-karozzi u l-vannijiet
Il-Kunsill kellu dibattitu ta' orjentazzjoni dwar l-emenda tar-regolament dwar standards ta' emissjonijiet ta' CO2 għall‑karozzi u l‑vannijiet.
In-newtralità klimatika u l-kompetittività jridu jimxu id f'id. L-aħjar mod biex tiġi appoġġata l-industrija tal-karozzi fl-Ewropa, u l-miljuni ta' impjiegi li jiddependu minnha, huwa billi jiġu promossi soluzzjonijiet innovattivi u sostenibbli fit-triq lejn mobbiltà nadifa. Bis-saħħa tad-diskussjoni kostruttiva tal-lum, il-presidenza Ċiprijotta ser taħdem b'mod intensiv biex tavvanza l-ħidma fuq din il-prijorità leġiżlattiva ewlenija.
Alexis Vafeades, Ministru għat-Trasport, il-Komunikazzjoni u x-Xogħlijiet tar-Repubblika ta' Ċipru
Biex tappoġġa t-tranżizzjoni lejn mobbiltà nadifa b'mod aktar flessibbli, il-proposta tal-Kummissjoni tintroduċi aktargħażliet ta' teknoloġija għall-manifatturi biex jilħqu l-miri tagħhom. Tnaqqas il-mira ta' tnaqqis tal-emissjonijiet mill-egżost għall-2035 minn 100% għal 90%; l-10% li jifdal jistgħu jiġu kkumpensati permezz ta' krediti għal fjuwils sostenibbli alternattivi u l-użu ta' azzar ekoloġiku magħmula fl-UE. Il-proposta tipprevedi wkoll inċentivi (sal-2034) fil-forma ta' krediti tas-CO2 ("superkrediti") għall-manifatturi li jqiegħdu fis-suq vetturi elettriċi żgħar magħmula fl-UE.
Il-ministri ffukaw fuq il-miri tal-2035 u l-flessibbiltajiet introdotti fil-kuntest tal-ilħuq tal-miri klimatiċi tal-UE, it-tisħiħ tan-newtralità teknoloġika u l-iżgurar tal-kompetittività tas-settur tal-karozzi.
Il-ministri ddiskutew l-isforzi ta' dekarbonizzazzjoni fil-qasam tal-klima għal wara l-2030. Wara l-istabbiliment reċenti ta' mira klimatika vinkolanti għall-UE kollha għall-2040, il-Kummissjoni mistennija tipproponi sett ta' proposti leġiżlattivi fit-tieni nofs ta' din is-sena, biex tappoġġa lill-pajjiżi tal-UE, lill-industrija u liċ-ċittadini Ewropej fil-kisba ta' din il-mira.
Bil-ħsieb tal-pakkett li jmiss dwar il-klima għal wara l-2030, il-ministri ffukaw fuq il-mistoqsijiet li ġejjin:
- kif għandhom jiġu appoġġati l-investimenti filwaqt li tiġi żgurata tranżizzjoni ġusta u nadifa sal-2040;
- kif għandhom jintużaw il-flessibbiltajiet mas-setturi kollha u fi ħdanhom biex jintlaħqu l-miri klimatiċi b'mod kosteffettiv;
- kif għandhom jiġu integrati krediti internazzjonali fil-qafas klimatiku ta' wara l-2030.
Il-Kunsill approva konklużjonijiet dwar l-istrateġija tal-UE dwar il-bijoekonomija. Il-bijoekonomija tuża riżorsi bijoloġiċi rinnovabbli bħal pjanti, annimali u mikroorganiżmi biex tipproduċi ikel, enerġija u prodotti industrijali.
Il-konklużjonijiet tal-Kunsill jilqgħu l-istrateġija dwar il-bijoekonomija, filwaqt li jirrikonoxxu l-potenzjal kbir tal-kontribut tal-bijoekonomija biex tissostitwixxi l-materjali u l-prodotti bbażati fuq il-fossili, toħloq l-impjiegi u tmexxi l-bidla dinjija lejn industriji nodfa.
Il-konklużjonijiet jipprovdu wkoll gwida politika biex l-istrateġija titmexxa 'l quddiem, b'enfasi fuq il-kompetittività, l-innovazzjoni u l-investimenti biex is-soluzzjonijiet b'bażi bijoloġika jiġu trasferiti mil-laboratorju għall-użu, filwaqt li jiġu ssalvagwardati l-ambjent u s-sigurtà tal-ikel u n-nutrizzjoni.
Il-ministri għall-ambjent irriflettew fuq kif tista' tissaħħaħ il-kollaborazzjoni strateġika tal-UE u tissaħħaħ il-pożizzjoni tal-UE fin-negozjati ambjentali dinjija f'xenarju ġeopolitiku li qed jinbidel, inkluż permezz ta' mezzi u għodod bħad-diplomazija mmexxija mix-xjenza, filwaqt li tmexxi bl-eżempju b'implimentazzjoni soda fl-UE, il-bini ta' koalizzjonijiet, koordinazzjoni interna aħjar u l-użu strateġiku tar-riżorsi tal-UE.
Ikla informali ta' nofsinhar dwar in-negozjati internazzjonali dwar il-klima
Waqt l-ikla ta' nofsinhar, il-ministri ddiskutew it-triq 'il quddiem fin-negozjati internazzjonali dwar il-klima, bħala segwitu għall-iskambji ministerjali matul il-Kunsill informali li sar f'Ċipru fil-bidu ta' Frar.
F'dan il-kuntest, huma bdew tħejjijiet sostantivi għall-COP li jmiss f'Novembru, bħala l-ewwel pass lejn l-istabbiliment tal-prijoritajiet ewlenin tal-UE, bħall-mitigazzjoni tat-tibdil fil-klima u l-adattament għalih u xjenza robusta dwar il-klima, u b'enfasi fuq attivitajiet biex jintlaħqu n-nies. Dan il-proċess, mibdi u kkoordinat mill-presidenza Ċiprijotta, ser jitmexxa ‘l quddiem mill-presidenza Irlandiża li jmiss.
Matul il-laqgħa, il-ministri ġew infurmati wkoll dwar it-temi li ġejjin:
Il-Presidenza Ċiprijotta u l-Kummissjoni rrappurtaw dwar it-12-il sessjoni tal-Plenarja tal-Pjattaforma Intergovernattiva tal-Politika tax-Xjenza dwar il-Bijodiversità u s-Servizzi Ekosistemiċi (IPBES-12) li saret f'Manchester, ir-Renju Unit, 3-8 ta' Frar 2026.
Din ir-riżorsa bħalissa hi disponibbli biss bil-lingwa jew il-lingwi li ġejjin:
L-Awstrija, iċ-Ċekja, l-Estonja, Franza, l-Ungerija, il-Latvja, il-Litwanja, il-Portugall u s-Slovakkja infurmaw lill-ministri dwar l-implimentazzjoni tar-regolament LULUCF fl-Unjoni Ewropea.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-Belġju, iċ-Ċekja, Franza, l-Irlanda, il-Latvja u s-Slovakkja, appoġġati mil-Lussemburgu, kellhom punt ta' informazzjoni dwar l-aċċellerazzjoni tal-proċeduri għall-għoti ta' permessi, flimkien ma' sejħa għal approċċ transsettorjali komprensiv fi ħdan l-omnibus ambjentali.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Franza rrapportat dwar it-trasformazzjoni ta' Mercator Ocean f'organizzazzjoni intergovernattiva, filwaqt li indirizzat sejħa lill-istati membri biex jiffirmaw malajr il-konvenzjoni kostituttiva tal-organizzazzjoni intergovernattiva.
Il-Litwanja, appoġġata mill-Estonja, il-Latvja u l-Polonja, infurmat lill-ministri dwar l-implikazzjonijiet ambjentali u ta' sikurezza tal-impjant tal-enerġija nukleari Belarussu f'Ostrovets.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
