"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-Kunsill jappella għal użu aħjar tad-data spazjali biex jissaħħaħ il-maniġġar ta' kriżijiet
Il-Kunsill approva konklużjonijiet dwar l-użu ta' data satellitari li:
jissottolinjaw l-importanza tal-osservazzjoni tad-dinja u data spazjali oħra għar-reżiljenza u t-tħejjija għall-kriżi
jenfasizzaw il-ħtieġa għal kooperazzjoni msaħħa u l-użu tad-data satellitari kollha disponibbli - pubblika, privata u kummerċjali biex jiġu indirizzati aħjar it-tibdil fil-klima, id-diżastri u l-kriżijiet li jħallu impatt fuq is-sigurtà Ewropea u dik dinjija
jappellaw għall-użu tal-intelliġenza artifiċjali u teknoloġiji oħra biex jiżguraw ipproċessar aħjar tad-data
jirrakomandaw miżuri ta' sigurtà biex jiġġieldu theddid potenzjali (bħal attakki ċibernetiċi)
Il-Kunsill jadotta konklużjonijiet dwar il-kontribut tal-ispazju għall-kompetittività tal-Ewropa
Il-Kunsill adotta konklużjonijiet dwar "it-tisħiħ tal-kompetittività tal-Ewropa permezz tal-ispazju".
Il-konklużjonijiet tal-Kunsill jenfasizzaw l-importanza dejjem akbar tal-ispazju f'bosta oqsma tal-politika tal-UE u l-isfidi soċjoekonomiċi, għall-patt ekoloġiku, it-tranżizzjoni diġitali u l-kompetittività ġenerali tal-UE.
Barra minn hekk:
jissottolinjaw il-ħtieġa li jissaħħaħ l-użu tad-data spazjali
jappellaw għal żvilupp aktar b'saħħtu tas-settur spazjali billi jiġi żgurat u miżjud kemm l-investiment pubbliku kif ukoll dak privat
jenfasizzaw li l-ispazju huwa vitali għall-protezzjoni tal-infrastruttura kritika
jappellaw għall-espansjoni tas-settur spazjali Ewropew u għal sħubijiet kollaborattivi globali
Il-Kunsill japprova konklużjonijiet dwar l-ewwel Strateġija Spazjali tal-UE għas-Sigurtà u d-Difiża
Il-Kunsill fakkar fl-impenn li ilu stabbilit tal-UE għad-dritt internazzjonali u għall-valuri u l-prinċipji gwida żviluppati fil-qafas tan-Nazzjonijiet Uniti, u afferma mill-ġdid ir-rieda tal-istati membri tal-UE li jkomplu jaħdmu biex jistabbilixxu normi, regoli u prinċipji ta' mġiba responsabbli fil-firxa sħiħa ta' attivitajiet spazjali.
Il-Kunsill jappella għal approċċ Ewropew dwar il-ġestjoni tat-traffiku fl-ispazju
Il-Kunsill adotta konklużjonijiet dwar l-"Użu ġust u sostenibbli tal-ispazju" fi żmien meta l-orbiti qed ikunu dejjem aktar konġestjonati b'oġġetti spazjali.
Il-konklużjonijiet:
jappellaw għal miżuri ta' mitigazzjoni għall-monitoraġġ u l-ġestjoni tal-iskart spazjali eżistenti
jipproponu li jissaħħu l-kapaċitajiet, pereżempju, permezz tal-kontribut tas-servizz ta' sorveljanza u insegwiment fl-ispazju tal-Unjoni Ewropea, f'kollaborazzjoni mal-aġenzija tal-UE għall-programm spazjali, biex jitmexxa 'l quddiem approċċ tal-UE għall-ġestjoni tat-traffiku spazjali
jirrikonoxxu li l-ispazju huwa ġid komuni globali u għandu jibqa' ħieles għall-esplorazzjoni u l-użu mill-istati kollha
Il-Kunsill jadotta programm ta' konnettività bbażata fl-ispazju
Il-ministri adottaw regolament dwar il-programm ta' konnettività sigura tal-UE għall-2023-2027. Il-programm jistabbilixxi għanijiet għall-Unjoni Ewropea biex tuża kostellazzjoni satellitari tal-UE msejħa "IRIS²" (Infrastruttura għar-Reżiljenza, l-Interkonnettività u s-Sigurtà bis-Satellita) li ser tipprovdi servizzi ta' komunikazzjoniultraveloċi u ta' sigurtà għolja sal-2027.
IRIS² ser jgħin biex jittejbu r-reżiljenza u s-sovranità tal-UE peress li l-gvernijiet ser jibbenefikaw minn din is-sistema ta' komunikazzjoni bbażata fl-ispazju għal servizzi bħal:
il-protezzjoni ta' infrastruttura kritika
is-sorveljanza
l-appoġġ għall-azzjoni esterna
il-ġestjoni tal-kriżijiet
Il-programm jikkontribwixxi wkoll għat-tranżizzjoni diġitali tal-UE u jsaħħaħ il-kompetittività tas-servizzi ta’ komunikazzjoni bis-satellita tal-UE.
Il-ministri jadottaw konklużjonijiet dwar l-immaniġġar tat-traffiku fl-ispazju u l-programm Copernicus
Il-ministri adottaw konklużjonijiet dwar l-immaniġġar tat-traffiku fl-ispazju (STM), li jissottolinjaw l-importanza tat-tisħiħ tas-sorveljanza tal-UE fl-ispazju u l-kapaċitajiet ta' traċċar tal-UE u tal-koordinazzjoni tal-leġiżlazzjoni u l-istandardizzazzjoni. Dan ser jamplifika l-vuċi tal-UE fix-xena internazzjonali f'dak li għandu x'jaqsam mal-immaniġġar tat-traffiku fl-ispazju.
L-approċċ tal-UE għall-immaniġġar tat-traffiku fl-ispazju ser inaqqas ir-riskju ta' kolliżjonijiet u jiżgura li l-ispazju jibqa' sikur u sostenibbli.
Il-Kunsill adotta wkoll konklużjonijiet dwar Copernicus sal-2035, biex jgħin fit-tħejjija tal-futur tal-programm spazjali Copernicus. Dawn jistabbilixxu viżjoni għall-2035 u gwida politika għall-programm Copernicus ibbażata fuq tliet pilastri ewlenin: il-Patt Ekoloġiku, it-tranżizzjoni diġitali, u s-sigurtà, li flimkien jikkontribwixxu għal Ewropa aktar reżiljenti.
Il-Kunsill jadotta konklużjonijiet dwar "l-ispazju għal kulħadd"
Il-Kunsill adotta konklużjonijiet dwar "l-ispazju għal kulħadd", filwaqt li enfasizza l-importanza tal-parteċipazzjoni tal-partijiet ikkonċernati mill-istati membri kollha fis-settur spazjali u tat-tisħiħ tar-rabta bejn is-setturi spazjali u dawk mhux spazjali.
L-ispazju huwa wieħed mis-setturi teknoloġiċi li qed jikber bl-aktar rata mgħaġġla fl-UE, iżda l-kapaċitajiet tas-settur spazjali Ewropew mhumiex imqassma b'mod uniformi. Il-konklużjonijiet jenfasizzaw il-ħtieġa li jiġu inklużi negozji ġodda, intrapriżi żgħar jew ta' daqs medju (SMEs) u kumpaniji b'kapitalizzazzjoni medja (mid-caps) fost il-partijiet ikkonċernati parteċipanti, peress li dawn jistgħu jgħinu biex iwieġbu għall-isfidi globali bħat-tibdil fil-klima u kwistjonijiet ta' sigurtà.
Spazju Ġdid għall-Persuni - Konklużjonijiet tal-Kunsill
Il-Kunsill adotta konklużjonijiet dwar il-ħtieġa ta' approċċ Ewropew għal spazju ġdid biex jixpruna settur spazjali tal-UE innovattiv u kompetittiv. L-"Ispazju Ġdid għall-Persuni" jista' jikkontribwixxi għat-tranżizzjonijiet ekoloġiċi u diġitali tal-UE u jsaħħaħ ir-reżiljenza Ewropea, filwaqt li jwieġeb ukoll għall-ħtiġijiet taċ-ċittadini.
L-Ispazju għall-Persuni fiż-żoni kostali Ewropej - Konklużjonijiet tal-Kunsill
Il-Kunsill adotta konklużjonijiet dwar il-ħtieġa li jiġi sfruttat il-potenzjal sħiħ tal-programmi spazjali tal-UE Copernicus, Galileo u EGNOS sabiex jittejbu l-mitigazzjoni tat-tibdil fil-klima u l-kwalità tal-ħajja tan-nies fiż-żoni kostali Ewropej.
Programm spazjali tal-UE: il-Kunsill jadotta pożizzjoni fl-ewwel qari
Il-Kunsill adotta l-pożizzjoni tiegħu fl-ewwel qari dwar ir-regolament propost li jistabbilixxi l-programm spazjali tal-UE li jammonta għal €14.8 biljun għas-snin 2021 sal-2027.
Skont il-qbil politiku li ntlaħaq f'Diċembru li għadda bejn il-koleġiżlaturi, il-Parlament Ewropew huwa mistenni li japprova l-pożizzjoni tal-Kunsill fl-ewwel qari f'April 2021. Wara l-adozzjoni formali, ir-regolament ser japplika b'mod retroattiv mill-1 ta' Jannar 2021.
Il-President Charles Michel għamel diskors ta' merħba waqt it-13-il Konferenza Ewropea dwar l-Ispazju bit-titlu "L-ispazju jħaddan dinja li qiegħda tinbidel: ekoloġika, diġitali, reżiljenti & amp; sigura" li saret fit-12 u t-13 ta' Jannar 2021. Id-diskors ta' Michel enfasizza r-rwol tas-settur spazjali fl-istrateġija ġenerali tal-UE u ffoka fuq it-tranżizzjonijiet ekoloġiċi u diġitali, kif ukoll fuq l-iżgurar ta' aktar awtonomija strateġika għall-Ewropa.
L-Ewropa diġà hija attur ewlieni fl-ispazju. Jekk irridu nkunu aktar b'saħħitna u aktar kunfidenti fina nfusna fix-xenarju globali, irridu nkunu wkoll aktar b'saħħitna fl-ispazju. [...] L-iżvilupp tas-settur spazjali tagħna ser jgħinna nsaħħu l-awtonomija strateġika tagħna – l-għan numru wieħed tal-ġenerazzjoni tagħna, fil-fehma tiegħi.
Charles Michel, President tal-Kunsill Ewropew
2020
16 ta' Diċembru
Programm Spazjali tal-UE: Il-presidenza tal-Kunsill tilħaq qbil politiku mal-Parlament Ewropew
In-negozjaturi tal-Kunsill tal-UE u tal-Parlament Ewropew laħqu qbil politiku proviżorju dwar ir-regolament propost li jistabbilixxi l-programm spazjali tal-UE li jmiss għall-2021-2027.
Pakkett finanzjarju ta' €14.8 biljun fi prezzijiet attwali (€13.2 biljun fi prezzijiet tal-2018) ġie allokat għall-programm, imqassam kif ġej:
Galileo u EGNOS: €9 biljun
Copernicus: €5.4 biljun
SSA u GOVSATCOM: €442 miljun
It-test ser jiġi ppreżentat lill-Kumitat tar-Rappreżentanti Permanenti tal-Kunsill għal analiżi/approvazzjoni politika nhar il-Ġimgħa 18 ta' Diċembru 2020. Wara l-approvazzjoni politika kemm mill-Kunsill kif ukoll mill-Parlament Ewropew, dan ser ikun il-bażi għall-adozzjoni futura tar-regolament propost fit-tieni qari.
Il-ministri ddiskutew ir-rwol tal-Ewropa fl-ekonomija spazjali globali
Il-ministri għall-ispazju kellhom skambju informali ta' fehmiet dwar ir-rwol tal-Ewropa fl-ekonomija spazjali globali permezz ta' vidjokonferenza. Huma ddiskutew kif l-UE tista' ttejjeb il-kompetittività tal-industrija spazjali tagħha u taqdi rwol akbar fit-tiswir ta' reġimi regolatorji internazzjonali.
Abbażi tal-konklużjonijiet adottati fil-11 ta' Novembru 2020, il-ministri ħejjew ukoll il-laqgħa tal-għaxar Kunsill tal-Ispazju, li saret permezz ta' vidjokonferenza fl-istess jum.
Fl-aħħar nett, il-ministri ħadu nota tal-programm ta' ħidma tal-presidenza Portugiża li jmiss fil-qasam tal-ispazju (l-ewwel semestru tal-2021).
Il-Kunsill jappella għal politika spazjali tal-UE aktar b'saħħitha
Il-Kunsill adotta konklużjonijiet dwar il-kontribut Ewropew fl-istabbiliment ta' prinċipji ewlenin għall-ekonomija spazjali globali bi tħejjija għall-għaxar laqgħa tal-Kunsill tal-Ispazju mal-Aġenzija Spazjali Ewropea (ESA), li għandha ssir fl-20 ta' Novembru 2020.
It-test jagħti orjentazzjonijiet importanti għall-politika spazjali Ewropea futura.
Il-Kunsill jinnota li qed tinħoloq industrija spazjali Ewropea u ktajjen tal-provvista kompetittivi ħafna, li jippermettu lill-Ewropa tipparteċipa (u tikkontribwixxi) fit-tkabbir globali tal-ekonomija spazjali. Huwa jappella lill-atturi kollha biex jaħdmu lejn l-iżgurar ta' kondizzjonijiet ekwivalenti ta' kompetizzjoni globali u ekonomiji miftuħa.
Il-Kunsill jenfasizza l-ħtieġa għan-nondipendenza teknoloġika Ewropea u jfakkar fl-importanza li jinżamm aċċess sigur, awtonomu, affidabbli, kosteffettiv u affordabbli għall-ispazju. Tingħata attenzjoni partikolari lill-immaniġġar tat-traffiku fl-ispazju u ċ-ċibersigurtà spazjali.
Sabiex jinkisbu dawn l-objettivi, il-Kunsill jenfasizza l-importanza ta' azzjonijiet koordinati mill-Unjoni Ewropea, l-Aġenzija Spazjali Ewropea u l-istati membri rispettivi tagħhom biex tissaħħaħ il-politika spazjali Ewropea.
Politika dwar l-ispazju għal ekonomija sostenibbli: il-Kunsill jadotta konklużjonijiet
Il-Kunsill adotta sett ta' konklużjonijiet li jiffukaw fuq ir-rwol tal-politika dwar l-ispazju fl-iżvilupp sostenibbli, b'mod partikolari:
l-ispazju għal tkabbir sostenibbli fit-tul
l-edukazzjoni u l-ħiliet għall-ispazju
Il-Kunsill issottolinja l-ħtieġa li jiġi promoss l-iżvilupp ta' settur spazjali Ewropew sostenibbli li jissodisfa d-domanda tal-ġenerazzjonijiet futuri u jiggarantixxi l-kompetittività Ewropea.
Il-Kunsill appella wkoll lill-Kummissjoni Ewropea biex, flimkien mal-istati membri u b'kooperazzjoni mal-industrija, l-organizzazzjonijiet tar-riċerka u l-akkademiċi, tidentifika nuqqasijiet u lakuni futuri ta' ħiliet, u biex tikkunsidra soluzzjonijiet possibbli u inizjattivi mmirati.
Il-ministri kellhom skambju ta' fehmiet dwar kif jistgħu jżidu l-benefiċċji ekonomiċi, ambjentali u soċjali tal-applikazzjonijiet spazjali. Huma ddiskutew il-kontribut tad-data, is-servizzi u t-teknoloġiji spazjali għall-iżvilupp sostenibbli tal-UE, u l-irkupru mill-kriżi tal-COVID-19.
It-teknoloġiji spazjali qed jaqdu rwol kruċjali fit-tiftix ta' soluzzjonijiet u biex is-soċjetajiet tagħna jkunu jistgħu jiġġieldu l-kriżi attwali u kwalunkwe kriżi oħra. Huma għodda siewja fl-isforzi tagħna biex nippromwovu żvilupp reżiljenti u sostenibbli tas-soċjetajiet tagħna. Aħna ser nipprovdu lis-settur spazjali finanzjament u riżorsi umani adegwati sabiex nissalvagwardjaw is-sovranità Ewropea fl-ispazju.
Blaženka Divjak, il-ministru għax-xjenza u l-edukazzjoni tal-Kroazja
Soluzzjonijiet spazjali għal Artiku sostenibbli: il-Kunsill jadotta konklużjonijiet
Il-Kunsill adotta konklużjonijiet dwar ir-rwol tas-servizzi bbażati fuq l-ispazju fl-iżgurar ta' reġjun Artiku sostenibbli.
Il-ministri tal-UE ħeġġew lill-Kummissjoni Ewropea u lill-Aġenzija tas-Sistema Globali ta' Navigazzjoni bis-Satellita (GNSS) biex jikkollaboraw b'mod attiv mal-Aġenzija Spazjali Ewropea (ESA), u l-Organizzazzjoni Ewropea għall-Esplojtazzjoni ta' Satelliti Meteoroloġiċi (EUMETSAT).
L-UE qed tfassal il-programm tal-politika spazjali tagħha għas-snin 2021-2027. L-ambaxxaturi għall-UE kkonfermaw il-fehim komuni milħuq mill-presidenza tal-Kunsill mal-Parlament Ewropew dwar l-abbozz ta' regolament dwar programm spazjali tal-UE.
Ir-regolament ser jiżgura:
data u servizzi relatati mal-ispazju ta' kwalità għolja, aġġornati u siguri
żieda fit-tkabbir u l-ħolqien tal-impjiegi fl-UE minħabba l-użu ta' tali data u servizzi
aktar sigurtà u awtonomija strateġika tal-UE
rwol aktar b'saħħtu għall-UE bħala attur ewlieni fis-settur tal-ispazju
L-aspetti finanzjarji u aspetti oħra tal-programm spazjali tal-UE ser jiddependu mill-qbil futur dwar il-qafas finanzjarju pluriennali li jmiss, il-baġit fit-tul tal-UE.
Il-Kunsill jaqbel dwar il-pożizzjoni dwar il-programm spazjali tal-UE
L-ambaxxaturi għall-UE qablu dwar il-pożizzjoni tal-Kunsill dwar l-abbozz ta' regolament dwar programm spazjali futur tal-UE. Din il-pożizzjoni tippermetti l-bidu ta' negozjati mal-Parlament Ewropew.
Għan ewlieni tar-regolament il-ġdid huwa li jiżgura data u servizzi relatati mal-ispazjuta' kwalità għolja, aġġornati u siguri.
Il-ministri ddiskutew il-futur tal-politika Ewropea dwar l-ispazju, b'mod partikolari fil-kuntest tas-suq uniku diġitali.
Fil-kuntest tal-ekonomija diġitali, l-ispazju għandu rwol dejjem aktar importanti x'jaqdi. Huwa infrastruttura inviżibbli użata biex jinkisbu u jitqassmu data u informazzjoni. Dan iwassal biex ifeġġu forom ġodda ta' mudelli tan-negozju.
Emil Karanikolov, Ministru għall-Ekonomija tal-Bulgarija
Il-Kunsill imexxi 'l quddiem il-programmi spazjali tal-UE
Il-Kunsill iddiskuta t-triq 'il quddiem għall-programmi spazjali tal-UE u adotta konklużjonijiet dwar ir-rieżami ta' nofs it-terminu tal-programm Copernicus.
Il-ministri rrikonoxxew li l-programmi emblematiċi Galileo u Copernicus diġà qed jikkontribwixxu għall-benessri taċ-ċittadini Ewropej u għat-tkabbir tal-ekonomija tal-UE. Żiedu jgħidu li d-data spazjali għandha potenzjal kbir fit-titjib tal-opportunitajiet ta' impjieg.
Il-Kunsill kellu dibattitu dwar l-implimentazzjoni tal-istrateġija spazjali għall-Ewropa. Hu adotta wkoll konklużjonijiet li ser jikkontribwixxu għall-implimentazzjoni tal-istrateġija.
Il-ministri tennew li l-programmi spazjali tal-UE Galileo u Copernicus huma eżempji li rnexxew tal-benefiċċji u l-vantaġġi li l-integrazzjoni Ewropea tista' twassal mhux biss għaċ-ċittadini tal-UE, iżda wkoll għad-dinja kollha.
Il-Kunsill laqa' l-istrateġija spazjali l-ġdida għall-Ewropa proposta mill-Kummissjoni Ewropea fis-26 ta' Ottubru 2016.
Il-ministri kellhom dibattitu pubbliku dwar dawk l-azzjonijiet fl-istrateġija li jistgħu jwasslu għal benefiċċji tanġibbli għaċ-ċittadini u l-kumpanniji Ewropej, u li jkollhom impatt pożittiv kbir fuq il-kompetittività tal-UE.
L-UE ser tiffoka fuq il-benefiċċji tad-data spazjali
Il-Kunsill iddiskuta modi kif jista' jitjieb l-użu tad-data spazjali minn programmi spazjali Ewropej biex jinħolqu t-tkabbir u l-impjiegi.
L-eżitu tad-diskussjoni ser jipprovdu kontribut għall-inizjattiva tal-Kummissjoni "Strateġija Spazjali għall-Ewropa", li ser tinħareġ fil-ħarifa tal-2016.
Il-ministri indikaw li d-data, l-applikazzjonijiet u s-servizzi spazjali, flimkien mal-iżvilupp rapidu tal-ekonomija diġitali, jistgħu joffru benefiċċji enormi:
L-Ewropa diġà hija attur ewlieni fl-ispazju. Jekk irridu nkunu aktar b'saħħitna u aktar kunfidenti fina nfusna fix-xenarju globali, irridu nkunu wkoll aktar b'saħħitna fl-ispazju. [...] L-iżvilupp tas-settur spazjali tagħna ser jgħinna nsaħħu l-awtonomija strateġika tagħna – l-għan numru wieħed tal-ġenerazzjoni tagħna, fil-fehma tiegħi.
It-teknoloġiji spazjali qed jaqdu rwol kruċjali fit-tiftix ta' soluzzjonijiet u biex is-soċjetajiet tagħna jkunu jistgħu jiġġieldu l-kriżi attwali u kwalunkwe kriżi oħra. Huma għodda siewja fl-isforzi tagħna biex nippromwovu żvilupp reżiljenti u sostenibbli tas-soċjetajiet tagħna. Aħna ser nipprovdu lis-settur spazjali finanzjament u riżorsi umani adegwati sabiex nissalvagwardjaw is-sovranità Ewropea fl-ispazju.