Proċess tat-teħid ta' deċiżjonijiet: atti delegati u ta' implimentazzjoni
X'inhu att delegat?
Att mhux leġiżlattiv ta' applikazzjoni ġenerali li jista' jiġi adottat biss jekk ikun hemm delega tas-setgħat fl-att leġiżlattiv.
X'inhu att ta' implimentazzjoni?
Att mhux leġiżlattiv li jistabbilixxi regoli dettaljati li jippermettu l-implimentazzjoni uniformi ta' atti tal-Unjoni li jorbtu legalment.
Għalfejn għandna bżonnhom?
Att delegat: jippermetti lill-Kummissjoni tirreaġixxi b'ħeffa u bi flessibilità f'oqsma bħal:
- l-informazzjoni dwar l-ivvjaġġar
- is-sikurezza tal-ikel u tal-għalf
- is-saħħa u t-trattament xieraq tal-annimali
- is-saħħa tal-pjanti
Atti delegati jistgħu jiġu adottati biss abbażi ta' delega mogħtija f'att leġiżlattiv.
Kif jiġu adottati l-atti delegati?
Hemm ċerti kondizzjonijiet involuti: il-Kummissjoni tħejji abbozzi ta' atti delegati skont:
- il-kondizzjonijiet għad-delega stipulati fil-leġiżlazzjoni approvata
- il-kooperazzjoni ma' esperti, inkluż dawk mill-istati membri
Pass 1: Il-Kummissjoni tikkonsulta ma' gruppi ta' esperti u tadotta l-att.
Fl-istess ħin: Il-Kunsill (grupp ta' ħidma) u l-Parlament (kumitat responsabbli) jeżaminaw il-proposta [xahrejn (jiġġeddu darba)]
Opzjoni 1: ebda oġġezzjoni
Jekk ma titqajjem ebda oġġezzjoni matul il-perjodu ta' oġġezzjoni, l-att delegat jidħol fis-seħħ.
Pass 2: Il-Kummissjoni tiddeċiedi waħedha jekk tadottax l-abbozz ta' att, filwaqt li tqis l-opinjoni tal-kumitat, anki jekk din tkun negattiva.
Opzjoni 2: titqajjem oġġezzjoni
Il-Kunsill jista' joġġezzjona permezz ta' deċiżjoni adottata b'maġġoranza kwalifikata.
Il-plenarja tal-PE tista' toġġezzjona permezz ta' vot b'maġġoranza tal-membri kollha tagħha.
Jekk il-Kunsill jew il-PE joġġezzjonaw, l-att ma jistax jidħol fis-seħħ.
Kif jiġu adottati l-atti ta' implimentazzjoni?
Is-setgħat ta' implimentazzjoni jingħataw fil-maġġoranza l-kbira tal-każijiet lill-Kummissjoni Ewropea.
Eċċezzjonalment lill-Kunsill f'każijiet debitament ġustifikati u f'dawk previsti fl-Artikoli 24u 26 TUE
Il-komitoloġija hija l-proċedura li tirregola l-adozzjoni ta' parti sinifikanti tal-atti ta' implimentazzjoni mill-Kummissjoni.
Il-kumitati huma magħmula minn rappreżentanti mill-pajjiżi tal-UE (esperti tal-istati membri).
Pass 1: Bħala regola, l-abbozzi ta' atti ta' implimentazzjoni mħejjija mill-Kummissjoni jiġu ppreżentati lill-kumitati tal-komitoloġija. Hemm żewġ tipi ta' proċedura ta' kumitat:
Proċedura konsultattiva:
Pass 1: Il-kumitat konsultattiv jagħti l-opinjoni tiegħu b'maġġoranza sempliċi. L-opinjoni ma torbotx.
Pass 2: Il-Kummissjoni tiddeċiedi waħedha jekk tadottax l-abbozz ta' att, filwaqt li tqis l-opinjoni tal-kumitat, anki jekk din tkun negattiva.
Proċedura ta' eżami:
Pass 1: il-kumitat dwar il-proċedura ta' eżami jrid jagħti opinjoni b'maġġoranza kwalifikata.
Opzjoni 1:
Jekk l-opinjoni tal-kumitat tkun pożittiva, il-Kummissjoni tadotta l-att.
Opzjoni 2:
Jekk l-opinjoni tal-kumitat tkun negattiva, il-Kummissjoni ma tistax tadotta l-att ta' implimentazzjoni.
Opzjoni 3:
Jekk ma tingħata ebda opinjoni, il-Kummissjoni tista' tadotta l-abbozz tal-att ta' implimentazzjoni, ħlief fil-każijiet speċifikati fir-regolament dwar il-komitoloġija.
Opzjoni 4:
Fil-każ ta' vot negattiv: il-Kummissjoni għandha xahar żmien biex tippreżenta abbozz ta' miżura lill-kumitat ta' appell (esperti tal-istati membri), jew inkella xahrejn biex tippreżenta verżjoni ġdida lill-istess kumitat.
Għal atti ta' implimentazzjoni applikabbli minnufih, il-proċedura hija differenti:
Pass 1: il-Kummissjoni tadotta l-att ta' implimentazzjoni qabel ma tikkonsulta ma' kumitat, minħabba raġunijiet imperattivi ta' urġenza debitament ġustifikati, jekk dan ikun previst fl-att bażiku.
Skeda ta' żmien: l-att japplika għal perjodu massimu ta' sitt xhur, sakemm l-att bażiku ma jipprevedix mod ieħor.
Pass 2: il-Kummissjoni trid tikkonsulta l-kumitat rilevanti fi żmien 14-il jum mill-adozzjoni.
Opzjoni 1:
Meta tapplika l-proċedura ta' eżami u l-kumitat jagħti opinjoni negattiva, il-Kummissjoni hija obbligata tħassar l-att immedjatament.
L-aħħar reviżjoni: 22 ta' April 2022