"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-ministri għall-ambjent tal-UE laħqu qbil ("approċċ ġenerali") dwar proposta għal regolament dwar l-imballaġġ u l-iskart mill-imballaġġ.
Fl-2021 ġew iġġenerati 190kg ta' skart mill-imballaġġ minn kull Ewropew. U din iċ-ċifra ser tikber bi kważi 20% fl-2030, jekk l-affarijiet jibqgħu l-istess. Ma nistgħux inħallu li dan iseħħ. L-approċċ ġenerali tal-lum iwassal messaġġ qawwi li l-UE hija impenjata li tnaqqas u tipprevjeni l-iskart mill-imballaġġ mis-sorsi kollha. Dan ir-regolament huwa kruċjali fit-triq tagħna lejn ekonomija ċirkolari u Ewropa newtrali għall-klima.
Teresa Ribera Rodríguez, it-tielet viċi president tal-gvern ta' Spanja u Ministru għat-Tranżizzjoni Ekoloġika u l-Isfida Demografika
L-għan tar-regolament propost huwa li jindirizza ż-żieda fl-iskart mill-imballaġġ iġġenerat fl-UE, filwaqt li jarmonizza s-suq intern għall-imballaġġ u jagħti spinta lill-ekonomija ċirkolari. Jistabbilixxi wkoll rekwiżiti biex jiżgura li l-imballaġġ ikun sikur u sostenibbli, billi jirrikjedi li l-imballaġġ kollu jkun riċiklabbli u li l-preżenza ta' sustanzi ta' tħassib tiġi minimizzata. Jistabbilixxi wkoll rekwiżiti ta' tikkettar biex tittejjeb l-informazzjoni għall-konsumatur.
F'konformità mal-ġerarkija tal-iskart, il-ministri qablu dwar regoli biex jimminimizzaw il-ġenerazzjoni tal-iskart mill-imballaġġ billi jistabbilixxu miri vinkolanti għall-użu mill-ġdid, jillimitaw ċerti tipi ta' imballaġġ li jintuża darba biss u jirrikjedu li l-operaturi ekonomiċi jimminimizzaw l-imballaġġ użat.
Il-ministri kellhom dibattitu ta' orjentazzjoni fuq proposta għall-ewwel liġi tal-UE dwar is-saħħa tal-ħamrija li qatt inħarġet. Il-proposta tistabbilixxi l-objettiv fit-tul li l-ekosistemi kollha tal-ħamrija fl-UE jkunu f'kundizzjoni tajba sal-2050, skont l-istrateġija tal-UE dwar il-ħamrija għall-2030.
Tispeċifika rekwiżiti li jorbtu għall-monitoraġġ u l-valutazzjoni tas-saħħa tal-ħamrija biex jiġi stabbilit qafas ta' monitoraġġ komprensiv għall-ħamrija kollha fl-UE. Ir-regoli l-ġodda ser jindirizzaw ukoll il-ġestjoni sostenibbli tal-ħamrija u r-restawr tas-siti kontaminati.
Il-ministri laqgħu l-proposta u qablu mal-importanza li jkun hemm leġiżlazzjoni fil-livell tal-UE ffukata fuq il-monitoraġġ u r-reżiljenza tal-ħamrija. Huma qasmu l-fehmiet tagħhom dwar kif il-qafas ta' monitoraġġ tal-ħamrija propost jista' jgħin biex tittejjeb is-saħħa tal-ħamrija fil-perjodu ta' żmien previst u dwar il-livell ta' ambizzjoni fl-indirizzar tal-kontaminazzjoni tal-ħamrija.
Il-ministri għall-ambjent tal-UE ddiskutew ukoll proposta tal-Kummissjoni biex tisstabbilixxi sistema integrata għall-monitoraġġ tal-foresti fl-UE kollha.
Il-qafas għall-monitoraġġ ser jiżgura data armonizzata dwar il-kundizzjoni u l-ġestjoni tal-foresti tal-UE u ser ikopri l-foresti u l-artijiet bis-siġar l-oħra kollha fl-UE. Ir-regolament propost għandu l-għan ukoll li jappoġġa lill-istati membri fl-istabbiliment u l-aġġornament tal-pjanijiet integrati volontarji fuq medda twila ta' żmien għall-foresti.
Il-ministri ffukaw l-interventi tagħhom fuq jekk iqisux il-qafas ta' monitoraġġ tal-foresti propost bħala adegwat u effettiv, l-aktar aspetti rilevanti biex jitnaqqsu n-nuqqasijiet eżistenti fl-għarfien, u kif ir-regolament futur jista' jiġi implimentat b'mod kosteffettiv.
Waqt l-ikla ta' nofsinhar, il-Prof. Ottmar Edenhofer, president tal-bord konsultattiv xjentifiku Ewropew dwar it-tibdil fil-klima, ingħaqad mal-ministri biex jiddiskutu l-mira klimatika għall-2040. Il-ministri semgħu mill-Prof. Edenhofer dwar ir-riżultati ewlenin tal-parir tal-bord dwar il-mira għall-2040 u mill-Kummissjoni dwar il-pjanijiet tagħha għax-xhur li ġejjin.
Taħt "affarijiet oħra", il-presidenza infurmat lill-ministri dwar il-progress li għaddej fuq żewġ proposti leġiżlattivi: ir-reviżjoni tad-direttiva dwar il-kwalità tal-arja u r-regolament dwar qafas ta' ċertifikazzjoni tal-UE għall-assorbimenti tal-karbonju.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-Kummissjoni u l-presidenza rrappurtaw ukoll dwar il-laqgħat internazzjonali reċenti ewlenin:
ir-raba' laqgħa tal-proċess intersessjonarju li tikkunsidra l-Approċċ Strateġiku u l-ġestjoni tajba tas-sustanzi kimiċi u l-iskart wara l-2020 (3) u l-ħames sessjoni tal-konferenza internazzjonali dwar il-ġestjoni tas-sustanzi kimiċi (ICCM5) (Bonn, il-Ġermanja, 23 – 29 ta' Settembru 2023)
COP 5 — il-ħames konvenzjoni ta' Minamata dwar il-merkurju (Ġinevra, l-Iżvizzera, 30 ta' Ottubru — 3 ta' Novembru 2023)
it-tielet sessjoni tal-Kumitat Intergovernattiv ta' Negozjar (INC-3) biex jiġi żviluppat strument internazzjonali legalment vinkolanti dwar it-tniġġis mill-plastik (Nairobi, il-Kenja, 13 - 19 ta' Novembru 2023)
COP28 (Dubai, l-Emirati Għarab Magħquda, 30 ta' Novembru – 12 ta' Diċembru 2023)
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-Kummissjoni ppreżentat il-valutazzjoni tagħha tal-pjanijiet nazzjonali għall-enerġija u l-klima (NECPs) u l-Missjonijiet tal-UE ta' Orizzont Ewropa bħala għodda għall-azzjoni klimatika lokali.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Id-delegazzjoni Bulgara infurmat lill-ministri dwar l-avveniment ta' livell għoli għaż-Żgħażagħ u l-Azzjoni Klimatika li sar fit-8 ta' Diċembru fil-marġini tal-COP28.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Fl-2021 ġew iġġenerati 190kg ta' skart mill-imballaġġ minn kull Ewropew. U din iċ-ċifra ser tikber bi kważi 20% fl-2030, jekk l-affarijiet jibqgħu l-istess. Ma nistgħux inħallu li dan iseħħ. L-approċċ ġenerali tal-lum iwassal messaġġ qawwi li l-UE hija impenjata li tnaqqas u tipprevjeni l-iskart mill-imballaġġ mis-sorsi kollha. Dan ir-regolament huwa kruċjali fit-triq tagħna lejn ekonomija ċirkolari u Ewropa newtrali għall-klima.