Míniú ar phróiseas smachtbhannaí an Aontais
Ábhar sa chartlann.
Ar chliceáil an naisc thíos duit tiocfaidh tú ar an eolas is déanaí faoin gcaoi a nglacann an tAontas smachtbhannaí agus faoin gcaoi a ndéanann sé iad a athbhreithniú.
Míniú ar phróiseas smachtbhannaí an Aontais
Cad iad smachtbhannaí an Aontais?
Bearta coisctheacha, ar a dtugtar smachtbhannaí freisin, lena gceadaítear don Aontas Eorpach freagairt ar dhúshláin pholaitiúla agus ar fhorbairtí polaitiúla a théann i gcoinne a chuspóirí agus a luachanna.
Cé a chinneann smachtbhannaí a fhorchuireadh?
Smachtbhannaí uathrialacha an Aontais: féadfaidh an Chomhairle a chinneadh smachtbhannaí a fhorchur as a stuaim féin, arb iad Ardionadaí an Aontais do Ghnóthaí Eachtracha agus don Bheartas Slándála nó na Ballstáit a chuireann ar aghaidh iad. Go hiondúil bíonn feidhm ag na rialacha go ceann 12 mhí.
Leagtar bearta sriantacha síos i gcinntí ón gComhairle maidir leis an gComhbheartas Eachtrach agus Slándála (CBES).
Cén dóigh a n-oibríonn siad?
- Cosc ar thaisteal: faoin gcosc ar thaisteal ní ceadmhach dóibh siúd atá ar an liosta cos a leagan ar chríocha an Aontais Eorpaigh ná a mbealach a dhéanamh tríothu
- reo sócmhainní: dírithe ar chistí nó acmhainní eacnamaíocha na ndaoine liostaithe
- Cistí: Níl cead ag saoránaigh ná ag cuideachtaí den Aontas cistí a chur ar fáil do na daoine agus do na heintitis atá liostaithe
Cén dóigh a nglactar cinneadh ón gComhairle maidir le smachtbhannaí?
Céim 1: Déanann an tArdionadaí moladh (bearta atá beartaithe)
Céim 2: Scrúdaíonn & pléann comhlachtaí ullmhúcháin na Comhairle na bearta atá beartaithe
Céim 3: Tagann Coreper II ar chomhaontú maidir leis an ngníomh dlí
Céim 4: Is ansin a ghlacann an Chomhairle an cinneadh
Céim 5: Foilsítear an cinneadh in Iris Oifigiúil an Aontais Eorpaigh.
As lucht na Comhairle, cé go díreach atá páirteach?
- Meitheal na Comhairle atá freagrach as an limistéar geografach ina bhfuil an spriocthír, nó meitheal lena mbaineann an téama (e.g. cearta an duine, cibearchúrsaí)
- an Coiste Polaitiúil agus Slándála (PSC) más gá
- Coiste na mBuanionadaithe (Coreper II)
Má tá na nithe seo a leanas san áireamh sa chinneadh ón gComhairle:
- reo sócmhainní
- agus/nó cineálacha eile beart eacnamaíoch
- agus/nó smachtbhanna airgeadais
Ní mór rialachán ón gComhairle a ghlacadh.
Cén dóigh a nglactar rialachán ón gComhairle maidir le smachtbhannaí?
Céim 1: Tíolacann an tArdionadaí agus an Coimisiún togra comhpháirteach le haghaidh rialachán ón gComhairle.
Céim 2: Scrúdaíonn & pléann comhlachtaí ullmhúcháin na Comhairle na bearta atá beartaithe
Céim 3: Tagann Coreper II ar chomhaontú maidir leis an ngníomh dlí
Céim 4: Is ansin a ghlacann an Chomhairle an rialachán
Céim 5: Foilsítear an rialachán in Iris Oifigiúil an Aontais Eorpaigh.
Céim 6: Ina dhiaidh sin, cuireann an Chomhairle Parlaimint na hEorpa ar an eolas faoi.
Go hiondúil, glactar an cinneadh ón gComhairle agus an rialachán ón gComhairle le chéile agus tagann siad i bhfeidhm an lá a nglactar iad. Leis sin, is féidir éifeachtaí dlíthiúla a bheith ag an dá ghníomh i gcomhthráth (reo sócmhainní).
Cé a chuireann chun feidhme iad?
Is iad na Ballstáit a chuireann chun feidhme iad.
Fíoróidh an Coimisiún go bhfuil na rialacháin curtha chun feidhme ag na Ballstáit ar bhealach cuí tráthúil. Agus ní mór do shaoránaigh agus d’oibreoirí iad a fhorfheidhmiú laistigh den Aontas. Déantar athbhreithniú rialta orthu.
Ag brath ar an dóigh a bhfuil cúrsaí ag titim amach, is féidir leis an gComhairle a chinneadh tráth ar bith
- iad a leasú
- síneadh a chur leo
- iad a bhaint
Cé a ailíníonn leo?
Is éifeachtaí na smachtbhannaí nuair atá an tAontas agus na comhpháirtithe atá ar aon intinn ag teacht le chéile, comhpháirtithe ar nós:
- tíortha is iarrthóirí
- Tíortha CFTE/LEE
- comhaltaí de Chomhpháirtíocht an Oirthir
Cé dóigh a gcuirtear iad siúd a ndírítear orthu ar an eolas faoi na smachtbhannaí?
Is mar seo a leanas a thugtar fógra do dhaoine nádúrtha agus dlíthiúla atá faoi réir reo sócmhainní:
- go pearsanta i litir (más eol an seoladh)
- trí fhógra a fhoilsíonn an Chomhairle i sraith ‘C’ d’Iris Oifigiúil an Aontais Eorpaigh
Cén dóigh a n-iarrtar bearta sriantacha a bhaint?
Féadfaidh daoine agus eintitis liostaithe an méid seo a leanas a dhéanamh:
- iarratas a chur faoi bhráid na Comhairle, le doiciméid tacaíochta, ina n-iarrtar go mbreathnófar arís ar an gcinneadh iad a liostú
- cur i gcoinne chinneadh na Comhairle os comhair Chúirt Ghinearálta an Aontais Eorpaigh: Airteagail 275 agus 263 den Chonradh ar Fheidhmiú an Aontais Eorpaigh