"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Impjiegi, Politika Soċjali, Saħħa u Affarijiet tal-Konsumatur
Vidjokonferenza tal-ministri għall-impjiegi u l-affarijiet soċjali, 9 ta' Ġunju 2020
Riżultati ewlenin
Impjiegi u affarijiet soċjali
Il-ministri tal-UE għall-impjiegi u l-affarijiet soċjali kellhom it-tielet laqgħa tagħhom matul il-pandemija tal-COVID-19. Għall-ewwel darba, l-enfasi tad-diskussjoni kienet fuq l-irkupru. B'mod partikolari, il-ministri kellhom skambju ta' fehmiet dwar kif il-politiki nazzjonali dwar ix-xogħol u dawk soċjali jistgħu jsiru aktar b'saħħithom u s-swieq tax-xogħol jistgħu jsiru aktar reżiljenti sabiex jingħelbu l-konsegwenzi tal-pandemija tal-COVID-19.
Il-kriżi attwali kellha impatt enormi fuq id-drawwiet tagħna tax-xogħol - ix-xogħol mill-bogħod u ħinijiet tax-xogħol flessibbli saru n-norma u l-użu ta' teknoloġiji diġitali qed jiżdied. F'dan il-kuntest, huwa kruċjali li l-politiki tagħna jkunu kif meħtieġ. Ekonomija tal-UE aktar reżiljenti teħtieġ forza tax-xogħol b'ħiliet aħjar. Għalhekk, jeħtieġ li ninvestu b'mod wiesa' fl-edukazzjoni u t-taħriġ, b'mod partikolari fit-titjib tal-ħiliet u t-taħriġ mill-ġdid tal-ħaddiema u l-impjegati madwar l-Unjoni tagħna.
Josip Aladrović, ministru għax-Xogħol u s-Sistema tal-Pensjonijiet tal-Kroazja
Id-diskussjoni kienet strutturata madwar il-mistoqsijiet li ġejjin imħejjija mill-presidenza:
Diversi arranġamenti ta' xogħol flessibbli, bħal xogħol mill-bogħod, sigħat ta' xogħol flessibbli, u teknoloġiji innovattivi tal-ICT ġew użati b'mod wiesa' matul il-kriżi tal-COVID-19. Taħsbu li t-tkomplija tal-użu tagħhom fil-futur ser tkun ekonomikament u soċjalment ta' benefiċċju fuq medda twila ta' żmien?
Liema huma l-pjanijiet tagħkom għat-titjib tal-ħiliet/taħriġ mill-ġdid, fil-kuntest tat-tibdil fid-dinja tax-xogħol minħabba l-COVID-19 kif ukoll fil-kuntest tat-tranżizzjonijiet diġitali u ekoloġiċi li għaddejjin?
Fil-kuntest tal-pandemija tal-COVID-19, kif qed tindirizzaw il-protezzjoni u l-promozzjoni tal-ugwaljanza bejn il-ġeneri, speċjalment fir-rigward ta' gruppi vulnerabbli?
Il-ministri laqgħu l-adozzjoni tal-pakkett ta' Rkupru, iżda saħqu li l-kriżi tal-COVID-19 wasslet għal sfidi serji fil-qasam tal-impjiegi u l-politika soċjali, b'mod partikolari bħala riżultat tal-użu mifrux ta' għodod tal-IT, telexogħol u vidjokonferenzi. Il-ministri identifikaw l-iżolament soċjali, il-protezzjoni tad-data, is-saħħa tal-ħaddiema u l-protezzjoni tal-impjegati u d-drittijiet tal-ħaddiema fost l-aktar kwistjonijiet ta' sfida. Fir-rigward tat-trasformazzjoni radikali tar-rutini ta' xogħol, ħafna delegazzjonijiet enfasizzaw il-ħtieġa li jitkompla d-djalogu soċjali u r-rwol importanti li s-sħab soċjali għandu jkollhom f'din it-transizzjoni.
Il-ministri saħqu wkoll li l-kriżi attwali kompliet tenfasizza l-ħtieġa għal titjib tal-ħiliet u taħriġ mill-ġdid bħala modi biex jiġu appoġġati l-irkupru ekonomiku u l-koeżjoni soċjali u biex jinbnew ekonomija u soċjetajiet li jkunu aktar reżiljenti fid-dawl tal-isfidi futuri.
Fir-rigward tal-ugwaljanza bejn il-ġeneri, ħafna ministri identifikaw il-vjolenza domestika bħala kwistjoni serja matul il-konfinament tal-COVID-19. Huma qasmu l-esperjenzi fir-rigward tal-ġlieda kontra l-vjolenza domestika u l-għoti ta' assistenza lill-vittmi.
Il-ministri qablu b'mod ġenerali li l-politiki ta' rkupru għandhom jitfasslu b'kunsiderazzjoni għall-ugwaljanza bejn il-ġeneri, b'mod partikolari minħabba l-fatt li ħidmiet ċentrali matul il-kriżi attwali tas-saħħa twettqu min-nisa.
F'dawn iż-żminijiet ta' sfida, l-infermiera, il-ħaddiema fil-kura tas-saħħa u l-assistenti soċjali, u l-ħaddiema tal-kura informali, li ħafna minnhom huma nisa, kienu fl-ewwel linja. F'din is-sitwazzjoni, il-kwistjoni tal-ugwaljanza bejn il-ġeneri ssir saħansitra aktar ta' sfida. Id-diskussjoni tagħna llum uriet li, sabiex noħorġu mill-kriżi, neħtieġu politiki adegwati biex nindirizzaw il-problemi fit-tul, bħalma huma d-distribuzzjoni inugwali tar-responsabbiltajiet ta' kura u d-differenza bejn il-pagi tal-irġiel u n-nisa.
Vesna Besiković, ministru għad-Demografija, il-Familja, iż-Żgħażagħ u l-Politika Soċjali tal-Kroazja
Taħt affarijiet oħra, il-presidenza infurmat lill-ministri dwar il-proċess tas-Semestru li għaddej u r-rakkomandazzjonijiet speċifiċi għall-pajjiż (CSRs) tal-2020.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Il-kriżi attwali kellha impatt enormi fuq id-drawwiet tagħna tax-xogħol - ix-xogħol mill-bogħod u ħinijiet tax-xogħol flessibbli saru n-norma u l-użu ta' teknoloġiji diġitali qed jiżdied. F'dan il-kuntest, huwa kruċjali li l-politiki tagħna jkunu kif meħtieġ. Ekonomija tal-UE aktar reżiljenti teħtieġ forza tax-xogħol b'ħiliet aħjar. Għalhekk, jeħtieġ li ninvestu b'mod wiesa' fl-edukazzjoni u t-taħriġ, b'mod partikolari fit-titjib tal-ħiliet u t-taħriġ mill-ġdid tal-ħaddiema u l-impjegati madwar l-Unjoni tagħna.
F'dawn iż-żminijiet ta' sfida, l-infermiera, il-ħaddiema fil-kura tas-saħħa u l-assistenti soċjali, u l-ħaddiema tal-kura informali, li ħafna minnhom huma nisa, kienu fl-ewwel linja. F'din is-sitwazzjoni, il-kwistjoni tal-ugwaljanza bejn il-ġeneri ssir saħansitra aktar ta' sfida. Id-diskussjoni tagħna llum uriet li, sabiex noħorġu mill-kriżi, neħtieġu politiki adegwati biex nindirizzaw il-problemi fit-tul, bħalma huma d-distribuzzjoni inugwali tar-responsabbiltajiet ta' kura u d-differenza bejn il-pagi tal-irġiel u n-nisa.