"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-ministri għall-ambjent tal-UE ltaqgħu fil-Lussemburgu biex jaqsmu fehmiethom dwar il-pakkett Lesti għall-Mira ta' 55%, iħejju għas-summit dwar il-klima COP26 u jiddiskutu l-istrateġija l-ġdida tal-UE għall-foresti għall-2030. Il-Kunsill adotta l-pożizzjoni tiegħu fl-ewwel qari dwar modifiki għar-Regolament ta' Aarhus. Il-ministri ddiskutew ukoll iż-żieda attwali fil-prezzijiet tal-enerġija.
Summit dwar il-klima (COP26)
Il-ministri bdew il-laqgħa b'diskussjoni dwar it-tħejjijiet għal-laqgħa tal-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC) li għandha ssir mill-31 ta' Ottubru sat-12 ta' Novembru fi Glasgow (COP26). Il-Kunsill adotta konklużjonijiet li jistabbilixxu l-pożizzjoni tal-UE fil-laqgħa.
Id-dinja bħalissa mhix fit-triq it-tajba biex iżżomm it-tisħin globali taħt il-1.5 gradi. Huma meħtieġa ħafna aktar sforzi kollettivi biex it-temperatura tal-pjaneta tagħna tinżamm f'limiti sikuri. Fil-COP26 l-UE ser tappella lill-partijiet kollha għall-Ftehim ta' Pariġi biex jippreżentaw miri nazzjonali ambizzjużi għat-tnaqqis tal-emissjonijiet u biex il-pajjiżi żviluppati jżidu l-finanzjament internazzjonali għall-klima. Bil-konklużjonijiet adottati llum, l-UE mhux biss għandha r-rieda iżda mandat b'saħħtu biex tmexxi d-diskussjonijiet fid-direzzjoni t-tajba - id-direzzjoni li tipproteġi l-pjaneta għall-benefiċċju ta' kulħadd u tibqa' fuq in-naħa ta' dawk li huma l-aktar vulnerabbli għat-tibdil fil-klima.
Andrej Vizjak, Ministru għall-Ambjent u l-Ġestjoni tat-Territorju tas-Slovenja
Il-konklużjonijiet jappellaw lill-partijiet kollha, biex jippreżentaw Kontributi Stabbiliti fil-Livell Nazzjonali (NDCs) ambizzjużi u jirrikonoxxu l-ħtieġa li jiżdiedu l-isforzi ta' adattament b'mod kollettiv.
Il-Kunsill ifakkar li l-UE u l-istati membri tagħha huma l-kontributuri ewlenin fid-dinja tal-finanzjament tal-ġlieda kontra t-tibdil fil-klima. Il-konklużjonijiet jikkonfermaw mill-ġdid l-impenn tagħhom li jżidu l-mobilizzazzjoni tal-finanzjament internazzjonali għall-klima u jistiednu pajjiżi żviluppati oħra biex iżidu l-kontribuzzjonijiet tagħhom.
Il-Kunsill jistabbilixxi wkoll il-pożizzjoni tal-UE fir-rigward tal-finalizzazzjoni tal-Ġabra ta' Regoli għall-Ftehim ta' Pariġi, b'mod partikolari l-kooperazzjoni volontarja skont l-Artikolu 6 u kalendarju komuni għall-NDCs.
Il-ministri għall-ambjent tal-UE kellhom l-ewwel dibattitu formali dwar il-pakkett Lesti għall-mira ta' 55%, b'enfasi partikolari fuq inizjattivi li jaqgħu taħt il-mandat tal-Kunsill Ambjent. Dawn il-proposti għandhom l-għan li jemendaw:
l-Iskema tal-UE għall-Iskambju ta' Kwoti tal-Emissjonijiet
ir-Regolament dwar il-Kondiviżjoni tal-Isforzi
ir-Regolament dwar l-użu tal-art, it-tibdil fl-użu tal-art u l-forestrija
ir-Regolament li jistabbilixxi standards ta' emissjonijiet ta' CO2 għall-karozzi u l-vannijiet
u li jistabbilixxu Fond Soċjali ġdid għall-Klima
Minħabba n-natura trażversali tal-pakkett, nistgħu nistennew li d-diskussjonijiet ikunu kumplessi u – realistikament – jieħdu ż-żmien. B'mod ġenerali, l-istati membri jilqgħu l-pakkett "Lesti għall-mira ta' 55%" peress li għandu l-għan li jipprovdi l-mezzi konkreti biex l-UE tissodisfa l-ambizzjoni klimatika akbar tagħha. Li wieħed jifhem l-interkonnessjonijiet bejn il-fajls għandu rwol vitali fil-valutazzjoni ta' jekk u kif il-partijiet kollha tal-pakkett jikkontribwixxu għal bilanċ ġenerali.
Andrej Vizjak, Ministru għall-Ambjent u l-Ġestjoni tat-Territorju tas-Slovenja
Il-pakkett Lesti għall-mira ta' 55% għandu l-għan li l-politiki tal-UE dwar il-klima u l-enerġija jiġu f'konformità mal-objettiv tal-UE li tintlaħaq newtralità klimatika sal-2050 u l-mira tagħha li tnaqqas l-emissjonijiet ta' gassijiet serra netti b'mill-inqas 55% sal-2030 meta mqabbla mal-livelli tal-1990.
Il-pakkett jikkonsisti minn serje ta' proposti marbuta mill-qrib ma' xulxin li jemendaw atti leġiżlattivi eżistenti jew inkella li jistabbilixxu inizjattivi ġodda f'firxa ta' oqsma ta' politika u setturi ekonomiċi.
Id-dibattitu ffoka fuq il-bilanċ u l-interkonnessjonijiet bejn id-diversi proposti, kif ukoll fuq il-kontribut tagħhom għall-akbar ambizzjoni klimatika tal-UE. Il-ministri taw il-fehmiet tagħhom dwar id-distribuzzjoni tal-isforzi bejn u fi ħdan l-istati membri u s-setturi ekonomiċi differenti involuti, u dwar l-impatt tal-proposti fuq iċ-ċittadini. Id-dibattitu indirizza b'mod partikolari l-estensjoni tal-iskambju ta' kwoti tal-emissjonijiet għall-bini u t-trasport bit-triq.
Il-ministri kellhom skambju ta' fehmiet dwar l-istrateġija l-ġdida tal-UE għall-foresti għall-2030. L-istrateġija hija waħda mill-inizjattivi ewlenin tal-Patt Ekoloġiku Ewropew u tibni fuq l-istrateġija tal-UE għall-bijodiversità għall-2030. Għandha l-għan li tikkontribwixxi għall-kisba tal-objettivi tal-UE dwar il-klima u l-bijodiversità.
Id-dibattitu ffoka prinċipalment fuq jekk l-istrateġija l-ġdida tal-UE għall-foresti tirriflettix il-konklużjonijiet tal-Kunsill dwar l-Istrateġija għall-Bijodiversità għall-2030 u jekk tipprovdix bażi tajba għall-UE biex fid-dinja tmexxi b'eżempju pożittiv għal dak li għandu x'jaqsam mal-ġestjoni sostenibbli tal-foresti. Il-Kunsill ser jadotta konklużjonijiet dwar l-istrateġija l-ġdida għall-foresti fil-Kunsill Agrikoltura u Sajd f'Novembru.
Il-Kunsill adotta l-pożizzjoni tiegħu fl-ewwel qari dwar emenda għar-Regolament ta' Aarhus dwar l-aċċess għall-ġustizzja fi kwistjonijiet ambjentali. L-adozzjoni tal-pożizzjoni tal-Kunsill issegwi ftehim proviżorju li ntlaħaq mal-Parlament Ewropew f'Lulju 2021 u huwa l-pass finali tal-proċedura ta' adozzjoni.
Fuq talba tal-Greċja, Spanja u l-Polonja, il-ministri ddiskutew iż-żieda attwali fil-prezzijiet tal-enerġija.
Il-kwistjoni tqiegħdet fuq l-aġenda tal-Kunsill Ewropew tal-21 u t-22 ta' Ottubru. Il-Kummissjoni ser tressaq Komunikazzjoni dwar il-prezzijiet tal-enerġija li qed jogħlew qabel id-diskussjonijiet fil-Kunsill Ewropew.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-Kummissjoni infurmat lill-ministri fuq rapport dwar l-implimentazzjoni tar-Regolament (UE) Nru 528/2012 dwar il-prodotti bijoċidali. Il-Belġju pprovda informazzjoni dwar il-ħtieġa għal azzjoni koordinata kontra l-PFAS u l-Ġermanja infurmat lill-ministri fuq konferenza ministerjali dwar l-iskart fil-baħar u t-tniġġis tal-plastik f'Ġinevra, imsejħa b'mod konġunt mill-Ekwador, il-Ġermanja, il-Ghana u l-Vjetnam bl-appoġġ tas-Segretarjat tal-UNEP.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Id-dinja bħalissa mhix fit-triq it-tajba biex iżżomm it-tisħin globali taħt il-1.5 gradi. Huma meħtieġa ħafna aktar sforzi kollettivi biex it-temperatura tal-pjaneta tagħna tinżamm f'limiti sikuri. Fil-COP26 l-UE ser tappella lill-partijiet kollha għall-Ftehim ta' Pariġi biex jippreżentaw miri nazzjonali ambizzjużi għat-tnaqqis tal-emissjonijiet u biex il-pajjiżi żviluppati jżidu l-finanzjament internazzjonali għall-klima. Bil-konklużjonijiet adottati llum, l-UE mhux biss għandha r-rieda iżda mandat b'saħħtu biex tmexxi d-diskussjonijiet fid-direzzjoni t-tajba - id-direzzjoni li tipproteġi l-pjaneta għall-benefiċċju ta' kulħadd u tibqa' fuq in-naħa ta' dawk li huma l-aktar vulnerabbli għat-tibdil fil-klima.