Skeda ta' żmien: Azzjoni tal-UE kontra l-ħasil tal-flus u l-finanzjament tat-terroriżmu

Fil-21 ta' Jannar 2025, il-Kunsill ħatar lil Bruna Szego bħala president tal-awtorità kontra l-ħasil tal-flus.

Illum il-Kunsill adotta pakkett ta' regoli ġodda kontra l-ħasil tal-flus li ser jipproteġu liċ-ċittadini tal-UE u s-sistema finanzjarja tal-UE kontra l-ħasil tal-flus u l-finanzjament tat-terroriżmu. 

Il-pakkett jistabbilixxi wkoll awtorità Ewropea ġdida għall-ġlieda kontra l-ħasil tal-flus u l-finanzjament tat-terroriżmu (AMLA) li ser ikollha setgħat superviżorji diretti u indiretti fuq entitajiet marbutin b'obbligu ta’ riskju għoli fis-settur finanzjarju.

• Il-ġlieda kontra l-ħasil tal-flus: il-Kunsill jadotta pakkett ta' regoli (stqarrija għall-istampa, 30 ta' Mejju 2024)

Il-Kunsill u l-Parlament Ewropew laħqu ftehim dwar is-sede tal-awtorità Ewropea futura kontra l-ħasil tal-flus u kontra l-finanzjament tat-terroriżmu (AMLA). Ir-rappreżentanti taż-żewġ koleġiżlaturi vvutaw fl-istess ħin, b'27 vot attribwiti lil kull wieħed f'laqgħa interistituzzjonali informali fil-livell politiku. Disa' stati membri ppreżentaw applikazzjonijiet biex jospitaw l-AMLA: il-Belġju (Brussell), il-Ġermanja (Frankfurt), l-Irlanda (Dublin), Spanja (Madrid), Franza (Pariġi), l-Italja (Ruma), il-Latvja (Riga), il-Litwanja (Vilnius) u l-Awstrija (Vjenna).

L-AMLA ser tkun ibbażata fi Frankfurt u ser tibda topera f'nofs l-2025. L-awtorità ser ikollha aktar minn 400 membru tal-persunal.

Il-post fejn ser tkun is-sede ser jiġi inkluż fir-regolament dwar l-AMLA u ser jiġi adottat formalment bħala parti mit-test.

• Frankfurt ser tospita l-awtorità l-ġdida tal-UE għall-ġlieda kontra l-ħasil tal-flus (AMLA) (stqarrija għall-istampa, 22 ta' Frar 2024)

Il-Kunsill u l-Parlament laħqu ftehim proviżorju dwar partijiet mill-pakkett kontra l-ħasil tal-flus li għandu l-għan li jipproteġi liċ-ċittadini tal-UE u lis-sistema finanzjarja tal-UE mill-ħasil tal-flus u l-finanzjament tat-terroriżmu.

Għall-ewwel darba, il-ftehim proviżorju dwar regolament kontra l-ħasil tal-flus ser jarmonizza r-regoli b'mod eżawrjenti fl-UE kollha, u jagħlaq lakuni possibbli użati mill-kriminali biex jaħslu rikavat illeċitu jew jiffinanzjaw attivitajiet terroristiċi permezz tas-sistema finanzjarja.

• Ġlieda kontra l-ħasil tal-flus: il-Kunsill u l-Parlament jilħqu ftehim dwar regoli aktar stretti (stqarrija għall-istampa, 18 ta' Jannar 2024)

Ir-rappreżentanti tal-Kunsill u tal-Parlament Ewropew laħqu fehim komuni dwar il-proċess għall-għażla tas-sede tal-awtorità Ewropea futura għall-ġlieda kontra l-ħasil tal-flus u l-finanzjament tat-terroriżmu (AMLA).

• Ġlieda kontra l-ħasil tal-flus: Il-Kunsill u l-Parlament jaqblu dwar proċedura biex jintgħażel siġġu għal awtorità ġdida (stqarrija għall-istampa, 18 ta' Diċembru 2023)

Il-Kunsill u l-Parlament laħqu ftehim proviżorju dwar il-ħolqien ta' awtorità Ewropea ġdida għall-ġlieda kontra l-ħasil tal-flus u l-finanzjament tat-terroriżmu (AMLA) - il-qofol tal-pakkett kontra l-ħasil tal-flus ippreżentat mill-Kummissjoni Ewropea f'Lulju 2021. Ir-regoli l-ġodda għandhom l-għan li jipproteġu liċ-ċittadini tal-UE u s-sistema finanzjarja tal-UE kontra l-ħasil tal-flus u l-finanzjament tat-terroriżmu.

L-AMLA ser ikollha setgħat superviżorji diretti u indiretti fuq entitajiet marbutin b'obbligu u ta' riskju għoli fis-settur finanzjarju.

Il-ftehim iħalli barra deċiżjoni dwar il-post tas-sede tal-aġenzija, kwistjoni li għadha qed tiġi diskussa fuq binarju separat.

• Ġlieda kontra l-ħasil tal-flus: Il-Kunsill u l-Parlament jaqblu li joħolqu awtorità ġdida (stqarrija għall-istampa, 13 ta' Diċembru 2023)

Il-Kunsill adotta regoli aġġornati dwar l-informazzjoni li takkumpanja t-trasferimenti ta' fondi billi estenda l-kamp ta' applikazzjoni tar-regoli għat-trasferimenti ta' kriptoassi.

Skont ir-regoli l-ġodda l-fornituri ta' servizzi tal-kriptoassi huma obbligati jiġbru u jagħmlu aċċessibbli ċerta informazzjoni dwar l-ispeditur u l-benefiċjarju tat-trasferimenti ta' kriptoassi operati minnhom, irrispettivament mill-ammont ta' kriptoassi li jkunu qed jiġu nnegozjati.

Dan jiżgura t-traċċabbiltà tat-trasferimenti tal-kriptoassi, sabiex ikunu jistgħu jiġu identifikati aħjar tranżazzjonijiet suspettużi possibbli u jiġu mblukkati.

• Ġlieda kontra l-ħasil tal-flus: il-Kunsill jadotta regoli li jagħmlu t-trasferimenti tal-kriptoassi traċċabbli (stqarrija għall-istampa, 16 ta' Mejju 2023)

Sabiex jitwessa' l-kamp ta' applikazzjoni tal-qafas regolatorju eżistenti u biex jingħalqu lakuni possibbli, il-Kunsill qabel dwar il-pożizzjoni tiegħu dwar regolament kontra l-ħasil tal-flus u direttiva ġdida.

Ir-regoli l-ġodda dwar il-ġlieda kontra l-ħasil tal-flus u l-finanzjament tat-terroriżmu tal-UE ser jiġu estiżi għas-settur kollu tal-kriptoassi, li jobbligaw lill-fornituri kollha ta' servizzi tal-kriptoassi jwettqu diliġenza dovuta fuq il-klijenti tagħhom. Dan ifisser li ser ikollhom jivverifikaw il-fatti u l-informazzjoni dwar il-klijenti tagħhom.

• Ġlieda kontra l-ħasil tal-flus: il-Kunsill jaqbel dwar il-pożizzjoni tiegħu dwar ġabra ta' regoli msaħħa (stqarrija għall-istampa, 7 ta' Diċembru 2022)

Il-Kunsill u l-Parlament laħqu ftehim proviżorju dwar il-proposta li taġġorna r-regoli dwar l-informazzjoni li takkumpanja t-trasferimenti ta' fondi bl-estensjoni tal-kamp ta' applikazzjoni tar-regoli għat-trasferimenti ta' kriptoassi.

Il-ftehim il-ġdid ser jippermetti lill-UE trażżan l-abbuż ta' kriptoassi għall-ħasil tal-flus u l-finanzjament tat-terroriżmu, filwaqt li tirrikonċilja l-kompetittività, il-protezzjoni tal-konsumatur u tal-investitur, u l-protezzjoni tal-integrità finanzjarja tas-suq intern.

• Ġlieda kontra l-ħasil tal-flus: Intlaħaq ftehim proviżorju dwar it-trasparenza tat-trasferimenti tal-kriptoassi (stqarrija għall-istampa, 29 ta' Ġunju 2022)

Il-Kunsill qabel dwar il-pożizzjoni parzjali tiegħu dwar il-ħolqien ta' Awtorità mfassla apposta għall-Ġlieda Kontra l-Ħasil tal-Flus (AMLA).

Minħabba n-natura transfruntiera tal-kriminalità, l-Awtorità l-ġdida mistennija tagħti kontribut qawwi u utli għall-ġlieda kontra l-ħasil tal-flus u l-finanzjament tat-terroriżmu.

Fil-pożizzjoni tiegħu, il-Kunsill iżid is-setgħat lill-Awtorità biex tissorvelja direttament ċerti tipi ta' istituzzjonijiet ta' kreditu u dawk finanzjarji, inkluż fornituri ta' servizzi tal-kriptoassi, jekk dawn jitqiesu riskjużi. Huwa jafda wkoll lill-Awtorità biex tissorvelja sa 40 grupp u entità - tal-anqas fl-ewwel proċess tal-għażla – u biex tiżgura kopertura sħiħa tas-suq intern taħt is-superviżjoni tagħha. Qed jingħataw ukoll aktar setgħat lill-bord ġenerali fil-governanza tal-AMLA.

• Awtorità ġdida tal-UE għall-ġlieda kontra l-ħasil tal-flus: il-Kunsill jaqbel dwar il-pożizzjoni parzjali tiegħu (stqarrija għall-istampa, 29 ta' Ġunju 2022)

Following a discussion at the video conference of economics and finance ministers on 4 November 2020, the Council adopted conclusions on anti-money laundering and terrorism financing.

These provide the Commission with guidance in advance of its legislative proposals in 2021. In particular for setting up:

• a single rule book harmonising EU rules
• an EU-level supervisor with direct supervisory powers
• a coordination and support mechanism for national financial intelligence units

• Video conference of economics and finance ministers, 4 November 2020

Il-ministri kellhom diskussjoni wara preżentazzjoni mill-Kummissjoni Ewropea dwar l-pjanijiet tagħha biex tissaħħaħ aktar il-ġlieda tal-UE kontra l-ħasil tal-flus u l-finanzjament tat-terroriżmu.

B'mod partikolari, huma ddiskutew:

• kif l-aħjar li jinkiseb sett armonizzat ta' regoli
• kif isir użu aħjar mid-data, mill-analiżi tad-data u mill-kondiviżjoni tad-data
• il-possibbiltà li tiġi stabbilita awtorità ddedikata ġdida tal-UE
• il-metodoloġija riveduta għall-identifikazzjoni ta' pajjiżi terzi b'riskju għoli

Il-pjan ta' azzjoni tal-Kummissjoni jagħti segwitu għall-konklużjonijiet tal-Kunsill ta' Diċembru 2019, li jistabbilixxu prijoritajiet strateġiċi għal riforma f'dan il-qasam.

• Vidjokonferenza tal-ministri għall-ekonomija u l-finanzi, 19 ta' Mejju 2020
• Il-Kummissjoni tintensifika l-ġlieda kontra l-ħasil tal-flus u l-finanzjament tat-terroriżmu (stqarrija għall-istampa, 7 ta' Mejju 2020, Kummissjoni Ewropea)

Il-Kunsill adotta konklużjonijiet dwar prijoritajiet strateġiċi dwar il-ġlieda kontra l-ħasil tal-flus u l-finanzjament tat-terroriżmu.

Il-konklużjonijiet huma rispons dirett għall-aġenda strateġika tal-UE għall-2019-2024, li fiha l-Kunsill Ewropew jappella biex "insaħħu l-ġlieda tagħna kontra t-terroriżmu u l-kriminalità transfruntiera, intejbu l-kooperazzjoni u l-kondiviżjoni tal-informazzjoni, u niżviluppaw aktar l-istrumenti komuni tagħna". Il-konklużjonijiet huma bbażati wkoll fuq il-komunikazzjoni tal-Kummissjoni u erba' rapporti ppubblikati f'Lulju 2019.

Il-Kunsill jistieden lill-Kummissjoni biex tesplora aktar azzjonijiet possibbli biex jissaħħu r-regoli kontra l-ħasil tal-flus.

• Ħasil tal-flus: il-Kunsill jistabbilixxi prijoritajiet strateġiċi għal aktar riformi (stqarrija għall-istampa, 5 ta' Diċembru 2019)
• Kunsill Ewropew: Aġenda strateġika ġdida 2019-2024
• Il-ġlieda kontra l-ħasil tal-flus u l-finanzjament tat-terroriżmu: il-Kummissjoni tivvaluta r-riskji u titlob implimentazzjoni aħjar tar-regoli (stqarrija għall-istampa, 24 ta' Lulju 2019, Kummissjoni Ewropea)

Il-presidenza tal-Kunsill u l-Parlament Ewropew laħqu qbil proviżorju dwar sett ta' proposti biex jiġi rieżaminat il-funzjonament tas-sistema Ewropea ta' superviżjoni finanzjarja attwali.

Huma qablu dwar l-ewwel rieżami fundamentali tal-kompiti, is-setgħat, il-governanza u l-finanzjament tal-awtoritajiet superviżorji Ewropej u tal-Bord Ewropew dwar ir-Riskju Sistemiku, sabiex jadattaw lil dawn l-awtoritajiet għall-kuntest mibdul li fih joperaw. Ir-riforma tinkludi wkoll dispożizzjonijiet li jsaħħu r-rwol tal-Awtorità Bankarja Ewropea fir-rigward tar-riskji għas-settur finanzjarju minn attivitajiet tal-ħasil tal-flus u finanzjament tat-terroriżmu.

• Superviżjoni finanzjarja: Il-presidenza tal-Kunsill u l-Parlament jilħqu ftehim proviżorju dwar qafas superviżorju għall-istituzzjonijiet finanzjarji Ewropej (stqarrija għall-istampa, 21 ta' Marzu 2019)

Il-Kunsill iddeċieda unanimament li jirrifjuta abbozz ta' lista mressaq mill-Kummissjoni Ewropea ta' 23 pajjiż terz b'riskju għoli fil-qasam tal-ħasil tal-flus u l-finanzjament tat-terroriżmu.

F'dikjarazzjoni, il-Kunsill iġġustifika d-deċiżjoni tiegħu għar-raġuni li "ma jistax jappoġġa l-proposta attwali li ma ġietx stabbilita bi proċess trasparenti u reżiljenti li attivament jagħti l-inċentiv lill-pajjiżi milquta biex jieħdu azzjoni deċiżiva waqt li wkoll jirrispetta d-dritt li dawn jesprimu fehmiethom".

• Ħasil tal-flus u finanzjament tat-terroriżmu: il-Kunsill jibgħat lura lill-Kummissjoni abbozz ta' lista ta' pajjiżi b'riskju għoli (stqarrija għall-istampa, 7 ta' Marzu 2019)

L-ambaxxaturi għall-UE qablu dwar il-pożizzjoni ta' negozjar tal-Kunsill dwar proposta li ssaħħaħ ir-rwol tal-Awtorità Bankarja Ewropea (ABE) fir-rigward tar-riskji li jippreżentaw l-attivitajiet ta’ ħasil tal-flus għas-settur finanzjarju.

Skont it-test li ntlaħaq qbil dwaru, l-EBA tingħata, b’mod partikolari, il-kompiti li ġejjin:

• il-ġbir ta' informazzjoni mill-awtoritajiet nazzjonali b'rabta mad-dgħufijiet identifikati fil-kuntest tal-azzjonijiet tagħhom kontra l-ħasil tal-flus u l-finanzjament tat-terroriżmu
• it-titjib tal-kwalità tas-superviżjoni permezz tal-iżvilupp ta' standards komuni u koordinazzjoni fost l-awtoritajiet superviżorji nazzjonali
• it-twettiq ta' valutazzjonijiet tar-riskji fuq l-awtoritajiet kompetenti biex jiġu evalwati l-istrateġiji u r-riżorsi tagħhom għall-indirizzar tar-riskji emerġenti marbutin mal-ħasil tal-flus fil-livell tal-UE
• l-iffaċilitar ta' kooperazzjoni ma' pajjiżi li mhumiex fl-UE dwar każijiet transfruntiera
• bħala l-aħħar alternattiva, jekk l-awtoritajiet nazzjonali ma jaġixxux, l-EBA tkun tista' tindirizza deċiżjonijiet direttament lil banek individwali

• Il-ġlieda kontra l-ħasil tal-flus: il-Kunsill jaqbel dwar pożizzjoni dwar is-superviżjoni msaħħa għall-banek (stqarrija għall-istampa, 19 ta' Diċembru 2018)

Il-Kunsill adotta konklużjonijiet dwar pjan ta' azzjoni biex jiġu indirizzati aħjar il-ħasil tal-flus u l-finanzjament tat-terroriżmu.

Il-konklużjonijiet jistabbilixxu għadd ta' azzjonijiet mhux leġislattivi fuq perjodu qasir ta' żmien biex tissaħħaħ is-superviżjoni tal-attivitajiet kontra l-ħasil tal-flus u tiġi inkoraġġuta l-kooperazzjoni bejn l-awtoritajiet kompetenti.

• Kunsill Affarijiet Ekonomiċi u Finanzjarji, 5 ta' Diċembru 2018

Il-Kunsill adotta direttiva ġdida kontra l-ħasil tal-flus, li tikkomplementa l-ħames direttiva kontra l-ħasil tal-flus adottata f'Mejju 2018.

Id-direttiva tintroduċi dispożizzjonijiet ġodda dwar il-liġi kriminali li jfixklu u jimblokkaw l-aċċess mill-kriminali għal riżorsi finanzjarji, inkluż dawk użati għal attivitajiet terroristiċi.

• L-UE tadotta regoli aktar stretti dwar il-ħasil tal-flus (stqarrija għall-istampa, 11 ta' Ottubru 2018)

Il-Kummissjoni ppreżentat il-proposta tagħha biex issaħħaħ ir-rwol tal-Awtorità Bankarja Ewropea (EBA) fis-superviżjoni tal-istituzzjonijiet finanzjarji tal-UE, biex tindirizza aħjar it-theddid tal-ħasil tal-flus u tal-finanzjament tat-terroriżmu.

Il-ministri enfasizzaw l-importanza tal-implimentazzjoni xierqa tar-regoli tal-UE fir-rigward tal-ħasil tal-flus, u t-tisħiħ tal-kooperazzjoni bejn is-superviżuri fil-qasam tal-ġlieda kontra l-ħasil tal-flus u s-superviżuri prudenzjali biex jinħoloq qafas ta' monitoraġġ effiċjenti.

Il-Kunsill adotta wkoll regolament li jsaħħaħ il-kontrolli fuq il-flus kontanti li jidħlu jew joħorġu mill-Unjoni, biex b'hekk il-leġislazzjoni tal-UE saret konformi mal-ogħla standards internazzjonali dwar il-ġlieda kontra l-ħasil tal-flus u l-finanzjament tat-terroriżmu.

Il-ġlieda kontra l-ħasil tal-flus hija parti integrali mill-isforzi tagħna biex innaqqsu r-riskji fis-settur finanzjarju u biex niksbu lura l-fiduċja fis-sistema finanzjarja tagħna. L-UE wettqet riformi ambizzjużi iżda issa rridu nkunu żguri li dawn jiġu infurzati u sorveljati b'mod effettiv fl-UE kollha. Hartwig Löger, il-ministru għall-finanzi tal-Awstrija li għandha l-presidenza tal-Kunsill fit-tieni nofs tal-2018

• Kunsill Affarijiet Ekonomiċi u Finanzjarji, 2 ta' Ottubru 2018

Il-Kunsill adotta d-direttiva li ssaħħaħ ir-regoli tal-UE għall-prevenzjoni tal-ħasil tal-flus u l-finanzjament tat-terroriżmu, il-ħames direttiva kontra l-ħasil tal-flus. Dan wara qbil mal-Parlament Ewropew li ntlaħaq f'Diċembru 2017. Il-Parlament approva t-test maqbul fid-19 ta' April 2018.

• Ħasil tal-flus u finanzjament tat-terroriżmu: adottati regoli ġodda (stqarrija għall-istampa, 14 ta' Mejju 2018)

L-ambaxxaturi għall-UE kkonfermaw il-qbil politiku li ntlaħaq bejn il-presidenza u l-Parlament Ewropew dwar regoli msaħħa tal-UE għall-prevenzjoni tal-ħasil tal-flus u l-finanzjament tat-terroriżmu.

"Il-qbil tal-lum hu pass importanti fit-tneħħija tal-mezzi disponibbli għat-terroristi," qal Toomas Tõniste, ministru għall-finanzi tal-Estonja, il-pajjiż li għandu f'idejh il-presidenza tal-Kunsill. "Fih miżuri ġodda li ser jgħinu lill-awtoritajiet jintraċċaw aħjar il-flussi finanzjarji u jfixklu l-finanzjament ta' networks kriminali."

Il-Parlament u l-Kunsill għandhom jipproċedu bl-adozzjoni tad-direttiva fl-ewwel qari.

Il-Kunsill qabel dwar il-pożizzjoni ta' negozjar tiegħu u dan jippermetti lill-presidenza tal-Kunsill tiftaħ negozjati mal-Parlament Ewropew dwar il-verżjoni finali tar-reviżjoni proposta tad-direttiva dwar il-ġlieda kontra l-ħasil tal-flus.

• Pożizzjoni ta' negozjar tal-Kunsill dwar l-abbozz ta' direttiva dwar il-prevenzjoni tal-ħasil tal-flus u l-finanzjament tat-terroriżmu, 19 ta' Diċembru 2016

Il-Kunsill kellu skambju ta' fehmiet preliminari dwar il-pjan tal-Kummissjoni li tindirizza l-ħasil tal-flus u ttejjeb it-trasparenza fiskali.

• Kunsill Affarijiet Ekonomiċi u Finanzjarji, 12 ta' Lulju 2016

Il-Kummissjoni Ewropea ppubblikat il-proposta biex tiġi emendata r-raba' direttiva dwar il-ġlieda kontra l-ħasil tal-flus fil-5 ta' Lulju 2016. It-tisħiħ tal-ġlieda kontra l-finanzjament tat-terroriżmu huwa parti mill-pjan ta' azzjoni tal-2016 tal-Kummissjoni Ewropea.

Il-Kunsill iddiskuta l-pjan ta' azzjoni tal-Kummissjoni għat-tisħiħ tal-ġlieda kontra l-finanzjament tat-terroriżmu, u adotta konklużjonijiet li jistabbilixxu l-prijoritajiet f'dan il-qasam.

• Konklużjonijiet tal-Kunsill dwar il-ġlieda kontra l-finanzjament tat-terroriżmu (12 ta' Frar 2016)

Il-Kunsill Ewropew iddiskuta aktar azzjoni li jenħtieġ tittieħed fil-ġlieda kontra l-finanzjament tat-terroriżmu u l-ħasil tal-flus.

• Konklużjonijiet tal-Kunsill Ewropew, 17-18 ta' Diċembru 2015
• Kunsill Ewropew, 17-18 ta' Diċembru 2015

Il-Kunsill iddiskuta kif għandha tissaħħaħ il-ġlieda tal-UE kontra t-terroriżmu u adotta konklużjonijiet, li fihom enfasizza l-importanza li jittejjeb il-qafas legali eżistenti li jindirizza t-theddid terroristiku.

Il-konklużjonijiet stiednu lill-Kummissjoni Ewropea tippreżenta proposti biex tiżdied is-saħħa tal-unitajiet nazzjonali tal-intelligence finanzjarja u titjieb il-kooperazzjoni bejniethom u biex jissaħħu l-kontrolli fuq ċerti metodi ta' pagament, inkluż mekkaniżmi anonimi u muniti virtwali.

• Konklużjonijiet tal-Kunsill tal-UE u tal-istati membri mlaqqgħin fil-Kunsill dwar il-ġlieda kontra t-terroriżmu, 20 ta' Novembru 2015
• Kunsill Ġustizzja u Affarijiet Interni, 20 ta' Novembru 2015